Na Hye-sŏk

Na Hye-sŏk
Na Hye-sŏk
	Na, aged 18–19 (c.1915)

Si Na Hye-sŏk ( Korean , Abril 28, 1896 – Disyembre 10, 1948) sarong Peministang Koreano, para surat rawitdawit, parasurat, pintor, edukador, asin peryodista. An saiyang pangaran sa arte iyo an Jeongwol ( 정월 ). Saro siyang pioneering peministang Koreano na parasurat asin pintor. Siya an inot na babaeng propesyonal pintor asin an inot na peministang parasurat sa Korea. Naggibo siya nin nagkapirang pintang estilo-Sulnupan sa Korea, asin nagpublikar nin mga nobelang peministang asin mga halipot na usipon. Naging bistado man siyang peminista huli sa saiyang kritisismo sa institusyon nin pag-agom nin amay kan ika-20 siglo.

Pagkahubin

Si Na Hye-sŏk ipinangaki kan ika-28 kan Abril, 1896, sa Suwon, Joseon. Siya an ika-apat na aki nina Na-Gi-jeong asin Choi Si-ui, na sarong miyembro kan aristokratikong angkan kan Naju Na. Ipinahiling ni Na an saiyang talento sa arte puon pa kan siya hubin pa asin nag-gradwar na pinakahalangkaw sa Jinmyeong Girls High School kan 1913.

Karera

Bilang sarong hoben na babae, nabisto si Na sa saiyang pagiging marahay asin an pagiging prangka, na iyo an nagpapahiling na gusto niyang maging sarong pintor asin sarong intelektuwal, na isinisikawal an tradisyonal "Marhay na Agom, wais na Ina" na pagkabisto sa mga babae. An saiyang mayor na isinusurat,, iyo an Kyonghui ( 경희 ), na ipinublikar kan 1918, manungod sa pagdiskubre kankan sarong babae asin an saiyang kasunod na paghanap nin kahulugan sa buhay bilang sarong "bagong babae."

Kan siya makagradwar sa Jinmyeong Girls' High School kan 1913, nag-major si Na nin Western oil painting sa Tokyo Arts College for Women. Bilang sarong estudyante, si Na nagsurat man nin nagkapirang essay na nagtutuyaw sa pamantayan kan mga kababaihan na "marhay na agom, marhay na ina" sarong arketipo kan Korea, na sinasabi na gusto niyang magkaigwang karera bilang sarong artist. Kan Abril 1915, naging organisador si Na kan Asosasyon nin mga Estudyanteng Koreano sa Japan. Kan mga panahon na ito, namuot siya kay Choe Sung-gu, sarong estudyante sa Unibersidad kan Keio saka sarong editor asin publisher kan Magasin na Hakchigwang . An relasyon nina Na saka Choe naipublikar sa mga estudyanteng Koreano asin Hapon, siring man sa kabisto ni Na sa literaryo asin personal na asosasyon ni Na ki Yi Gwangsu. Kan tigsoli kan 1915, ipinauli siya kan saiyang ama pauli, asin pinipirit siyang makipag-agom sa sarong bistadong pamilya. Nakadulag man si Na sa kagustuhan kan saiyang ama kan tinanggap niya an posisyon sa pagtukdo sa sarong primaryang eskwelahan, susog sa isturya manungod saiya. Pakaagi kan pirang taon na pagtukdo asin pagipon niya nin kwarta para sa saiyang matrikula, nagbalik si Na sa Tokyo kan katapusan kan taong 1915 para ipadagos an saiyang pagklase. Alagad, kan Abril 1916, si Choe Sung-gu nagadan sa hilang na tuberkulosis, asin nagpundo si Na kan saiyang pagklase para siya marahay asin maging ayos an saiyang isip.

Kan 1919, nagpartisipar siya sa Ika-1 kan Marso Movement laban sa pamamahala kan Hapon. Napreso siya huli kaini.

Kan 1920 si Na, kaiba si Kim Iryeop asin sampulo pang lalaki, nagpartisipar man sa coterie literary magazine na inaapod na Pyeho. Sa pagpuon kan taon 1920, pareho si Kim asin si Na nagkontribwar nin serye nin mga artikulo para sa inot na magasin para sa kababaihang Koreano, na inaapod na Sinyoja, o an "Bagong Babae", sa temang pagpapauswag kan gubing kan mga babaeng Koreano. Nakipagdebate sinda para sa mas kapakipakinabang asin praktikal na gubing para sa mga babaeng Koreano tanganing makatabang na mapakarhay an saindang kalinigan, salud, asin an saindang imahe, asin pigkondenar an tradisyonal na mga gubing na Koreano na dinisenyo na mayong konsiderasyon para sa saindang hawak, proteksyon, asin kaginhawahan kan mga babae.

Kan ika-10 kan Abril, 1920, si Na nagpakasal ki Kim Woo-young, sa Jeongdong wedding hall, Seoul. Kan Marso 18, 1921, si Na nagkaigwa nin inot na eksibisyon kan saiyang mga obra bilang sarong Koreanong pintor. Kan 1923, nadagdagan an saiyang interes sa saiyang essay na "Thoughts on becoming a mother," kun saen pigkritikar niya an saiyang agom huli ta pinabayaan siya na mag-ataman kan saindang aki.

Kan 1927 si Na asin an saiyang agom naglibot sa Europa asin Amerika na pig-isponsor kan gobyerno kan Hapon. Kasunod kan pagbalik niya sa ibang nasyon, pinadagos ni Na an saiyang karera sa arte, nanaggibo nin eksibisyon sa saiyang ginikanan sa banwaan kan Suwon na kunsain tig pahiling an mga ginibo niyang arte na nakompleto nita sa Europa asin si mga kopya na nagibo niya kan siya naglibot sa manlain-lain na lugar.

