Movement Against Tyranny

Gikan sa Bikol Sentral na Wikipedia, an talingkas na ensiklopedya

An Movement Against Tyranny, o MAT, sarong paghiro sa Pilipinas na naghihinguang iprotesta an subuot mga akto nin tiraniya kan administrasyon ni Presidente Rodrigo Duterte. Ipigbungsod ini kan Agosto 28, 2017, sa Maryhill School of Theology sa Syudad nin Quezon pakatapos kan pan-gagadan sa 17-anyos na si Kian delos Santos. Pinoprotesta man kan grupo an mga pan-gagadan na may kinaaraman sa gyera kontra droga kan Pilipinas asin an mga atake sa mga organisasyon na panmidya.[1][2]

An grupo sarong mahiwas na alyansa na kinabibilangan nin mga relihiyoso asin pulitikal na lider, mga paratulod nin karapatan pantawo, mga aktibista, mga akademiko, mga abogado, asin mga parapahayag.[3] Kabali sa mga convenor kan grupo sina Rep. Antonio Tinio, dating senador na si Rene Saguisag, dating mga representante na sina Erin Tañada asin Neri Colmenares, Obispo Broderick Pabillo, sagkod Sister Mary John Mananza. Kabali man sa grupo an Tsanselor kan Unibersidad kan Pilipinas (UP) na si Michael Tan, asin an parapahayag na si Vergel Santos kan Center for Media Freedom and Responsibility.[1]

Kabali man sa mga convenor an presenteng national chair kan Free Legal Assistance Group asin dating dekano nin batas na si Chel Diokno, Carol Araullo kan Bagong Alyansang Makabayan, an general secretary kan National Union of People's Lawyers na si Edre Olalia, mga propesor sa UP na sina Roland Simbulan sagkod Jukipli Wadi, an parapahayag na si Inday Espina-Varona, mga aktres na sina Mae Paner sagkod Audie Gemora, an secretary general kan Karapatan na si Cristina Palabay, asin si Edith Burgos, na ina kan nawawarang aktibista na si Jonas Burgos.[4]

Mga Tultulan[baguhon | baguhon an source]

  1. 1.0 1.1 Tupaz, Voltaire (August 28, 2017). "Civil libertarians launch Movement vs Duterte's 'acts of tyranny'". Rappler. Retrieved 2020-06-04.
  2. "Alliance calls on Filipino people to act amid 'bleak situation under Duterte'". Bulatlat. 2019-01-13. Retrieved 2020-06-04.
  3. "Groups launch Movement Against Tyranny". Bulatlat. 2017-08-29. Retrieved 2020-06-04.
  4. Dizon, Nikko (August 28, 2017). "Movement against drug killings, 'acts of tyranny' launched". Inquirer. Retrieved 2020-06-04.