Matsuri float
An Matsuri float, na midbid man sa apod na dashi o sansha, sarong klase nin float na pigbubutong o dinadara sa sarong kapiyestahan sa Japan. Ini sarong pankagabsan na termino na ginagamit sa pagsambit sa arin man na float na ginagamit para sa katuyuhan na ini.
An Dashi, saro sa tolong darakulang estruktura sa mga kapistahan kan Hapon kaiba an Yatai, asin Mikoshi .
An terminolohiya na ginagamit para sa mga Matsuri float pwedeng bakong magkapareho asin magkakaiba-iba sa kada rehiyon sa Japan. An nagkapira sa mga pinaka-komun na pangaran na ginagamit para sa mga float na ini iyo an Kasaboko, Danjiri, Yamahoko, Yamakasa, asin Hikimono. Dangan pa, an mga Dashi asin Yatai float minsan inaapod na hikiyama asin yama.
An mga dashi float (山車) sarong importanteng parte kan mga kapiyestahan sa Hapon, asin orihinal na dinisenyo tanganing magin garo mga bukid. Ini nagpapahiling kan konsepto nin pagsamba sa Bukid, kun saen an mga tawo nagtutubod na an mga espiritu nag-eerok sa kabukidan. An mga garod asin espada na nagsasamno sa taas kan dashi nagseserbing mga tanda para sa mga banal na espiritung ini, asin an mga tawo nagsasakay sa ibabaw kan dashi tanganing tabangan na akoon an mga dios. An mga dashi igwa nin mga ruweda asin ginuguyod nin mga tawo, asin pwede man magdara nin mga pasahero.
An Mikoshi ginagamit sa pagdara nin kami sa sarong prusisyon na inaapod Shinko-shiki . An Mikoshi inaalaa kan mga tao sa saindang mga abaga, mantang an dashi ginuguyod kan mga tawo. An mga tawo dai tinutugutan na magsakay sa sarong mikoshi huli ta ini para sana sa mga diyos..
An mga Dashi mahihiling sa kadakol na mga kapiyestahan sa Hapon, arog kan Takayama Matsuri sa Gifu Prefecture asin an Kanda Matsuri sa Tokyo. Durante kan Takayama Matsuri, sampulong dashi float an minaagi sa siyudad sa aldaw asin banggi. An Kanda Matsuri igwa nin parehong dashi floats asin mikoshi, na may mga tawong nakasulot nin tradisyonal na mga gubing na naglalakaw sa tinampo.[1]
Hilingon man
[baguhon | baguhon an source]- Float (parade)
- Seki-juku (Tōkaidō)
- <a href="https://en.wikipedia.org/wiki/List_of_Important_Intangible_Folk_Cultural_Properties" rel="mw:ExtLink" title="List of Important Intangible Folk Cultural Properties" class="cx-link" data-linkid="34">List of Important Intangible Folk Cultural Properties</a>
- Dai nahihiling na pamana kultural
Toltolan
[baguhon | baguhon an source]- MATCHA. "Dashi And Yatai (Festival Floats) - Japanese Encyclopedia". MATCHA - JAPAN TRAVEL WEB MAGAZINE (in English). Retrieved 2023-04-12.