Malcolm Ross (linguwista)

Gikan sa Bikol Sentral na Wikipedia, an talingkas na ensiklopedya

Si Malcolm David Ross (iminundag kadtong 1942) sarong emeritus professor kan lingwistiko sa Australian National University. Pigpublikar nya an saiyang mga gibo dapit sa Austronesyo asin sa Mga tataramon na Papuano, historiyang Linguwistiko, asin sa tataramon na pankontak (lalong-lalo na an metatipihiya). Naluklok sya bilang Kasamahan kan Australian Academy of the Humanities kadtong 1996.[1]

Nagsirbi si Ross bilang Prinsipal kan Goroka Teachers' College sa Papua New Guinea puòn 1980 hanggan 1982, habang nasa oras sya nin pagdakula na nagkakaigwa syang interes sa mga lokal na mga tataramon, dangan puminuon syang mangulekta nin datos sa mga ini. Kan 1986, nareseber niya an saiyang PhD hale sa ANU na nasa irarom nin superbisyon ni Stephen Wurm, Bert Voorhoeve asin si Darrell Tryon.[2] Patungkol an saiyang disertasyon sa genealohiya kan mga tataramon na Osyaniko sa sulnupan na Melanesya, dangan naglalaman ini nin mga amay na rekonstruksyon kan Proto Osyaniko.[3] Pig-introdusir man nya an konsepto kan linkage, sarong grupo kan mga tataramon na nagbago o nag-evolve sa paagi kan pagkakaibá kan diyalektos kaysa sa tree-like splits.

Kaiba si Andrew Pawley asin Meredith Osmond, nakaambag si Ross sa Proyekto kan Leksiko nin Proto-Osyaniko, na nakagibo nin mga pirang mga bolyum kan mga pigrekonstruk na mga bokabularyong Proto-Osyaniko sa pirang mga semantikong mga domain.[4]

Kalaunan, napublikar si Ross sa mga tataramon na Pormosano asin sa mga tataramon na Papuano.

=Mga Nota[baguhon | baguhon an source]

  1. AHA website Archived 2015-04-02 at the Wayback Machine.
  2. ANU Press website
  3. Ross, Malcolm (1988). Proto Oceanic and the Austronesian languages of western Melanesia. Canberra: Pacific Linguistics. ISBN 0858833670. 
  4. Oceanic Lexicon Project homepage

Mga panluwas na takod[baguhon | baguhon an source]

Plantilya:Australia-linguist-stub