Moske nin Chaqchan
| Moske nin Chaqchan | |
|---|---|
مسجد چقچن | |
 | |
| Religion | |
| Pagkakatakod | Sunni Islam |
| Sekta | Supismo Noorbakshia |
| Eklesiastiko o organisasyonal na kamugtakan | Moske |
| Kamugtakan | Aktibo |
| Kinamumugtakan | |
| Kinamumugtakan | Khaplu, Gilgit-Baltistan |
| Nasyon | Pakistan |
| Heograpikong Tagboan | 35°09′22″N 76°19′50″E / 35.156062°N 76.330582°ETagboan: 35°09′22″N 76°19′50″E / 35.156062°N 76.330582°E |
| Arkitektura | |
| Tipo | Arkitektura nin moske |
| Estilo | |
| Nahaman | 1370 CE |
| Mga detalye | |
| Kapasidad | 500 (kabali na an beranda) |
| (Mga) panas | Saro |
An Moske nin Chaqchan (Urdu: مسجد چقچن, lit. 'The Miraculous Mosque'[1]) sarong moske na Suping Noorbakshia, namumugtak sa siyudad nin Khaplu, sa rehiyon nin Gilgit-Baltistan sa amihanan na Pakistan. Poon 1370, an moske saro sa pinakagurang sa rehiyon, poon kan panahon na an populasyon kan lugar nagkombertir en masse gikan sa Budismong Tibetan pasiring sa Islam.[2][3] An moske igwa nin kaparehong arkitektura sa mga itinogdok sa Kababan nin Kashmir.[4] Ini nagtatampok nin pinaghalo nin Tibetan, Mughal asin Persiano na mga estilo nin arkitektura.[5]
Kasaysayan
[baguhon | baguhon an source]Susog sa nagkapirang pinagkukuanan, an moske itinogdok ni Mir Sayyid Ali Hamadani[6] mantang an iba nagsasabi na sa pag-abot kan Supi na santo na si Syed Nurbakhsh hale sa Kashmir pasiring sa Baltistan, an lokal na namamayo na si Raja nagkombertir sa Islam asin nagsugo kan pagtogdok kan moske kan 1370 CE.[7] Alagad, an pagpetsa kan huring teorya nagkokontra sa mga pinagkukuanan sa kasaysayan na nagsusuherir na an moske posibleng itinogdok labing duwang dekada bago an pagkamundag ni Syed Nurbakhsh.
Pagpreserbar
[baguhon | baguhon an source]An Gobyerno kan Pakistan naglista kan moske nin Chaqchan bilang sarong pamanang lugar kan Pakistan. An moske ginagamit ngunyan pagkatapos kan mahiwas na mga trabaho sa pagpreserbar.
Arkitektura
[baguhon | baguhon an source]Sa arkitektura, an moske nagpapahiling nin pinaghalo na mga estilo nin Tibetan, Mughal asin Persyano,[8][9] asin igwa nin duwang eskalon na kubikong komplikado: Semi-basement, ibabang eskalon na may torre sa ibabaw. An mga lanob sa palibot kan kubikong estruktura minabilog nin mga tablang kahoy na nakatambak tanganing makabilog nin sarong bayanan na an mga espasyong ini na may laog na dalipay o laboy na sa katunayan an teknolohiyang ini kapareho kan teknik na opus craticum kan mga Romano. An paaging ini nin pagtogdok saro sa pinakagurang na midbid sa paggibo nin mga estrukturang dai nadadanyaran kan panahon asin ini angay man sa maringis na mga kondisyon nin tiglipot.[10][11]
Kaladawanan
[baguhon | baguhon an source]
An laog kan moske na may mahiwas na gibo sa kahoy
Tanawon an kababan hale sa moske
Mga Arko kan Moske kan Chaqchan
An luwas kan moske
An moske nin Chaqchan kan mga ika-1 dekada kan ika-19 siglo
An dekorasyon na mihrab kan moske
Porsyon kan dekorasyon na kisame
Haros gabos na ibabaw kan laog kan moske, kaiba an kisame kaini, may dekorasyon
An mga dekorasyon sa laog naggagamit nin buhay na mga kolor
Hilingon man
[baguhon | baguhon an source]Mga toltolan
[baguhon | baguhon an source]- ↑ Shahzad Bashir (2003). Messianic Hopes and Mystical Visions: The Nåurbakhshåiya Between Medieval. ISBN 9781570034954.
- ↑ "Chaqchan Mosque (Ghanche)".
- ↑ History of Baltistan, Hassan nurbakshi
- ↑ Asimov, Muchammed Sajfiddinoviĉ (1992). History of Civilizations of Central Asia (vol. 4, part-2) (in English). Motilal Banarsidass. ISBN 9788120815964.
- ↑ Jajja, Sumiera (2001). Khaplu — off the beaten path (in English). Dawn News.
- ↑ History and Culture of Baltistan, Hassan Hasrat
- ↑ Afridi, Banat Gul (1988). baltistan in history.
- ↑ Khan, Omar Mukhtar (10 May 2018). "With a historic fort and Unesco-protected mosque, Shigar is an ideal short escape in Gilgit-Baltistan". DAWN.COM (in English).
- ↑ Jajja, Sumaira (27 July 2014). "Khaplu — off the beaten path". DAWN.COM (in English).
- ↑ Duwang Pinakamagurang na Moske kan Sub-kontinente
- ↑ An Ghanche saro sa pinakamagayon asin mayaman sa kultura na mga kababan kan Gilgit-Baltistan
Mga panluwas na takod
[baguhon | baguhon an source]
Igwang relatibong medya para sa Moske nin Chaqchan duman sa Wikimedia Commons
- Mga artikulo na igwa nin Urdu-teksto sa tataramon
- Kategorya nin Commons na iba an titulo nin pahina sa Wikidata
- Mga lugar nin pamana kultural sa Gilgit-Baltistan
- Ika-14 siglong mga moske sa Pakistan
- Mga edipisyo asin estruktura na natapos kan 1370
- Kasaysayan kan Baltistan
- Mga edipisyo nin moske na may mga espiho
- Mga moske sa Gilgit-Baltistan
- Arkitektura nin Tibet