Jump to content

Malin Kundang

Gikan sa Bikol Sentral na Wikipedia, an talingkas na ensiklopedya

An Malin Kundang sarong popular na osipon sa osipon kan Indonesya na nagpoon sa probinsya nin Sulnupan na Sumatra . An osipon nag-iistorya nin sarong daing utang na boot na aking lalaki na an pangaran Malin Kundang asin nakasentro sa mga tema nin pagsuway asin pagbalos na iyo an nagin gapo saiya. Apwera sa osipon na ini, igwa nin nagkapirang iba pang kaparehong mga pagkakaiba-iba sa bilog na Sur-Sirangan na Asya kabali an Si Tanggang asin Nakhoda Manis na nagpoon sa Malaysia asin Brunei. [1]

Kasaysayan

[baguhon | baguhon an source]

An alamat kan Malin Kundang naggigikan sa mga taga- Minangkabau na yaon sa kabukidan kan Solnopan na Sumatra, Indonesya. An Minangkabau iyo an pinakadakulang etnikong grupo sa isla na istaran kan kadakol na osipon kultural, na an Malin Kundang saro sa mga ini. Apwera sa bantog na osipon, an iba pang osipon na nagpoon sa mga Minangkabau kabali an An Osipon kan Puting Siamang asin an Mahika na Isda sa Salog Janiah. An mga istoryang ini ipinapasa sa henerasyon pasiring sa henerasyon asin padagos na nag-eeksister sa paagi kan oralidad.

An Gapo kan Malin Kundang

[baguhon | baguhon an source]
Malin Kundang na pormasyon nin gapo

An istorya kan gapo ni Malin Kundang sa osipon nagin inspirasyon kan pagmukna kan pormasyon nin gapo na bisto sa apod na Batu Malin Kundang. An gapo sarong artipisyal na artifact na ginibo kan dekada otsenta ni Dasril Bayras asin Ibenzani Usman. An lugar kan istorya nakabase sa sarong aktuwal na baybayon na namumugtak harani sa Padang na inaapod na Air Manis (Sweet Water) Beach. Kaya, an artifact makukua sa baybayon na ini.

Kapareho kan istorya, an gapo naglaladawan ki Malin Kundang na nakaluhod, na naglaladawan saiya na naghahagad nin tawad. An mga alon na nagsasabwag sa gapo nagpapaluwas nin makosog na tanog na parateng konektado sa mga tanog nin paghibi.

Malin Kundang Stone atraksyon sa turista sa Air Manis Beach

Apwera sa gapo ni Malin Kundang, igwa nin nagkapirang artipisyal na pormasyon nin gapo na harani sa gapo na pinorma tanganing magrepresentar nin mga pidaso asin ruba kan barko na nagin gapo man. An mga dagdag na pormasyon na ini nin gapo ginibo tanganing makaagid sa mga tipikal na suplay asin kagamitan na dinadara kan mga marinero sa sarong barko arog kan mga lubid asin mga bariles na gibo sa kahoy. [2]

An pagmukna kan Batu Malin Kundang asin an asosasyon kaini sa osipon iyo an nagpabantog kan Air Manis Beach, na nagin sarong popular na atraksyon kan mga turista sa Padang. Siring man, an gapo nagdara sa mas dakulang pagmidbid para sa tradisyonal na osipon.

Mga Pagkakaiba-iba

[baguhon | baguhon an source]

Brunei

[baguhon | baguhon an source]

Sa Brunei, igwa nin pagkakaiba-iba kan osipon na Malin Kundang na inaapod na Nakhoda Manis . An istorya nagsasaysay manungod sa sarong aking lalaki na an pangaran Manis na pinadakula nin sarong mayaman na balo asin nag-eerok sa sarong baryo na inaapod Kampong Ayer . An saiyang ina nagtipon kan saiyang kayamanan sa paagi kan pagkagadan kan saiyang ama asin naglalaom na maipapasa an saindang dakulang kayamanan ki Manis kun siya maggurang na. Poon sa amay na edad, an saiyang ngapit ibinugtak para sa saiya asin tinokdoan na gumawe arog kan ibang nobleng mga aking lalaki. Alagad, igwa siyang ibang nasa isip na ngapit asin igwa siyang sadiring mga ambisyon. Nagplano siyang magbiyahe pasiring sa siyudad nin Sulu. Dawa ngani grabe an kamunduan kan saiyang ina sa saiyang mga plano, dai niya ini mapugulan na gibuhon an gusto niyang gibuhon.

