Noriko Ibaragi
| Noriko Ibaragi | |
|---|---|
 | |
| Katutubong ngaran | 茨木のり子 |
| Minundagan | 宮崎のり子, 三浦のり子 (after marriage) June 12, 1926 Osaka |
| Kagadanan | February 17, 2006 (age 79) |
| Kasibotan |
|
| Nasyunalidad | Japanese |
| Bantog na gibo | Watashi ga ichiban kirei datta toki (わたしが一番きれいだったとき) |
| Mga bantog na gawad | Yomiuri Prize |
| Agom | Miura Yasunobu |
Si Noriko Ibaragi (茨木 のり子, Ibaragi Noriko) sarong poetang Hapones, parasurat nin dula, parasurat nin sanaysay, parasurat nin literatura para sa mga aki, asin paratradusir. Midbid siya sa saiyang rawitdawit, Watashi ga ichiban kirei datta toki (わたしが一番きれいだったとき, "Kanigoan na an sakong kagayonan"), na isinurat dose taon pakatapos kan kapildihan kan Hapon sa WWII. Kan 1953, siya an kapwa nagtugdas kan literatutanf dyornal na Kai ("Oars"). Nagpoon siyang mag-adal nin Koreano na saiyang ikaduwang lengguwahe sa edad na singkwenta, asin nagpublikar kan saiyang mga traduksiyon kan mga rawitdawit kan saiyang mga kapanahonon na Koreano.
Biograpiya
[baguhon | baguhon an source]Amay na buhay
[baguhon | baguhon an source]Namundag si Noriko Ibaragi sa Siudad nin Osaka, Prepektura nin Osaka asin siy nagdakula sa Siudad nin Nishio, Prepektura nin Aichi. Kan 1943, nag-adal siya sa Imperial Women's Pharmaceutical College (ngonyan Tōhō University) sa Tokyo. Durante kan saiyang mga taon sa Kolehiyo, mantang saiyang inagihan kariribukan durante kan WWII, na naeksperyensiyahan an mga paglusob sa eroplanong militar asin an gutom. Kan 1945, sa edad na 19, nadangog niya an pag-anunsyo kan radyo kan kapildihan kan Hapon mantang nagtatrabaho na sarong estudyanteng pinagtatrabaho sa sarong pabrika nin mga gamit pangmedikal kan Hukbong Dagat. An saiyang mga eksperyen
Karera
[baguhon | baguhon an source]Pagkahiling kan "A Midsummer Night's Dream' sa Imperyong Tiyatro nagdesisyon si Ibaragi na magin parasurat nin dula. Kan 1946, siya nominado sa sarong Yomiuri Prize (読売新聞戯曲第１回募集) para sa saiyang enot na dula, Tohotsumioyatachi (とほつみおやたち). Kan 1948, si Ibaragi nagsurat nin mga istorya para sa mga aki, Kai no ko puchikyū (貝の子プチキュー) asin Gan no kurukoto (雁のくる頃), na pariyong ipina-aram sa radyo kan NHK.
Kan 1950, siya nagpakasal ki Miura Yasunobu, sarong doktor, asin nagbalyo sa Tokorozawa sa Saitama asin nagpoon na magpadara kan saiyang mga obra sa magasin na Shigaku (詩学). An saiyang rawitdawit, Isamashī uta (いさましい歌), pinili na ipublikar sa bulkan nin Setyembre kan 1950.
Kan 1953, siya an kapwa nagtugdas kan Kai (Oars), sarong magasin nin mga rawitdawit, kaiba si Hiroshi Kawasaki, saro pang parasurat sa Shigaku. Minsan ngani an enot na bulkan kan Kai igwa sana nin mga obra ni Ibaragi asin Kawasaki, nagrekrut sinda nin mga bantog na parasurat arog ni Shuntarō Tanikawa, Yūjirō Funaoka, Hiroshi Yoshino, asin Hiroshi Mizuo bilang mga kontributor.
Kan 1976, sa edad na singkwenta, nagdesisyon si Ibaragi na mag-adal nin Korean na saiyang ikaduwang lenguahe. Nagsurat-surat siya sa poetang Koreano na si Hong Yun-suk mantang nag-aadal nin Korean, na isinurat na an "pagkaawat kan lenguahe" durante kan okupasyon kan Hapon sa Korea sarong krimen, bilang pagtukoy ki Hong na edukado sa Hapon. Tinawan siya nin Yomiuri Prize para sa saiyang pagtradusir kan mga tulang Koreano kan 1990.
An saiyang koleksyon nin mga rawitdawit na Yorikakarazu (倚りかからず) na iniluwas kan 1999, ipinaheling sa edisyon kan ika-16 nin Oktubre kan Asahi Shimbun, asin nagpabakal nin rekord na sanggatos asin singkwentang ribo (150,000) na kopya.
Kagadanan
[baguhon | baguhon an source]Si Ibaragi nagadan kan ika-17 nin Pebrero 2006 huli sa pagdugo sa utak. Mantang siya nag-iistar nin solo, siya nadiskubre sa saiyang higdaan pakalihis nin duwang aldaw. Nag-andam na siya nin testamento tolong bulan bago kaini; nagsurat man siya nin surat nin pamamaaram asin ipinaprinta na ini, andam nang ipadara sa mga duwang gatos (200) kan saiyang mga katood asin mga ka-surat-surat.