Mary Kingsley

Mary Kingsley
Mary Kingsley (1890s)
Kamundagan	(1862-10-13)13 Oktobre 1862 Islington, London
Kagadanan	3 Hunyo 1900 (aged 37), Simon's Town, Cape Colony
Nasyunalidad	Ingles
Midbid bilang	Travels and writings on West Africa

Si Mary Henrietta Kingsley (13 Oktubre 1862 – 3 Hunyo 1900) sarong Inglesang parasurat na etnograpiko asin sayantipiko asin saro man na eksploradora. An saiyang pagbibyahe sa Habagatan nin Aprika asin an nagresultang mga trabaho na may koneksyon sa saiyang pagbabyahe nakatabang sa pagbilog kan pananaw kan mga Europeo dapit sa mga kulturang Aprikano asin imperyalismong Britaniko.

Kaamayi nin buhay

Si Kingsley namundag sa London kan 13 Oktobre 1862, aki asin matua kan medikong, byahero asin parasurat na si George Kingsley asin si Mary Bailey. Siya gikan sa pamilya nin mga parasuratr, asin siya man sobrina kan nobelistang si Charles Kingsley asin Henry Kingsley. An pamilya naghubo' sa Highgate mayo pang sarong taon kan saiyang pagkamundag, an parehong harong kun saen an saiyang tugang na si Charles George R. ("Charley") Kingsley namundag kan 1866, asin kan 1881 nag'eestar sinda sa Southwood House, Bexley in Kent.

An saiyang ama sarong mediko asin nagtrabaho ki George Herbert, 13th Earl of Pembroke asin sa iba pang mga aristokratiko asin parati harayo sa harong sa saiyang pagbyahe. Durante sa mga buyahe niya ini nakolekta nin mga impormasyon para sa saiyang mga pag'adal. Si Dr. Kingsley pig'ibahan si Lord Dunraven sa sarong byahe pasiring Norte Amerika poon 1870 abot 1875. Durante kan byaheing, si Dr. Kingsley naagda na mag'iba ki United States Army opisyal na si George Armstrong Custer sa ekspidisyon na laban sa Sioux. An suminunod na Battle of the Little Bighorn nagdarang sobrang pagkangirhat sa pamilya Kingsley, alagad sinda naginhawan na gayo kan an maraot na panahon iyo an nagpugol ki Dr. Kingsley na mag'iba ki Custer. Posible an pananaw kan saiyang ama na nakita an brutal na pagtrato sa mga Indyanong amerikano iyo an nagimluwensya ki Mary sa saiyang opinion dapit sa kolonyalismo nin mga Europeo sa West Africa.

Si Mary Kingsley mayong toltol na pormal na pag'aadal ta kaidtong panahon dai pigpapahalagahan an edukasyon para sa mga babae, maliban kan siya nata'wan mga leksyon sa lenggwaheng Aleman;. Alagad siya may access sa dakulang biblioteka kan saiyang ama asin nadadangog niya mga halawig na osipoon kan saiyang ama dapit sa mga hararayong mga nasyon. Siya dai ginaganahan magbasa kan mga nobela na uso kan panahon niya arog kan ki Jane Austen o Charlotte Brontë, alagad mas gusto basahon an mga libro daopit sa syensia asin mga memoirs kan mga eksplorador.KaIn 1886, an saiyang tugang si Charley nag'entra sa Christ's College, Cambridge, sa pag'adal sa abogasya asin ini nagtao saiyang oportunidad magkaigwang koneksyon akademiko asin magkaigwang mga amiga.