Basilika Menor kan Imakulada Konsepsyon

Gikan sa Bikol Sentral na Wikipedia, an talingkas na ensiklopedya
Basilika kan Syudad nin Batangas
Minor Basilica of the Immaculate Conception
Basilika Menor ng Inmaculada Concepcion
Basílica Menor de la Inmaculada Concepción
Batangas Basilica
Façade kan simbahan nin Batangas
13°45′15″N 121°03′33″E / 13.754073°N 121.059227°E / 13.754073; 121.059227Tagboan: 13°45′15″N 121°03′33″E / 13.754073°N 121.059227°E / 13.754073; 121.059227
LokasyonSyudad nin Batangas
NasyonFilipinas
DenominasyonRomano Katoliko
History
DedikasyonInmaculada Concepcion
Architecture
KamugtakanBasilika Menor
Minaganang kamugtajabAktibo
Klase nin arkitekturaSimbahan
IstiloNeo-classical architecture
Nakompleto1857
Specifications
Laba71.35 metres (234.1 ft)
Hiwas14.27 metres (46.8 ft)
Number of domes1
Number of towers1
Bilang nin mga ispiro2
Mga materyalesAdobe asin kahoy
Administration
ArkidiyosisLipa
Clergy
ArsobispoGilbert Garcera
Priest in chargeAurelio Oscar B. Dimaapi

An Basilika Menor kan Imakulada Konsepsyon (Spanish: Basílica Menor de la Inmaculada Concepción) sarong basilika menor sa Batangas City, Philippines. Nagi ining independyenteng parokya kaidtong 1614 sa irarom kan adbokasyon sa Imakulada Konsepsyon. An mga pinta igdi pigpakarhay liwat ni Rex Papasin, sarong artistang Batangueño. Temporalmente ining pigsarado sa publiko huli sa mga paglinog kan 2017.

Uusipon[baguhon | baguhon an source]

Mga inot na simbahan[baguhon | baguhon an source]

Si Fr. Diego de Mojica an pigsasabing naghaman kan inot na simbahan kan 1578 asin ini gibo sana sa mga simpleng materyales. Pig ngaranan an simbahan sa titulong Imakulada Konsepsyon. Nasulo an simbahan kan 1615. Kan 1686, hinaman utro ini ni Fr.Jose Rodriguez na gibo sa gapo. Sumunod na taon, mas marikas ining nahaman sa tabang man ni Fr. Manuel del Buensuceso asin mga tawo sa banwaan. Nahaman man an transept na gibo sa reef stone sa espwerso ni Fr. Jose de San Bartolome kan 1706 asin ini pinagbenditahan kan 1721. Nasulo man sana giraray an simbahan kan 1747 asin ini dagos na pigpakarhay kan 1756 kan panahon ni Don Ramon Orendain.

An presenteng simbahan[baguhon | baguhon an source]

An dating padi sa probinsya na si Fr. Pedro Cuesta, ipinagaba an lumang simbahan huli ta saditon na ini para sa nagpaparadakulang populasyon. Nagpuon an paghaman kaini sa parehong lugar kan 1851. Pinagibo nya man an mas pusog na kudal na nakapalibot igdi sagkud sa kombento kaini. Nadestroso man giraray ini nin sarong linog kan 1863. Kan mahulog man an bubong kaini kan 1880, ipinapakaray man ini ni Fr. Bruno Laredo kan 1884.[1] An kombento man na ginibo kan 1693 na gibo sa reef stone sagkud mga posteng molave, nakatagal sa pirang mga linog. Alagad, pigbaguhan man giraray ini ni Fr. Melchor Fernandez kan 1792. Ginamit naman ini bilang eskwelahan kan Saint Bridget College. Taod-taod, an ikaduwang iskalon kan kombento pigraot naman asin pigkonbertir bilang pastoral hall kan parokya.

Nag-agi naman sa pirang mga restorasyon an simbahan. An panduwa asin pantulong iskalon kan belfry, nahaman kan 1934. Kan 1936, pigribayan an mga lumang bintana asin 23 na mga ilawan an pig-instolar. Nagrampahog man an ibang mga parte kaini kan Abril 8, 1942 huli sa linog asin pigpakarhay sa tahaw kan 1945 asin 1946. Kan 1954, pigpinturahan an luwas kaini dangan kan 1957, pighirahay an pankagabsan na parte kaini.

Kan Pebrero 13, 1945 pigdeklarar an simbahan bilang Minor Basilica kan Imakulada Konsepsyon. An deklarasyon na ini huli sa kahagadan kan Obispo kan Lipa na si Alfredo Verszosa.

Toltolan[baguhon | baguhon an source]

  1. "Batangas City". Biyahero: Philippine Travel Portal. Retrieved 25 May 2014. 

Panluwas na takod[baguhon | baguhon an source]

Igwang relatibong medya para sa Basilica Minore of the Infant Jesus and Immaculate Conception of Batangas City duman sa Wikimedia Commons