Mohamed Atta

Mohamed Atta
Atta kan Mayo 2001
Native name	محمد عطا
Kamundagan	Mohamed Mohamed el-Amir Awad el-Sayed Atta (1968-09-01)1 Septyembre 1968 Kafr El Sheikh, Ehipto
Kagadanan	North Tower, New York City, U.S.
Dahilan kan kagadanan	Paghugot paagi pagpalagpak eroplano durante kan Septyembre 11 mga pag'atake
Alma mater	Cairo University Hamburg University of Technology
Organisasyon	al-Qaeda Hamburg cell (1990s–2001)
Midbid bilang	Pamayo sa 9/11 na pag'atake sa hijacker-piloto sa American Airlines Flight 11
Langkaw	1.70 m (5 ft 7 in) or 1.73 m (5 ft 8 in)

Si Mohamed Atta (1 Septyembre 1968 – 11 Septyembre 2001) sarong Ehiptong terorista na hijacker para sa al-Qaeda. Sa ideolohiya, sarong pan-Islamista, siya an ringleader sa Septyembre 11 mga pag'atake asin siya mismo an hijacker-piloto kan American Airlines Flight 11, na saiyang tuyong ibinangga' sa North Tower kan orihinal na World Trade Center komo parte kan koordinadong mga paghugot-atake. Edad 33, siya an pinakagurang sa mga 19 mga hijacker na kadaramay sa misyon. Bago kan pag'atake, siya inhinyero sa konstruksyon.

Namundag asin nagdakula sa Ehipto, si Atta nag'adal arkitektura sa Cairo University, naggradwar kan 1990, asin nagdagdag-adal nin postgraduate sa Alemanya sa Hamburg University of Technology. Sa Hamburg, si Atta naimbwelto sa al-Quds Mosque kun saen saiyang nanumpongan si Marwan al-Shehhi, Ramzi bin al-Shibh, asin Ziad Jarrah, kan sinda binilog an inapod na Hamburg cell. Si Atta nawara' sa Alemanya magkapirang beses, nagperegrino sa hajj kan 1995 asin man nabisto si Osama bin Laden asin ibang mga nakakataas na mga al-Qaeda lider sa Apganistan mga taon 1999 sundo amay na 2000. Si Atta asin saiyang mga kaapil sa Hamburg cell napag'alok ni bin Laden asin ni Khalid Sheikh Mohammed para sa sarong "operasyon sa eroplano" sa Esatados Unidos.

Si Atta nagbalik sa Hamburg kan Pebrero 2000 asin nagpoon nang mga'usisa manongod sa flight training sa Estados Unidos kun saen siya, si Jarrah, asin si al-Shehhi nagarabot kan Hunyo sa pag'adal pagpiloto nin eroplano, nsa nakua an instrument ratings kan Nobyemnbre. Poon Mayo 2001, si Atta nag'asikaso sa pag'arabot kan mga katuruwang sa pagbraso kan mga pasaherong asin mga tripulante makikipagtusay sa aktong saindang konttrolan an eroplano. Kam Hulyo, si Atta nagpaEspanya ta sasabaton si bin al-Shibh ngani maplantsa an plano nin pag'hijack, asin kan Agosto nagsagin mga pasahero komo sarong pagmasid na sakay kun pano an mga detalye kan pag'atake maimplementar na daing sa'bit.

Sa pagkaaga nin 11 Septyembre 2001, si Atta asin saiyang pag'iriba nagsakay asin dagos pig'hijack an American Airlines Flight 11, asin si Atta naghugot na ibinudal sa 1 World Trade Center (an North Tower). Sobra 1,600 katawo an nagkagaradan resulta kan paglamasa sa tower, dagos pagsulo kaini asin paglakma' kan ediisyo, Masabi siya an nagin responsable sa solong pagpabagsak nin eroplano na kadakuldakul nagadan sa panahon na idto, asin ini an solong teroristang atake na nagkawsang kanigoan nautaan-buhay.

Toltolan

[[Categories: Mohamed Atta1968 births2001 deaths2001 suicidesAmerican Airlines Flight 11 hijackersCairo University alumniEgyptian al-Qaeda membersEgyptian expatriates in GermanyEgyptian expatriates in the United StatesEgyptian mass murderersEgyptian MuslimsHamburg cellHamburg University of Technology alumniIslamic terrorism in GermanyIslamists from CairoMale murderersMale suicidesPeople from Kafr El Sheikh Governorate]]