An Jong Batu nakakaagid sa sarong barko na nababaliktad asin nagtutusok sa tubig

Namibi siya para saiya aroaldaw sa laog nin mga dekada poon kan saiyang paghale asin ginamit an gabos niyang kayamanan sa mga pamibi na ini, na naglalaom na an sarong mas halangkaw na kapangyarihan makakapuli na ligtas sa saiyang aki. An padagos na mga pamibi asin pagbisita sa moske nagdara saiya sa kadukhaan. Mantang sia nagsasagwan sa salog nin Brunei sarong aldaw, naheling nia an sarong dakula asin magayon an itsurang baroto na nagdadangadang. Naogma siyang marhay kan marealisar niya na an saiyang aki idto asin tulos niyang inapod ini hale sa saiyang sadit na baroto. Maogmahon siyang marhay na nadangog an boses kan saiyang ina sa harayo na nagrarani asin nagrarani. Alagad, nabigla siya kan mahiling niya an sarong maluya, gurang na babae na nakagubing nin paraoma. Huling nasusupog, pinagbotan nia an saiyang mga tripulante na itulak an saiyang baroto. Napurisaw an saiyang ina kan mahiling an saiyang aki na naggigibo nin arog kaini. Maigot niyang sinumpa siya asin biglang nag-abot an sarong bagyo, na nagpabaliktad kan saiyang barko. [3]

Sarong magapong bulod na inaapod na Jong Batu an mahihiling sa tahaw kan Salog Brunei . Ini nakakaagid sa sarong barko na nagluluwas sa tubig asin parati na inaasosyar sa osipon kan Brunei. [4]

Malaysia

[baguhon | baguhon an source]
Mga Kweba nin Batu

Igwa pang saro pang kaparehong pagkakaiba-iba kan osipon sa Malaysia na midbid bilang Si Tanggang . An istorya nag-eestorya manungod sa sarong aking lalaki na an pangaran Si Tanggang na nakaistar sa sarong baryo nin mga parasira kaiba an saiyang ina asin ama. Nin huli ta an saiyang ama sarong dukhang parasira, sinda mayo nin dakulang kwarta asin namuhay sinda nin hababa an boot. Alagad, si Tanggang pirming nangangarap na magbiyahe sa luwas kan saiyang ginikanan na banwaan tanganing magin mayaman. Sarong aldaw, nahiling niya an sarong barko na nakaduong sa pier kan baryo asin nagduman siya sa barko sa paglaom na makasakay. Nakipag-olay sia sa kapitan asin tinogotan siang maglayag kaiba an saiyang mga tripulante. An saiyang mga magurang nag-aalangan na pabayaan an saindang aki. Alagad, siya nagin marigon na gayo asin sa kahurihurihi tinogotan na magbiyahe. Naglayag siya sa dakul na nasyon asin nakaagom nin sarong prinsesa.

Sarong aldaw, nahiling kan mga baryo an sarong dakulang barko asin an bareta kan kapitan na si Tanggang tulos na nakalakop sa saiyang mga magurang. Huli sa kaogmahan na mahiling an saindang aki, tulos sindang nagsagwan pasiring sa barko mantang inaapod ninda si Tanggang. Kan mahiling niya an saindang itsura, si Tanggang nagsagin-sagin na dai niya aram kun siisay sinda asin pignegaran an ano man na relasyon ninda. Bastos niyang hinagad sainda na maghale asin nagbugsay sinda na may grabeng kamunduan. Kan sinda nakabalik, an saiyang ina nag-unat kan saiyang mga kamot sa kalangitan asin nagkurahaw para ki Tanggang na padusahan. An kalangitan tulos na nagdiklom asin an barko nagpoon na magyugyog nin makusog. Si Tanggang nagkurahaw asin nakimaherak nin tawad alagad huri na an gabos. Si Tanggang, an saiyang agom, asin an saiyang mga tripulante gabos nagin gapo. [5]

An sarong pormasyon nin apog na midbid bilang Batu Caves sarong popular na atraksyon nin mga turista sa Gombak, Selangor, Malaysia, sa norte sana kan Kuala Lumpur, asin orihinal na midbid bilang Kapal Tanggang (Barko kan Tanggang) gikan sa osipon . [6]

[baguhon | baguhon an source]

Huli sa lakop na popularidad kan osipon, an alamat kan Malin Kundang nagseserbing inspirasyon asin pundasyon para sa manlaen-laen na adaptasyon kan popular na kultura arog kan mga pelikula, musikal, asin mga pasundayag.