Nag-adal si Na kan saiyang pag pinta sa France, Habang yaon siya sa Paris, na harayo sa saiyang agom, sinasabi daang nagkaigwa siya nin relasyon sa lider kan Cheondo-gyo na si Choi Rin, na nagin puon kan mga tsismis sa kolumnista. An agom ni Na, sinuwayan man siya huli kan saiyang nagibo kan taong 1931.

Sa ibong kan diborsyo asin pakapasupog sa saiyangreputasyon, pinadagos ni Na an saiyang pagpintura asin nagana man nin espesyal na premyo kan ika-10 Joseon Art Exhibition kan 1931. Nakapublikar man siya nin sarong artikulo na inaapod na A Divorce Testimony sa magasin na Samcheolli kan 1934, na nagpapahiling nin mga isyu sa pagkakaiba-iba kan mga lalaki asin babae na inendorso kan moralidad asin tradisyon kan Korea. Inangat niya an patriarkal na sistema sosyal asin an mentalidad na nakasentro sa lalaki an sosyedad kan Korea kan panahon na ito. Sa A Divorce Testimony, pigkritika ni Na an pan-aapi sa sekswalidad kan babae; nagsabi na an saiyang dating agom dai nakapagkontento saiya sa sekswal na paagi asin nagsayuma na pag-ulayan an isyu; asin sa katapustapusi nag-adbokasiya siya nin "test marriages" kun saen an mag-agom maistar na magkaibanan bago magpakasal tanganing maibitaran an pag-utro kan saiyang bakong maogmang pag-agom. An A Divorce Testimony an nagraot kan karera ni Na, nin huli ta an saiyang mga pananaw pighihiling na iskandaloso asin nakakabigla, nin huli ta an tradisyonal na kulturang Confucian na Koreano pigkokonsiderar na bawal an pakikidurog bago an kasal asin an mga babae dai dapat magtaram nin prangka manungod sa saindang sekswalidad.

Nagadan siya kan ika-10 kan Disyembre 1948, sa sarong ospital. Siya dai pa sana nahahaloy na pigmidbid sa Korea huli sa saiyang mga naginibuhan sa arte asin literatura. Halimbawa, an Seoul Arts Center nagbukas nin sarong retrospektibong eksibisyon kan saiyang mga obra kan 2000.

Estilo asin karera sa arte

An historyador nin arte na si Sunglim Kim nagsurat kun papano, kan 1926 ilinadawan ni Na Hye-sŏk na an saiyang estilo nin pagpinta “naimpluwensiyahan kan saiyang mga propesor na Hapon.” Ini nagresulta sa sarong "Post-Impressionist asin Naturalist na estilo" na nagduduon sa porma, kolor, asin ilaw. Tanganing magdara nin mas personal na pagkakaiba sa saiyang obra, an estilo ni Na nag-agi nin pagbabago gikan sa mas maliwanag, prominenteng mga kolor pasiring sa mga bakong gayong makulay. An iba pang pagkakabisto sa personal na estilo ni Na kabali na an; sarong "espesyalidad sa tanawon"; "maisog, kumpiyansa, asin kusang-boot na mga brushstroke", asin pag-eksperimento sa tekstura, na ipinahiling sa South Gate of Bonghwan Fortress (1923). An dagdag na deskripsyon kan saiyang obra ni Sunglim Kim nagpapaliwanag na an saiyang kapalibutan igwa nin malinaw na impluwensya sa mga paglaladawan sa saiyang obra, na nagsasabi, "Huli ta siya nagluwas tanganing magguhit nin mga tanawon asin magtao nin hararom na komposisyon, an pagpresente niya kan saiyang estrukturang arkitektural asin an saiyang mga komposisyon pinagkonsiderar na marhay asin solido."

Kan panahon na ini, nagsali si Na sa kadakol na eksibisyon, na pinapahiling an saiyang pinapabakal na obra, an iba kaini nabakal na sa kantidad na 359 won (US $3,500 ngunyan). An inot na solo na iniksibit ni Na, na kabali an sarong koleksyon nin mga tigpinta niya, pig-promote sa sarong artikulo sa peryodiko na Kyonsong ilbo . Si Na nagsusumite man nin mga pintura haros taon-taon sa Joseon Art Exhibition na pig-isponsor kan estado.

Dakul sa saiyang mga obra an inako sa Joseon Art Exhibition. Duwa sa saiyang mga tigpinta, an Garden in Fall asin Nangrang Tomb, an nanggana nin ikaapat asin ikatulong pwesto, sunod-sunod. Dugang pa, duwa sa saiyang mga pintura, an Ch'onhung (Tianhou Temple) asin Garden an nag-ako kan "...pinakahalangkaw na premyo sa Western oil painting..." kan 1926 asin 1931, sunod-sunod.

Kan taon 1930, si Na nakaresibe nin kritisismo sa saiyang trabaho siring man sa saiyang personal na buhay pagkatapos na an saiyang relasyon nagin midbid sa publiko. Bilang resulta, nagbalyo siya sa pagsumiter nin mga obra sa sarong eksibisyon nin arte sa Hapon, an Teiten siring man sa paghagad nin tabang sa pagpabakal kan saiyang obra. Alagad, kulang ini, asin dai na siya nagsusumitir nin mga obra sa mga pampublikong eksibisyon. An mga isyung ini nagkaigwang nin epekto ki Na, na pig-atribwir sa saro pang pagbabago sa saiyang estilo nin arte, "na may maluyang estruktura asin magaspang na marikas na mga brushstroke" na ipinahiling sa Peonies in Front of Hwanyong Hall (1933) asin Hongnyu Waterfall (1937).