Manuel Carpio (teologo)
 Photograph | |
| Kamundagan | Manuel Elogio Carpio Hernández Marso 1, 1791 Cosamaloapan de Carpio, Veracruz, Mexico |
|---|---|
| Kagadanan | Pebrero 11, 1860 (edad 68), Mexico City, Mexico |
| Trabaho |
|
Si Manuel Elogio Carpio Hernández (Marso 1, 1791 – Pebrero 11, 1860) sarong Mehikong pararawit, teologo, mediko, asin politiko. Kadaklan kan saiyang rawitdawit historikal o relihiyoso, na an insipirasyon sa saiyang pagrawit naghahale sa Bibliya. Siya klasisista na parati may doon nin Romantisismo. Saiyang sinurat an pinakaamay na depiksyon literaryo kan sarong kalag (La Llorona) na iyo an sarong rawit kan 1849 asin naghakot man umaw kan saiyang mga trabaho.
Buhay personal
[baguhon | baguhon an source]Si Carpio namundag sa Cosamaloapan de Carpio, Veracruz, Mexico, kan Marso 1, 1791. Kan aki pa, siya asin pamilya niya naghubo sa Puebla kun saen an saiyang ama binawian-buhay asin dangan nawara an saindang yaman. Siya nag'adal Latin, pilosopiya, asin teolohiya sa Seminario Conciliar sa Puebla. Siya ginaganahan na gayong magparabasa kan mga Greek classics, Roman classics, mga librong relihiyoso, asin libro manongod sa antigong historya sa biblioteka. Si Carpio natapos niya saiyang pagklase sa medisina sa National Autonomous University of Mexico kan 1832. Siya nagadan sa Siyudad nin Mexico kan Pebrero 11, 1860.[1]
Karera
[baguhon | baguhon an source]Si Carpio pinalis an Aphorisms asin Prognostics ni Hippocrates. Siya sarong maestro, parasurat, mediko, asin kaapil sa grupo nin mga madudunong. Siya parte kan Lehislatura nin Veracruz asin representante sa Congress of the Union.[1] Si Carpio madalian nagin Presidente kan Chamber of Deputies.[2]
Maski ngani si Carpio midbid na marhay kan saiyang pagrarawit, an mga enot niyang rawitdawit napublikar lang kan 1849. An inspirasyon ni Carpio sa saiyang mga pagrarawit iyo an Bibliya, asin mayoriya kan saiyang mga rawit magsalang relihiyoso o historikal. Siya klasisista na parati nagamit nin Romantisismo. An mga rawitdawit niya kabarali an Mexico, El Popocatépetl, Belshazzar's Feast, The Witch of Endor, The Annunciation, The Virgin at the Foot of the Cross, asin Napolean in the Red Sea.[1] Si Carpio tinokda' an pinakaamay niyang rawit, an La Llorona kan taon 1849.[3][2][4] Sa 14-linyang rawit ni Carpio, sarong babae nagngangaran Rosalia pinaggadan kan saiyag agom asin ini nagin sarong naghihibing kalag na nagpaparalakaw na sana sa mga tinampo asin sa mga pampang nin salog nakasulot nin kapa.[2]
Pagresibe
[baguhon | baguhon an source]Kan 1922, an The New International Encyclopedia nagkomento dapit ki Carpio na siya na an "pinakapopular na Mehikano pararawit kan siglo", asin tuyong sinambit na an Belshazzar's Feast iyo an saiyang pinaka-importanteng obra.[5] An The Encyclopedia Americana nagsabi na si Carpio iyo an "enot asin pinakamahusay na pararawit epiko kan saiyang nasyon asin an liriko niya may tunay na labyog liriko."[6] An History of Mexican Literature nagpahayag na an Napoleon in the Red Sea iyo an "nakakaaling na gayo" sa mga rawit historikal ni Carpio asin ta siya "respetado asin padangat kan gabos.".[1]
Toltolan
[baguhon | baguhon an source]- 1 2 3 4 González, Carlos (1968). History of Mexican Literature (Third ed.). Southern Methodist University Press. p. 206-208.
- 1 2 3 Winick, Stephen (October 28, 2021). "La Llorona: Roots, Branches, and the Missing Link from Spain". Library of Congress. Retrieved October 26, 2022.
- ↑ Oberding, Janice (2021). The Big Book of California Ghost Stories. Rowman & Littlefield. p. 106. ISBN 978-1-4930-5863-1. Retrieved November 1, 2022.
- ↑ Werner, Michael S. (1997). Encyclopedia of Mexico: History, Society & Culture – Vol. 1. Chicago: Fitzroy Dearborn. ISBN 1-884964-31-1.
- ↑ Colby, Frank Moore; Williams, Talcott (1922). The New International Encyclopaedia. Dodd, Mead and Company. p. 531. Retrieved October 26, 2022.
- ↑ The Encyclopedia Americana: A Library of Universal Knowledge. Encyclopedia Americana Corporation. 1924. p. 788. Retrieved October 26, 2022.
- Presidents of the Chamber of Deputies (Mexico)
- 19th-century Mexican philosophers
- Mexican male poets
- 1791 births
- 1860 deaths
- 19th-century Mexican poets
- 19th-century Mexican male writers
- 19th-century Mexican politicians
- Politicians from Veracruz
- Writers from Veracruz
- National Autonomous University of Mexico alumni
- People from Cosamaloapan