Mandurugo

An Mandurugo sarong mitolohikong nilalang gikan sa osipon kan Pilipinas, na kapareho kan sarong virianteng bampira kan Aswang (Filipino shapeshifter ). An Mandurugo nag-iinom nin dugo na kapareho kan bampira. ^[1] Permi ining mga hoben asin magagayon na babae kun aldaw, alagad nagkakaigwa nin mga pakpak asin halaba, matarom na dila kun banggi, na ginagamit ninda sa paggibo nin mga lugad sa liog kan sarong lalaki, o pagtusok sa laog kan saiyang nguso mantang hinahadokan siya tanganing makakua nin dugo. An mga istorya, popular sa mga Tagalog asin mga parataram kan Bikol, dakol an pagkakaiba-iba. Minsan an Mandurugo nag-aagom nin mga lalaking daing pagduda tanganing biktimahon sinda, ^[2] o tibaad magpili sana nin sarong agom na lalaki, na ginagamit niya bilang takop para sa saiyang mga aktibidad sa pag-inom nin dugo, na naglalayog pasiring sa ibang mga baryo tanganing pakakanon.

Uroestorya

"An Daragang Dakol an Pagkamoot" sarong popular na osipon. Sarong hoben, magayon na babae na nag-agom sa edad na disi-sais. An saiyang agom, na ilinadawan bilang sarong hoben na sobra an timbang, naluluya sagkod sa mga tulang sa laog nin mayo pang sarong taon. Pagkagadan kaini, an babae nag-agom nin paorootro na pareho an resulta, sagkod na makaabot siya sa saiyang ikaapat na agom. An ikaapat na agom na lalaki, na natatakot sa kaparehong kapaladan kan saiyang mga naenot, natatakot na magturog sa banggi asin may kapot na kutsilyo sa saiyang kamot. Pakalihis nin matanga, an lalaki nakamati nin sarong bagay sa saiya asin dangan sarong tusok sa saiyang liog. Sinaksak niya an nilalang sa ibabaw niya asin nakadangog nin makusog na kurahaw asin pag-alog kan mga pakpak. Kan sunod na aldaw, an saiyang agom nakuang gadan bakong harayo sa harong na may lugad sa kutsilyo sa saiyang daghan. ^[3]

Mga Pelikula

Kan pakatapos kan Ikaduwang Gerang Pankinaban sa Pilipinas, an bampirismo sarong mainit na tema. An Simbahan Katoliko Romano nagkaigwa nin dakulang impluwensya sa industriya nin pelikula sa bilog na kinaban. An mga pelikula arog kan The Vampire People (1966) iyo an produkto kan osipon kan mga bampira asin kultura kan mayoriya. ^[4]

Anime

Sa Blade (㖮イド, Bureido) ang 2010 na superhero sa telebisyon sa Hapon ni Madhero ni Madhouse asin nakabase sa unibersong Marevel. Nagtatampok kan Mandurugo bilang mga magagayon na mga daraga na nagbabago sa garo arpadong mga aswang na naglalayog, mas eksakto sa kun pano ini piglaladawan sa mitolohiya kan Pilipinas.

Hilingon man

Mga Reperensya

↑ Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na :0
↑ Bane, Theresa (2012-01-09). Encyclopedia of Demons in World Religions and Cultures (in English). McFarland. ISBN 9780786488940.
↑ Ramos, Maximo D. (1990). Creatures of Philippine lower mythology. Phoenix Pub. House.
↑ Lansdale, Edward Geary (1991). In the Midst of Wars: An American's Mission to Southeast Asia. Fordham Univ Press. ISBN 978-0-8232-1314-6.

[:0-1] Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na :0

[2] Bane, Theresa (2012-01-09). Encyclopedia of Demons in World Religions and Cultures (in English). McFarland. ISBN 9780786488940.

[Maximo_D._Ramos-3] Ramos, Maximo D. (1990). Creatures of Philippine lower mythology. Phoenix Pub. House.

[Edward_Geary_Lansdale-4] Lansdale, Edward Geary (1991). In the Midst of Wars: An American's Mission to Southeast Asia. Fordham Univ Press. ISBN 978-0-8232-1314-6.

[1]

[2]

[3]

[4]