Marcos Evangelista

Si San Marcos Evangelista iyo an tradisyonal na awtor kan Ebanghelyo susog ki Marcos. Siya an saro sa Pitumpulong Disipulo ni Kristo asin pigmimidbid na nagmukna nin Simbahan kan Alexandria, saro sa apat na orihinal na pangenot na tukawan kan obispo sa relihiyon na Kristiyanismo.

Susog ki William Lane, sarong tradisyon an nagsasabi na si Marcos Evangelista asin si Juan Marcos saro man sana. Alagad, susog ki Hippolytus, sa saiyang akda na Sa Pitumpulong Apostoles, si Marcos Evangelista (2 Tim. 4:11), Juan Marcos (Gibo 12:12, 25; 13:5, 13; 15:37), asin si Marcos an pinsan ni Barnabas (Col 4:10; Phlm 24) bakong sarong tawo. Dinugang niya na gabos sinda kaapil sa Pitumpulong Disipulo ni Kristo na pindara ni Kristo tanganing ipalakop an Marhay na Bareta sa kadagaan kan Judea (Lucas 10:1ff.). Kaya nga lang, kaidtong sinabi ni Hesus na an Saiyang Hawak an tunay na kakanon ang an Saiyang Dugo an tunay na inumon, dakol na disipulo an nagbaya sa Saiya (Juan 6:44-6:66), siguro kaapil si Marcos. Binalik siya sa pananampalataya ni San Pedro asin nagin tagapaliwang kan enot na Santo Papa. Sinurat niya an Ebanghelyo ni Marcos. Tinugdas niya man an Simbahan kan Aprika asin nagin obispo kan Alexandria.