Mel Hurtig

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Mel Hurtig
Kamundagan(1932-06-24)24 Hunyo 1932
Edmonton, Alberta
Kagadanan3 Agosto 2016(2016-08-03) (edad 84)
Vancouver, British Columbia
TrabahoTaga-publikar, autor, aktibista sa pulitika, pulitiko
Mga gawadOrder of Canada

Si Mel Hurtig, OC (24 Huny 1932 – 3 Agosto 2016) sarong taga-Kanadang taga-publikar, awtor, aktibista sa pulitika, asin pulitiko. Siya nagin presidente kan Edmonton Art Gallery. Bilang aktibista sa pulitika, siya nagsurat magkapirang libro na kritikal sa gobyerno kan Kanada asin kan mga polisya kaini. Siya an kagpublikar kan The Canadian Encyclopedia, bagay na sinabi kan sarong kolumnistang si Dan Braid na iyo na daa ini an pinadakulang kaginibohan sa historya nin publikasyon sa Kanada na sagkod ngonyan mayo pang nakakaarog.[1]

Namundag sa Edmonton, Alberta kan 1932, si Hurtig nagbukas nin sarong tindahan-libro sa puhunan sanang $500 kan 1956. Paglaog taon 1972, igwa na siyang tolong darakulaon na tindahan sa siyudad na dinadayong gayo kan mga suki niya ta kun saen igdi pwedeng magkape-kape, magkawat chess asin ta siya may mga pagbasa pa sa atubangan kan mga suki niya asin mga pasale pangteatro.

Ensiklopedya[liwaton | liwaton an gikanan]

Si Hurtig pambihirang pinaghingowa maski ngani hinuhuna kan iba na garo dai magigibo an pagbilog kan The Canadian Encyclopedia (1985 asin 1988) asin kan Junior Encyclopedia of Canada (1990). Pero an saiyang kompanya, an Hurtig Publishers pinabakal niya sa McClelland & Stewart kan 1991, kompanyang nakabase sa Toronto.[2]

Pulitika[liwaton | liwaton an gikanan]

Siya dakulang kritiko kan pagtugot nin maluwag sa mga dayuhan na magrogaring asin magkontrol kan mga negosyo sa Kanada. Huli kain siya nagkampanya nin makuri na dai maaprobaran an Free Trade Agreement kan Kanada sa Estados Unidos (NAFTA). Siya nagdalagan bilang kandidato kan Partido Liberal sa federal na eleksyon kan 1972. Dangan nagin siyang kagmuknang myembro kan Committee for an Independent Canada. Siya an kalag asin maigot na tagatolod kan bagong partido, an Partido Nasyonal, sarong partido na masibot nanggad na pigpapaorog an sarong nasyonalista asin popular na mga katuyohan. Siya pa ngani an nagbilog kan pahayag na polisya kaini, tituladong A New and Better Canda. Alagad, sa kampanya para sa eleksyon federal, siya dai nakaayon sa mga debate kan mga lideres kan partido kan 1993 kaya siya nagdemitir kan sunod na taon 1994, na iyo na an ikinasolnop kan nasabing partido.[3]

Mga librong sinurat[liwaton | liwaton an gikanan]

  • Betrayal of Canada (1991)
  • At Twilight in the Country:Memoirs of a Canadian Nationalist (1996)
  • Pay the Rent or Feed the Kids (2000)
  • The Vanishing Country (2002)
  • A New and Better Canada: Principles and Policies of a New Canadian Political Party (1993)[4]
  • Rushing to Armageddon (2004)
  • The Truth about Canada (2008)
  • The Arrogant Autocrat: Stephen Harper's Takeover of Canada (2015)

An ultimong libro niyang ini na nagluwas kan 2015, nagbentang 25,00 na kopya sa enot na duwang bulan sanang pagpabakal.

Mga onra asin pagmidbid[liwaton | liwaton an gikanan]

Pagkagadan[liwaton | liwaton an gikanan]

Si Hurtig nagadan sa edad na 84 sa helang na pneumonia sa Vancouver, British Columbia.


Toltolan[liwaton | liwaton an gikanan]

  1. [1]www.cbc.ca. Kinua 31-03-18>
  2. [2]thecandianencyclopedia.ca. Kinua 31-03-18
  3. [3]www.cbc.ca. Kinua 31-03-18
  4. [4]www.worldcat.org. Kinua 01-04-18
  5. Order of Canada citation
  6. "Mel Hurtig Wins Publishing Award," The Jewish Star (Edmonton), July 1985, p. 2

Kategporya:Mga taga-Edmonton, Alberta