Monique Wilson
| Monique Wilson | |
|---|---|
| Kamundagan | Monica Anne Esteva Wilson Mayo 4, 1970 Makati, Rizal, Philippines |
| Edukasyon | University of the Philippines Diliman London Academy of Music and Dramatic Art |
| Trabaho | Singer, actress |
Si Moniqe Anne Esteva Wilson (namundag kan Mayo 4, 1970), mas bistado sa pangaran na Monique Wilson, sarong Pilipinong parakanta, para-arte, asin aktibista para sa mga kababaihan. Nagpuon an saiyang karera kan siya siyam na taon pa sana. Kan siya 18 na, binistado siya bilang para-adal kan pangenot na posisyon ni Kim sa orihinal na London West End production kan Miss Saigon, na dae kahaluyi nagganap kan posisyon.
Pagganap nin karera
[baguhon | baguhon an source]Si Wilson nagpoon kan saiyang propesyonal na karera kan 1980, sa edad na 9, sa Repertory Philippines bilang sarong ampon sa musikal na palabas na Annie . Sa mga suminunod na panahon, siya nagganap nin mga papel sa kadakol pang ibang mga musikal. Sa edad na 14, nagbida siya sa musikal na Evita . Kan 1988, sa edad na 18, nag-audition siya para sa sarong papel sa Miss Saigon sa orihinal na produksyon kan West End asin napili bilang understudy kan papel ni Kim. Pakalihis nin sarong taon, sinalidahan niya si Lea Salonga sa papel. [1] Kan huri nakakua siya nin BA sa Teatro sa Unibersidad kan Pilipinas sa Diliman asin nag-adal sa London Academy of Dramatic Arts (LAMDA), na nag-ako kan postgraduate certificate kaini sa klasikal na pag-arte.
Kan 1994, nagbalik siya sa Filipinas asin nagtogdas kan New Voice Company, kun saen siya nagkaigwa nin mga pangenot na papel asin nagseserbing Artistic Director. An kompanya padagos na nagpoprodusir nin mga obra sa teatro sa nagkapirang nasyon sa Asya asin nagin aktibo sa hiron para sa mga karapatan kan mga kababaihan, na nagpoprodusir asin nagtutugtog sa mga obra arog kan The Vagina Monologues . Nagpoon man siyang magdirehir nin mga dula asin musikal asin nagpadagos sa pag-arte asin pagrekord nin musika. Kan huri, nag-adal siya nin masters sa Applied Drama asin Theatre Education sa Central School of Speech and Drama sa London, na naggradwar kan 2003. [2] Ipinadagos niya an saiyang karera sa pag-arte asin pagrekord nin musika, na halos pigbabaranga an saiyang oras sa pag-ultanan kan Manila asin London. Kabali sa saiyang mga pelikula an Bad Boy 2 (1992), na kun saen nakaresibe siya nin nominasyon para sa Best Newcomer in Film award sa Star Awards, Kapag Iginuhit Ang Hatol Ng Puso (1992) na kun saen siya nanggana kan Best Supporting Actress Award sa Film Academy of the Philippines (ngonyan inaapod na LUNA 2), Ikaw (1933) Pasang Ingaw and Ingarap (1993). Kan 1998, siya an nagganap ki Maria Clara sa José Rizal asin nominado bilang Pinakamarahay na Supporting Actress sa Metro Manila Film Festival. Para sa 2001 na pelikula na Laro sa Baga, siya an nanggana kan Pinakamahusay na Aktres sa URIAN. [2]
Kabali sa mga rekording ni Wilson an saiyang 1994 self-titled debut album (Viva Records) asin sarong 1998 album na may titulong Monique Sings Gershwin, kaiba an Hapon na prodyuser na Musicscape.
Poon 2009 sagkod 2014, si Wilson iyo an pamayo kan kurso sa MA/MFA Acting International para sa East 15 Acting School kan Unibersidad kan Essex.
Aktibismo
[baguhon | baguhon an source]Kan 1999, an grupo nin mga kababaihan sa Pilipinas na GABRIELA nag-imbitar ki Wilson na magin internasyunal na tagapagtaram kan saindang Purple Rose Campaign, sarong kampanya tanganing taposon an sex trafficking kan mga kababaihan asin daragang Pilipino. Kan 2001, kaiba an New Voice Company executive producer na si Rossana Abueva, si Wilson nagpoon na magprodusir nin mga pangyayari sa V-Day sa Filipinas.
Poon kan 2013, si Wilson iyo an direktor kan One Billion Rising .
Personal na buhay
[baguhon | baguhon an source]Si Wilson namundag sa Makati, Philippines, ki Johnny Wilson, an bise Alkalde kan Makati, asin Teresa Esteva. Igwa siyang tugang na lalaki na an pangaran Jamie Wilson na sarong aktor man sa entablado. An saiyang mga magurang parehong imbuelto sa industriya nin aling-alingan. Siya nagpakasal ki Rossana Abueva sa London kan 2015. [3]
- ↑ "Monique Wilson to marry partner in London". http://entertainment.inquirer.net/172183/monique-wilson-to-marry-partner-in-london.
- 1 2 Error sa pag-cite: Imbalidong
<ref>tatak; mayong teksto na ipinagtao para sa reperensiya na pinagngaranan na "OB" - ↑ "After wedding, Monique Wilson thanks well-wishers". https://entertainment.inquirer.net/172788/after-wedding-monique-wilson-thanks-well-wishers.