Ministri kan Edukasyon, Kultura, Isports, Siyensya asin Teknolohiya

 Ministri kan Edukasyon, Kultura, Isports, Siyensya asin Teknolohiya

An Ministry of Education, Culture, Sports, Science and Technology (文部科学省, Monbu-kagaku-shō; lit. 'Ministry of Letters and Science'; MEXT) saro sa onseng ministeryo kan Hapon na minakompuesto kan sangang ehekutibong gobyerno kan Japan .

Kasaysayan

An gobyerno kan Meiji nagmukna kan pinakaenot na Ministry of Education kan 1871. Kan Enero 2001, an dating Ministry of Education, Science, Isports and Culture asin an dating Science and Technology Agency (科学技術庁, Kagaku-gijutsu-chō) pinagsararo tanganing magin an presenteng MEXT.

Organisasyon

An Ministry of Education, Culture, Sports, Science and Technology sa presente pinangenotan kan ministro kan edukasyon, kultura, isports, siyensya asin teknolohiya . Sa irarom kan posisyon na iyan igwa nin duwang ministro kan estado, duwang bise-ministro kan parlamento, asin bise-ministro administratibo, asin duwang deputadong ministro. Lampas pa kaiyan an organisasyon nababanga sa minasunod.

Sekretarya kan Ministro

An Minister's Secretariat iyo an departamento na namamahala kan mga pankagabusan na polisiya na nakakaapektar sa Ministry of Education, Culture, Sports, Science and Technology sa kabilogan. An mga trabahong ini kabali an kadakol na mga trabaho sa administrasyon arog kan mga polisiya sa pag-audit, relasyon sa komunidad, asin pankagabusan na pamamahala nin pinagkakabuhayan kan mga tao para sa mga domestikang relasyon sa laog asin luwas kan nasyon.

Direktor-Heneral para sa Internasyonal na mga Gibo

An Director-General for International Affairs, susog sa site kan Ministry of Education, Culture, Sports, Science and Technology, iyo an pinaka punto nin pakikipag-olay sa pamamagitan kan National Commission kan Japan asin kan United Nations Educational Scientific and Cultural Organization (UNESCO). An kolektibong katuyuhan kan duwang organisasyon iyo an magmukna nin magkaparehong, sustenableng pag-uswag sa paagi nin edukasyon, siyensya, asin kultura.

Departamento nin Pagpaplano nin mga Pasilidad asin Paglikay sa Kalamidad

An Department of Facilities Planning and Disaster Prevention iyo an namamayo sa pagtutok sa kakayahan kan mga pasilidad kan eskwelahan na mabawasan an danyos na dara kan mga kalamidad arog kan linog. Sa ibabaw kaini, an site kan Ministry of Education, Culture, Sports, Science and Technology, naglaladawan man kan parte kan saindang mga trabaho bilang pagpapauswag kan mga paghihingoa kan mga unibersidad sa mga aktibidad sa edukasyon asin pagsiyasat.

Mga departamento nin edukasyon

Mga estudyanteng Hapon sa atubangan kan istasyon sa Tokyo, Marunouchi

Ini an mga parte kan ministeryo na may pokus sa mga parte kan edukasyon kan organisasyon.

Education Policy Bureau

An Education Policy Bureau bilang sarong departamento nagsusuportar kan konsepto nin bilog na buhay na pag-adal, na ipinamidbid sa Basic Act on Education. An Ministry of Education, Culture, Sports, Science and Technology naglaladawan kan mga trabaho kan departamentong ini bilang pagdisenyo nin polisiya sa edukasyon base sa komprehensibo asin obhetibo na ebidensya.

Elementary and Secondary Education Bureau

An Elementary and Secondary Education Bureau iyo an namamahala sa pagpapauswag kan pagpamaray sa edukasyon kan mga estudyante na nag-aagi sa preschool sagkod sa mga eskwelahan sa halangkaw na sekondarya, o arin man na katumbas.

Higher Education Bureau

An Ministri kan Edukasyon, Kultura, Isports, Siyensya asin Teknolohiya naglaladawan kan Higher Education Bureau bilang sarong departamento na nakasentro sa pagpapauswag kan edukasyon kan mga eskwelahan sa undergraduate asin graduate. Kabali digdi an pag-asikaso kan pagtugot kan mga grant, kalidad kan mga paratukdo, siring man an pagpili asin pag-admitir kan mga estudyante sa laog asin luwas kan nasyon.

