Mga bukid nin Kitakami

Mga bukid nin Kitakami
Mt Hayachine
Pinakahalangkaw na Piye
Rukrok	Bukid Hayachine
Elebasyon	1,913.6 m (6,278 ft) 1,917 metre
Tagboan	39°33′30″N 141°29′20″E
Mga dimensyon
Laba	250 km (160 mi) N–S
Lakwat	80 km (50 mi) E–W
Pagpapangaran
Katutubóng pangaran	北上山地 (Japanese)
Heograpiya
Nasyon	Hapon
Estado	Honshu
Rehiyon	Tōhoku
Distrito	Aomori, Iwate and Miyagi
Saklaw nin Tagboan	39°30′N 141°30′E

Kinamumugtakan kan mga bukid nin Kitakami (北上高地)

An mga Bukid nin Kitakami (北上山地, Kitakami sanchi) sarong kabukidan sa kaamihanan &-subangan kan Honshu, sa Rehiyon Tōhoku kan amihanan na Hapon. An sakop minaabot sa 250 kilometres (160 mi) poon sa habagat na linderos kan Prepekturang Aomori sa amihanan sagkod sa amihanan na linderos kan Prepekturang Miyagi sa habagatan, asin napapalibotan kan kababan nin Salog Kitakami sa sulnopan asin kan Kadagatang Pasipiko sa subangan na may lakbang na mga kinakarkulong 80 kilometres (50 mi). An Kabukidan nin Kitakami kadaklan yaon sa laog kan sirangan na Prepekturang Iwate. An sakop kadaklan sarong naubos na patag na may mahibog na granato na gapo, kaya iyo an rason kan ibang pangaran kaini: An Ampas nin Kitakami (北上高地, Kitakami-kōchi). Sa amihanan, an mga bukid nabibisto sa mga marine terrace na nasa langkaw na mga 300 metros, mantang sa habagatan, an mga bukid nalalamos tanganing makabilog nin hararom na rias coast.

Sa heolohiya, an Kabukidan nin Kitakami iyo an mga pormasyon nin Paleosoiko asin Mesosoiko, na nababanga sa mga pugro nin amihanan asin habagatab. an lugar sa habagatan igwa nin pinakagurang na nakaaging pundasyon na Silurian, na kaidto sarong hababaw na dagat sa kontinental na gilid kun sain an temperatura kan tubig halangkaw na gayo para sa pagtalubo kan korales poon kan Silurian sagkod sa Debonyano na mga panahon; an rehiyon na ini, kan huri nagbangga sa amihanan na Kitakami na mabukid na lugar sa amay na Kretaserus na panahon, asin an bilog na ini nalaog kan granito sa manlainlain na lugar. Sagkod kan Paleoheno, an Kabukidan nin Kitakami heolohikal na parte kan Primorsky na rehiyon kan Siberya. Mga 30 milyon na taon sagkod 15 milyon na taon na an nakaagi, an arkipelago kan Hapon nasuhay sa kontinente asin nagbalyo sa presenteng posisyon kaini. An Kabukidan nin Kitakami kan panahon na idto sarong puro, an parteng sulnopan sarong hababaw na dagat, asin an mga Bukid nin Ōu dai pa namumundag. An pag-itaas kan kabukidan kan Ōu nagpoon kan huring parte kan Mioseno asin namundag an Kitakami Basin. An Kabukidan nin Kitakami nabantad sa erosyon sa halawig na panahon huli ta yaon ini sa ibabaw kan tubig poon kan Senosoiko padagos. Dugang pa, bilang resulta kan mga epekto kan glacier kan huring panahon nin yelo, an presenteng malumoy na topograpiya an namukna.

An Bukid Hayachine, harani sa sentro kan sakop, iyo an pinakahalangkaw na alitoktok sa 1,917 metres (6,289 ft), asin nagsusuporta sa mga endemikong tinanom sa kabukidan.

An mga pambihirang kuweba sa laog kan Kabukidan nin Kitakami kabali an Akkadō asin Ryūsendō.

An mga alitoktok kan kabukidan nin Kitakami kabali an minasunod:

• Bukid Hayachine (早池峰山) 1917 m
• Hashigamidake (階上岳) 739.6 m
• Akkamori (安家森) 1239 m
• Kuromoriyama (黒森山) 837 m
• Goyozan (五葉山)1351 m
• Muroneyama (室根山) 895 m
• Omoriyama (大森山) 750 m
• Tokusenjosan (徳仙丈山) 711 m
• Tatsuganesan (田束山) 512 m

Mga toltolan

• Kojima, Tomoko; Wallis, Simon (2016). The Geology of Japan. The Geological Society of London. ISBN 978-1862397439.