Masaji Kitano
| Masaji Kitano | |
|---|---|
 Kitano c. 1943 | |
| Namundag sa | Hulyo 14, 1894 Hyōgo Prefecture, Japan |
| Nagadan sa | May 17, 1986 (81 anyos) Tokyo, Japan |
| Alyansa | Empire of Japan |
| Serbisyo/ |  Imperial Japanese Army |
| Taon kan Serbisyo | 1921–1945 |
| Ranggo | Tenyente Heneral |
| Tinugon sa | Yunit 731, Hukbong Kwantung |
| Mga labanan/Mga giyera | Second Sino-Japanese War Ikaduhang Gerang Pankinaban |
Si Masaji Kitano (北野 政次, Kitano Masaji; July 14, 1894 – May 17, 1986) sarong doktor, mediko, mikrobiyolohista asin tenyente heneral na Hapones nin nagsisirbi sa Imperial Japanese Army.
Siya an ikaduwang komandante kan Yunit 731, sarong patago na yunit nin pagsiyasat asin pag'uswag sa biyolohikal asin gerang kemikla na responsable sa nagkapira sa mga pinakabantog na krimen sa gera na ginibo kan mga tauhan kan Japan. [1] [2] [3]
Biograpiya
[baguhon | baguhon an source]Si Masaji Kitano namundag kan 14 Hulyo 1894 sa Prepektura nin Hyōgo, Japan. [4] [5]
Naggradwar siya sa medisina sa School of Medicine, Tokyo Imperial University kan 26 Nobyembre 1920 asin kan suminunod na taon nakomisyon siya bilang sarong tenyente asin nagin sarong siruhano sa hukbo. [4] Sa graduate school kan Tokyo Imperial University kan 1923, nagpoon siyang mag-adal sa mga nakakaulakit na helang, paglabot nin bituka asin shigella, asin nagin primera klaseng siruhano sa hukbo pakalihis nin pitong bulan. [4] Naresibe niya an saiyang doctoral degree kan 1925 sa sarong disertasyon na may titulong "Eksperimental na pagsiyasat sa seronegative intestine perforation asin parathyroid fever", apat na taon bago siya na-promote bilang third-class army surgeon. [4]
Kan 1932, nagtrabaho siya sa First Army Hospital asin nagtukdo sa Medical Department kan Ministry of War of Japan. Kan suminunod na taon nagbisita siya sa Estados Unidos asin Europa para sa pagsiyasat, asin kan Agosto 1935 nagkapot siya kan posisyon bilang hepe na ikaduwang klaseng siruhano sa hukbo (Nitō guni sei). [4] Kan 1936, ipinadara siya sa Manchukuo asin nagin sarong propesor sa Manchu School of Medicine, na nagtutukdo nin mikrobiolohiya. [4]
Kan 1942, ninombrahan siya bilang ikaduwang komandante kan Yunit 731. An naenot saiya iyo si Shirō Ishii. Kan Abril 1945, napromote siya bilang tenyente siruhano heneral asin ninombrahan na komandante kan ika-13 na Army Medical Corps. Pagkatapos kan pagsuko kan mga Hapon kan Agosto 1945, pigkulong siya sa sarong kampo nin mga POW sa Shanghai. Arog kan gabos na imbuelto [ <span title="This claim needs references to reliable sources. (September 2010)">citation needed</span> ] sa Yunit 731 o gerang biyolohikal kan mga Hapones, ibinalik siya sa Japan kan Enero 1946.
