Nurkhon Yuldashkhojayeva

Nurkhon Yuldashkhojayeva
Ladawan:Nurkhon Yuldashkhojayeva portrait.jpg
Native name	Nurxon Yoʻldoshxoʻjayeva Нурхон Йўлдошхўжаева
Kamundagan	1913 Margilan, Russian Turkestan (present-day Uzbekistan)
Kagadanan	Ika-1 kan Hulyo 1929 (edad16) Margilan, Uzbek SSR, USSR
Dahilan kan kagadanan	Sinaksak
Mga bantayog	Statue dedicated in 1960s but removed shortly after Uzbekistan gained independence
Trabaho	Parabayle, aktor
Midbid bilang	Paghali kan belo sa publiko

Ladawan:Statue of Nurkhon.png

An estatuwa ni Nurkhon na dati yaon sa plasa kan banwaan sa Margilan hinale pagkatapos kan katalingkasan

Si Nurkhon Yuldashkhojayeva ; c. 1913 – 1 Hulyo 1929) saro sa mga pinakainot na babaeng aktres na Uzbek asin saro sa pinakainot na babaeng Uzbek na nagbayle sa entablado na mayong paranja. Siya sarong sikat asin bistado sa Uzbek Theater, an saiyang karera naputol kan 1929 huli sa honor killing, siya nagin simbolo man kan kababaihan asin oag paglaban sa pyudalismo.

An saiyang Buhay

Si Nurkhon ipinangaki kan 1913 sa sarong pamilyang Uzbek sa Margilan, sa rehiyon lan Ferghana Valley. Nagdakula sa sarong mapang-abuso asin relihiyosong lugar, nagpuon siya magkaag nin belo sa hoben na edad arog kan ibang daraga sa Uzbek kan panahon na ito. Alagad, kan nagdakula siya nagin interesado siya sa teatro, asin kan 1928 naghali siya sa saindang harong asin nagsali sa grupo kan teatro ni Muhitdin Qoriyoqubov, na nakabase man sa Samarkand kan panahon na ito. Siya tig tukduan ni USta Olim Komilov, asin an saiyang kairiba kabali an future People's Artist of the USSR na si Tamara Khanun asin an future People's Artist of the Uzbekistan na si Gavhar Rahimova. Pakatapos kan saiyang pag-ayon sa grupo, kan ika-8 kan Marso 1928, siya asin an ibang parabayle nagsakat sa entablado para halion an saindang belo sa mukha para sa pag-selebrar kan International Women's Day, na tigtutumang an posisyon sosyal na ipinautib sainda. Sa buhay niya, pirme siyang nakakaresibe nin pananakot hali sa mga relihiyosong panatiko na naanggot saiya kan saiyang paghali kan belo asin an pagpili kan karerang pag-arte.

Paggadan

Kan an grupo nin parabayle nag bisita sa saiyang lugar sa Margilan kan 1929 panahon kan tag-init, nagdesisyon siyang bisitahon an saiyang pamilya. Pinahiling niya sa saiyang antehon an saiyang bayle asin kanta na saiyang nanudan, pakatapos sinabihan sia kan saiyang antehon na an saiyang tugang na lalake na si Salixo'ja hinahanap siya. Hinahalat siya na may kapot na kutsilyo, sinaksak siya hanggang sa magadan. Kan nag abot an mga pulis, inako niya man na siya an naggadan. Inako niya man na an paggadan saiya planado. Sa pag insister kan saindang ama na si Yoʻldoshxoʻja Salimxoʻjaev, an ming-boshi (sarong lokal na administrador), asin mullah Kamal G'iasov, na nagpasumpa ki Salixoʻja sa Quran na gadanon siya. Kan aldaw pakatapos kan saiyang kagadanan, sarong dakulang paglubong an ginibo sa plasa. Ribo-ribong tao an nag-atendir sa memoryal, an mga kababaihan nag hali kan saindang belo sa mukha sa atubangan kan mga kabaong. an saiyang ama asin tugang nagbisita asin ginadan huli kan saindang paggadan, asin an ming-boshi asin mullah itinapok.

An saiyang tugang na babae na si Begimkhan, na nagsali sa grupo nin teatro kaiba niya, nag ayon ki Nurkhon sa saindang biyahe sa Margilan. An plano iyo man an gadanon siya; alagad, dae niya nabisita an saiyang magurang ta siya kinalintura. Si Begimkhan nabuhay tanganing magkaigwa nin marhay na karera bilang sarong aktres sa teatro nin opera asin ballet na ipinangaran ki Alisher Navoi.

Sarong rawitdawit na naggigirumdom ki Nurkhon an ipinublikar sa peryodikong Uzbek na "Yosh Leninchi" (Hoben na Leninista) kan 20 Nobyembre 1938.

Pamana

Pakatapos kan saiyang pagkagadan tinawan siya nin onra kan awtoridad kan USSR bilang sarong maurag na modelo asin martir kan Sobyet, kaparehas man kan Tursunoy Saidazimova. Sarong estatwa ni Nurkhon na itinugdok sa Margilan sa atubangan kan Harong nin Kultura. Ginibo kan eskultor na si Valentin Klevantsov kan 1967, an saiyang estatwa hinal kan 1993 dai nahaloy pagkatapos kan pagkawara kan Uzbek Soviet Socialist Republic kan. An monumento sa sarong hoben na babae na nagrerepresentar kan pakikipaglaban para sa katalingkasan kan mga babae pigkonsiderar na imoral sa post-Soviet Uzbekistan. Sa siyudad nin Ferghana igwa nin sinehan na igwa pan man ning pangaran niya, an sinehaniyo an "Nurkhon".

Si Nurkhon iyo an bida kan Sobyet na musikal na dula na "Nurkhon" ni Kamil Yashin na bistado kan ika-20 na siglo. Sarong rawitdawit na naggigirumdom ki Nurkhon Yuldashkhojayeva an ipinublikar sa peryodikong Uzbek na “Yosh Leninchi” (Hoben na Leninista) kan ika-20 Nobyembre 1938.

• Tursunoy Saidazimova
• Tamara Khanum
• Paggadan sa onra
• Pagpatalingkas kan mga kababaihan
• Hujum