Mga departamento nin isports asin kultura

Ika-74ng National Sports Festival kan Japan, sa laog nin 400-metros na karera

Ini an mga kabtang kan ministeryo na may pokus sa mga parte kan organisasyon sa isports asin kultura.

Ahensya nin Isports kan Japan

An Japan Sports Agency igwa nin trabaho sa pagpapauswag kan pisikal na edukasyon asin kalusugan, siring man sa pagmantenir kan kakayahan kan nasyon na makipagkumpetensya sa internasyonal na atletiko.

Ahensya para sa mga Gibo sa Kultura

An Japanese Agency for Cultural Affairs naghihingoang mag gibo nin kultura sa nasyon na nag-eengganyar nin partisipasyon sa mga aktibidad kultural asin sa arte. An saindang katuyuhan iyo an makamtan an sarong "Nasyon na Base sa Kultura asin Arte".

Mga departamento nin siyensya asin teknolohiya

Ini an mga parte kan ministeryo na may pokus sa mga parte kan organisasyon sa siyensya asin teknolohiya.

Science and Technology Policy Bureau

An Institute of Medical Science Tokyo Japan General Research Building 0104

An site kan Ministry of Education, Culture, Sports, Science and Technology pighihiling an mga trabaho kan Science and Technology Policy Bureau bilang an departamento na namamahala sa pagpapauswag kan siyensya asin teknolohiya sa nasyon. An sakop kan departamento kabali an mga estudyante siring man an mga establisadong propesyonal.

Research Promotion Bureau

An Research Promotion Bureau sarong departamento na nakasentro sa pag'uswag kan siyentipikong pagsiyasat, siring man sa pagsiyasat sa mga larangan kabali an teknolohiya asin pisika.

Opisina nin Pagsiyasat asin Pagpauswag

An Research and Development Bureau medyo iba sa Research Promotion Bureau nin huli ta an departamentong ini nakasentro sa mga problema sosyal kabali an enerhiya asin kapalibutan. Huli kaini, an departamentong ini magpopokus sa pag-eksplorar sa espasyo asin hararom na dagat.

Mga aktibidad asin pinondohan na pagsiyasat

Mantang an Ministry of Education, Culture, Sports, Science and Technology igwa ngonyan nin dakol na ahensya, sa pangenot sarong kongregasyon nin Edukasyon, Kultura, Isports, Siyensya asin Teknolohiya, ini talagang nagpoon bilang an Ministry of Education. Sa lawig nin mga taon, an Japan separadong naggibo kan kada ahensya na sa huri magkasararo tanganing makagibo kan presenteng organisasyon. Dawa siring, an lambang departamento kan Ministry of Education, Culture, Sports, Science and Technology nag-aadal nin mga programa asin institusyon na pondohan.

Pagsiyasat sa edukasyon

An Ministry of Education, Culture, Sports, Science and Technology, nakapagkua kan saindang pondo na matagumpay nadagdagan sa laog nin mga taon. Ginibo ninda ini sa tabang kan saro sa saindang mga subgrupo, an Japan Society for the Promotion of Science . An mga dagdag na pondo posibleng natabangan sa pag-aprobar huli ta an saindang pinagkukuanan hale sa mga nasyonal na bono imbes na sa mga buwis. An mga programa, na pinondohan kan pinadakulang badyet, kabali an mga proyekto sa mga bagong materyales, dinamika kan ibabaw sa molekular na eskala, teknolohiya nin proseso sa sunod na henerasyon, siyensya sa kompyuter, siyensya sa inhenyeriyang kemikal na nakabase sa sintesis, mikro-mekatronika ( mikromakina ), bioteknolohiya, pagsiyasat sa genome nin tawo, pagsenyas kan selula, bioinformatika, pagsiyasat sa hutok, estruktural na siyensya sa buhay, biolohiya, pag-uswag asin biomedical engineering .

Mga programang pang edukasyon

An MEXT saro sa tolong ministeryo na nagpapadalagan kan JET Program . Nag-aalok man ini nin Monbukagakusho Scholarship, na bistado man sa apod na MEXT o Monbu-shō scholarship. An Ministri nagbubugtak nin mga pamantayan para sa romanisasyon kan Hapon .