Si Kitano an saro sa mga Hapon na nagtogdok nin kompanya parmasyutiko asin pinakaenot na komersyal na bangko nin dugo o inaapon nin Green Cross, na pinangaranan giraray na Welfide kan 1998 asin nagin parte kan Mitsubishi Pharma kan 2001. [6]
In 1959, nagin head of the plant siya kan Tokyo asin punong direktor kan kompanya. Nagin man siyang punong komisyoner para sa lubong ni Shiro Ishii. [<span title="This claim needs references to reliable sources. (January 2021)">citation needed</span>]
Nagadan si Kitani sa Tokyo kan 1986. [4]
Pagsisiyasat
[baguhon | baguhon an source]Siya pigkonsiderar bilang pinaka-importanteng pigura sa pagsiyasat sa biyolohikong gera kan Hapon. Kan panahon kan saiyang pagkapropesor sa mikrobiyolohiya sa Mukden Medical College, nagmukna siya duman nin sarong laboratoryo nin biyolohikal na pakikilaban. [7]
Sa pagkondukta kan saiyang mga pag-aadal, si Kitano mahiwas na naggamit nin mga tawong subject para sa saiyang mga eksperimento. An nagkapira sa saiyang mga publikasyon sa mga siyentipikong journal kan Hapon sa laog nin beynte anyos nakabasar sa mga eksperimentong ini. An mga parabasa kan saiyang mga obra siring man an mga estudyante sa Mukden Military Medical College naaraman an saiyang paggamit nin mga pangaran na kodigo. Sa kada paggamit niya kan terminong "mga unggoy" imbes na sarong espesipikong klase nin mga primata, an pigtutukoy niya iyo an mga tawo hale sa ibang nasyonalidad. [7]
Durante kan saiyang panahon bilang sarong mikrobiologo, tigdestino siya sa manlaen-laen na pasilidad nin biyolohikong pakikilaban sa irarom kan teritoryo kan Japan. Yaon sa Shanghai an huring naitala na pasilidad kun saen siya nakaistasyon. [7]
Mga Reperensya
[baguhon | baguhon an source]- ↑ Eckart, Wolfgang Uwe (2006). Man, Medicine, and the State: The Human Body as an Object of Government Sponsored Medical Research in the 20th Century (in English). Franz Steiner Verlag. p. 182. ISBN 978-3-515-08794-0.
- ↑ MacLeod, Roy M. (1999). Science and the Pacific War: Science and Survival in the Pacific, 1939–1945. 207. Kluwer Academic Publishers. p. 258. ISBN 0-7923-5851-1.
- ↑ Barnighausen, Till (2010). "4. Data generated in Japan's biowarfare experiments on human victims in China, 1932 – 1945, and the ethics of using them". In Nie, Jing Bao; Guo, Nanyan; Selden, Mark; Kleinman, Arthur. Japan's Wartime Medical Atrocities: Comparative Inquiries in Science, History, and Ethics (in English). Routledge. pp. 82–91. ISBN 978-0-203-84904-0.
- 1 2 3 4 5 6 7 Yan-Jun, Yang; Yue-Him, Tam (28 April 2018). Unit 731: Laboratory of the Devil, Auschwitz of the East: Japanese Biological Warfare in China 1933–45 (in English). Fonthill Media. Error sa pag-cite: Invalid
<ref>tag; name "Yan" defined multiple times with different content - ↑ Felton, Mark (19 July 2012). The Devil's Doctors: Japanese Human Experiments on Allied Prisoners of War (in English). Pen and Sword. ISBN 978-1-78303-262-4.
- ↑ McCurry, Justin (29 March 2008) (in English). Japan compensates some of its hepatitis C victims.
- 1 2 3 Sheldon H. Harris. Chapter 16: JAPANESE BIOMEDICAL EXPERIMENTATION DURING THE WORLD-WAR-II ERA. Military Medical Ethics, Volume 2. U.S. Department of the Army. Error sa pag-cite: Invalid
<ref>tag; name ":0" defined multiple times with different content
Dugang na pagbasa
[baguhon | baguhon an source]- Romanova, Viktoriya. Shulatov, Yaroslav A. (2018) An Echo kan mga Pagbista sa Khabarovsk: An USSR asin an Kampanya nin Alegasyon laban sa USA nin Paggamit nin Biolohikal na Gera durante kan Gera sa Korea (1950–1953) . Kasaysayan kan Medisina 5(4): 262–272. doi : 10.3897/hmj.5.4.35685