Nilawan Pintong

Si Khun Nilawan Pintong (Thai: นิลวรรณ ปิ่นทอง; 6 Disyembre 1915 – 7 Pebrero 2017) sarong feministang thai an paghihingoa sa pag-uswag kan karapatan kan mga kababaihan sa Thailand na nagtao saiya nin titulong Steel Lotus Blossom. Siya bistado bilang inot na nagpuon kan Ounakorn Center asin an Satee Sarn Magazine, na iyo an pinakainot na magasin sa Thailand na an katuyuhan iyo an mag-inspirar sa mga babae na magkaigwang aktibong partisipasyon sa mga aktibidad kan komunidad. Kan 196, siya an pinakainot na Thai na nakaresibe kan Ramon Magsaysay Award para sa pagserbi sa publiko. An premyong itinao sa saiyang papel sa pagtao sa "Thai women a new and creative role in nation-building." An premyong itinao kabali an $10,000, sarong gintong medalya asin an sertipiko na tinao saiya asin sa ibang kasali.

Buhay kan siya Hubin asin edukasyon

Si Khun Nilawan ipinangaki kan ika6 kan Disyembre 1915 sa Bangkok. Utang na buot niya an saiyang edukasyon sa Budista sa saiyang ama na naging monghe pakatapos na magadan an saiyang ina. Huli kan na-edukar siya sa espiritu kan pahkamuot asin pagserbi puon kan hubin pa, pigsunod ni Nilawan an saiyang kagustuhan na maging sarong paratukdo asin nakua an saiyang sertipiko gikan sa Bethaburi School of Teacher Training sa Bangkok. Kan 1936, nakua niya an saiyang Bachelor of Arts degree sa Modernong Tataramon (Ingles asin Pranses) na may Enot na Onra sa Ingles gikan sa Unibersidad kan Chulalongkorn.

Karera asin legasiya

Si Khun Nilawan nagtukdo nin sarong taon sa sarong sekondaryang eskwelahan sa irarom kan Ministry kan Edukasyon, pakatapos naging pamayo siya Seksyon kan Opisyal na Publikasyon, asin nagin pamayo man kan Seksyon kan Foreign Affairs. Kan mga taong ini, kan siya nabantad sa mga nosyon kan Sulnupan na katalingkasan kan tao, narealisar niya an importansya kan edukasyon para mapahiling na mayong limistasyon an sarong tao, na iyo man an iba sa tradisyonal na papel na ginibo para sa mga babae sa sosyedad; na nakakulong sa laog kan domestic sphere na mayong pag-aaram sa sibiko asin sa komunidad.

Sa ibong kan kakulangan nin pundo, pigpanginutan ni Nilawan an fortnightly magazine na Satree Sarn Magazine kan 1947 sa tabang kan tulong amigo. An magasin nakasentro sa mga babae asin an laog kaini puon sa uso asin mga gibo sagkod sa arte asin literatura.. Sa laog sana nin tulong taon, ini an nagin pinakamahiwas na binabasa na magasin sa Thailand sagkod sa huring publikasyon kaini kan 1996 huli sa mga problema sa pinansiyal.

An saiyang pagpublikar na negosyo nag-uswag sa pagmukna kan Daroon Sarn (Youth's Magazine), sarong semanal para sa mga tin-edyer asin mga hoben, asin Sapdha Sarn, sarong semanal na newsmagazine na igwa nin hararom asin importanteng bareta. Kasabay ni Daroon Sarn, piglansar ni Khun Nilawan an Preeya Club para sa mga kaakian na nag-organisar nin mga klase sa arts and crafts asin iba pang mga aktibidad kan mga kaakian. Apwera kaini, naglaog man siya sa ibang mga proyekto arog kan mga serbisyo sa pagsasalin asin sarong semanal na programa sa radyo, mantang nakikipagtabangan sa Thai Library Association tanganing itaas an mga pamantayan kan trabaho sa libreriya sa Thailand. Siya man an presidente kan Sosyedad nin Pag-imprenta sa laog nin sarong panahon.

Kaayon sa saiyang manlain-lain na posisyon iyo an pagiging presidente asin sekretarya kan PEN Center kan Thailand; ehekutibong sekretarya kan Thai Foundation for Journalism Education; miyembro kan Konseho Nasyonal sa Edukasyon, pamayo kan Komite Ehekutibo sa Konseho Nasyonal an mga babae kan Thailand; miyembro kan Thai Merchants Association; bise presidente kan Pan Pacific and Southeast Asia Women's Association. Tanganing matawan nin harong an manlain-lain na mga NGO na daing harong, siya an nagmukna asin nagdirehir kan Ounakorn Center na nagserbi man na harong para sa mga dayuhan na bisita sa mga kaugnay na larangan.

Si Pintong nagadan kan 7 Pebrero 2017, sa edad na 101.

Mga Premyo

• Premyo Ramon Magsaysay sa Serbisyong Publiko
• Honorary Doctorate of Arts sa Chulalongkorn University