Sa pakikipagtabangan sa Japanese Student Services Organization (JASSO), an ministeryo orog pang nagpopondo kan prestihiyosong JASSO scholarship para sa mga internasyonal na estudyante na ilinadawan bilang an "Japanese Fulbright program". Ini nagtatao nin pinansiyal na suporta na sagkod sa ¥80,000 kada bulan para sa pinakahalangkaw na 1% kan mga estudyante kan arin man na ibang nasyon para sa pag-adal sa sarong unibersidad pang Hapon.

An MEXT nagtatao kan Children Living Abroad and Returnees Internet (CLARINET) na nagtatao nin impormasyon sa mga pamilyang Hapon na nakaistar sa ibang nasyon.

An MEXT nagpapadara nin mga paratukdo sa bilog na kinaban tanganing maglingkod sa nihonjin gakkō, bilog na panahon na mga internasyonal na eskwelahan kan Hapon sa ibang nasyon. An gobyerno kan mga Hapon nagpapadara man nin mga bilog na panahon na mga paratukdo sa mga dagdag na eskwelahan na hoshū jugyō kō na nagtatao nin mga leksyon na kapareho kan mga nihonjin gakkō o idtong igwa nin mga estudyante na 100 na estudyante o labi pa. Dugang pa, an MEXT nagsusubsidyo sa mga eskwelahan sa katapusan kan semana na an lambang saro igwa nin labing 100 na mga estudyante.

Japanese Government MEXT scholarship 2022 Japanese Government MEXT Scholarship 2021 Embassy Recommendation. An mga programa sa iskolarsip para sa mga estudyante na nagmamawot na mag-adal sa Hapon bilang Research Student (Masters/Ph.D./ Research), Undergraduate student, College of Technology student, o Specialized Training student.

Hilingon man

• Pambansang Hiro sa Espirituwal na Pagpahiro
• Edukasyon sa Hapon
  • Pundamental na Ley kan Edukasyon
  • Kasaysayan kan edukasyon sa Hapon
• Mga kontrobersiya sa libro nin kasaysayan kan Hapon
• Monbukagakusho Scholarship

Mga Reperensya

1. "About MEXT". MEXT. Archived from the original on 10 August 2020. Retrieved 26 October 2024. 
2. "MEXT : MEXT". mext.go.jp. Retrieved 2020-01-31. 
3. Reischauer, Edwin O. et al. (2005), The Japanese Today, p. 187.
4. Swinbanks, David (1996-09-01). "Japan to double university project grants" (in en). Nature 383 (6597): 206. doi:10.1038/383206a0. ISSN 1476-4687. Bibcode: 1996Natur.383Q.206S. 
5. ローマ字のつづり方. 文部科学省 (in Japanese). Ministry of Education, Culture, Sports, Science and Technology. Archived from the original on 2013-05-29. Retrieved 2013-05-21. 
6. "JASSO Scholarship". JASSO. Archived from the original on 10 April 2020. Retrieved 10 August 2020. 
7. "Scholarships – Mannheim University". Mannheim University. Retrieved 10 August 2020. 
8. "CLARINETへようこそ." MEXT. Retrieved on April 17, 2015.
9. Ching, Lin Pang (1995). "Controlled internationalization: The case of kikokushijo from Belgium". International Journal of Educational Research 23: p. 48. doi:10.1016/0883-0355(95)93534-3. "The majority of teachers are sent from Japan by the Ministry of Education.". 
10. "Section 4. Well-Being of Japanese Nationals Overseas" (Archive). Diplomatic Bluebook 1987 Japan's Diplomatic Activities. Ministry of Foreign Affairs. Retrieved on March 8, 2015.
11. Doerr, Musha Neriko (Brookdale Community College) and Kiri Lee (Lehigh University). "Contesting heritage: language, legitimacy, and schooling at a weekend Japanese-language school in the United States" (Archive). Language and Education. Vol. 23, No. 5, September 2009, 425–441. CITED: p. 426.
12. "Scholarships & Culture". Ministry of Foreign Affairs of Japan (in English). Retrieved 2021-05-19. 

Mga panluwas na link

• Mga Site nin mga Links sa Hapon Monbukagakusho
• Monka-shō Opisyal na Pahina sa Ingles
• An Gobyerno kan Hapon - Monbukagakusho
• Listahan kan mga Ministro (An Gabinete) | Primer Ministro kan Hapon asin an Saiyang Gabinete"
• Pahayag sa prensa sa Lehislasyon kan "Batas sa Korporasyon kan Unibersidad Nasyonal"