  • An Malin Kundang sarong pelikulang Indones kan 1971 na pigdirehir ni D. Djajakusuma asin pig-adaptar gikan sa osipon. Dawa ngani an basehan asin premisa kan pelikula kadaklan kinua sa osipon, an pelikula igwa nin mga dagdag na aspeto na mayo sa orihinal na osipon arog kan mga bagong karakter.
  • An Alamat ni Malin Kundang sarong dula na pig-awit sa Orlando, Florida sa Dr. Phillips Center for Performing Arts. An dula nagtatampok asin naggagamit nin tradisyonal na mga instrumentong musikal na Indones na inaapod na angklung . [7]
  • An #MusikalDiRumahAja sarong musikal na web series na nakasentro sa mga osipon na Indones. An enot na episodio kan serye nagtampok kan osipon na Malin Kundang. [8]
  • An Malin Kundang sarong Indonesyang soap opera na pinaluwas kan 2005. An palabas pigprodusir kan MD Entertainment asin pigluwas kan SCTV. Ini nagkukua nin katamtaman na pagbirik gikan sa osipon asin ipinaluwas nin duwang season, na an ikaduwang season nakasentro sa aking babae ni Malin Kundang.
  • An Travel Journals of Si Tenggang II, sarong 1979 na autobiograpiko, pigprodusir kan Malaysian laureate na si Muhammad Haji Salleh asin ginagamit an istorya bilang sarong metapora para sa pankagabsan na eksperyensya nin pagrayo sa mga ugat kultural kan saro. [9]
  • An Si Tanggang (Astro) sarong 2009 na dokumentaryong Malaysian na nagsasaysay kan ginikanan kan alamat. [10]

Hilingon man

[baguhon | baguhon an source]


Toltolan

[baguhon | baguhon an source]
  1. ↑ Nasution, Hasyimsyah; Harahap, Salahuddin; Sukriah, Elpih (2022). "UNSUR KEARIFAN LOKAL DALAM LEGENDA "MALIN KUNDANG"". Jurnal Studi Agama-Agama 5 (1): 22–29. http://jurnal.uinsu.ac.id/index.php/ssr/article/view/12026/5486. 
  2. ↑ Setiyaningrum, Puspasari (4 July 2022). "4 Fakta Batu Malin Kundang di Pantai Air Manis, Benarkah Itu Sosok Nyata Si Anak Durhaka?". Kompas.com. https://regional.kompas.com/read/2022/07/04/210533878/4-fakta-batu-malin-kundang-di-pantai-air-manis-benarkah-itu-sosok-nyata-si?page=all. 
  3. ↑ labibah, isyah (2022-06-30). "CERITA RAKYAT “SI LANCANG” DARI INDONESIA, DENGAN CERITA RAKYAT “NAHKODA MANIS” DARI BRUNEI, DAN CERITA RAKYAT ‘SI TANGGANG’ DARI MALAYSIA; SEBUAH KAJIAN STRUKTURAL SASTRA BANDINGAN" (in id). RUANG KATA: Journal of Language and Literature Studies 2 (1): 42-48. doi:10.53863/jrk.v2i01.385. https://jurnal.umnu.ac.id/index.php/jrk/article/view/385. 
  4. ↑ The tale of the unfilial son, Rozan Yunos, Brunei Times, Mar 30, 2007 mirror Error in webarchive template: Check |url= value. Empty.
  5. ↑ Walter William Skeat (1900). Malay Magic: Being an introduction to the folklore and popular religion of the Malay Peninsula. Siverfish Books. ISBN 983-3221-13-0. 
  6. ↑ Teckwyn, Lim (2010). "The Caves of Batu Caves: a Toponymic Revision". Malayan Nature Journal 62: 335–348. https://onedrive.live.com/?authkey=%21ABxRhWe4%5FpDbSEM&cid=78F7220FAE588A49&id=78F7220FAE588A49%21610&parId=78F7220FAE588A49%21112&o=OneUp. 
  7. ↑ "'Malin Kundang' folktale play staged in Florida". The Jakarta Post (in English). Retrieved 2023-03-21. 
  8. ↑ Paputungan, Rakaputra. "Review: #MusikalDiRumahAja Debuts with MALIN KUNDANG". BroadwayWorld.com (in English). Retrieved 2023-03-21. 
  9. ↑ Md. Salleh Yaapar (2003). "Interview with Malaysian Laureate, Muhammad Haji Salleh". International Institute for Asian Studies. Retrieved 15 October 2016. 
  10. ↑ "Kisah klasik Si Tanggang anak derhaka di Astro Prima". mStar (in Malay). Star Media Group Berhad. 3 July 2009. Retrieved 15 October 2016. 
Kinua sa "https://bcl.wikipedia.org/w/index.php?title=Malin_Kundang&oldid=282889"