Maneobrang Heimlich

Maneobrang Heimlich

An tungod nin pagdo'do' sa tanga' nin daghan asin pusod, an kamot higot pagtolod pataas

An abdominal thrust, na mas midbid sa apod na Maneobrang Heimlich (Ingles, Heimlich maneuver), iyo an pagdo'do' o pagtombol kan tulak na an duros sa laog mapulsit sa diaphragmna an katuyohan idigwa' an bagay nakabatingal sa kanal kan halanohan na nakakaulang na gayo sa libreng paghangos.

Sa mas modernong protocol, siring sa praktis sa American Heart Association, American Red Cross, asin European Resuscitation Council, rekomendado na an pagtrato sa baradong hangosan gibohon sa magkapirang lakdang na nagtataong padugang na lebel nin presyon. Enot rekomendado na mandohan an biktima na mag'abong makusog, sunod an pagtampal sa likod, na pasundan kan sinasabing maneobrang Heimlich komo ultimong paagi. An ibang guideline nagrerekomendar paribay-ribay nin maenobrang Heimlich asin pagtampal sa lkod.

Alagad igwa nin bagong imbensyon na gadget (inapod na LifeVac kan kaggibo) na an pagtangkas kan nakabatingal direkta hinihigop sa nguso an anoman na nakabara sa halanohan.