Omamori

  

An mga Omamori iyo an mga Hapones na anting-anting na pirme binabakal sa mga Shinto na altar asin Buddhist na templo. Ini igina-aalay sa partikular na mga Shinto na kami pati na man sa mga Buddhist na pigura, asin pigtutubodan na ini sa nagtatao nin iba-ibang uri nin awerte asin proteksyon.

Ginikanan asin paggamit

An tataramon mamori nangangahulugan na 'proteksyon', na omamori iyo an sonkeigo (onra) na porma kan tataramon. Orihinal na gibo sa papel o kahoy, an mga modernong anting-anting saradit na bagay na pirme nakatago sa laog nin sarong bag na brocade asin pwedeng igwa nin pamibi, relihiyosong inskripsiyon nin pag-apod. Omamori makukua sa parehong mga santuaryo kan Shinto asin sa mga templo nin Budismo na may dikit na eksepsyon asin makukua para sa pagpabakal, ano man an relihiyoso nin saro.

An mga Omamori gibo nin kasagraduhan sa paagi nin ritwal, asin pigtutubodan na may laog nin busshin (espiritwal na bahagi) sa kontexto nin Shinto, o kesshin (pagpapahiling) sa kontexto nin Budismo.

Mantang an omamori para sa personal na paggamit kan mga turista sa templo, ini mayormenteng pighihiling bilang donasyon sa templo o santuaryo na pigbibisita kan tawo. An mga bisita parateng nagtatao nin omamori bilang regalo sa ibang tawo bilang pisikal na porma nin pagmawot nin marahay.

Disenyo asin pagpunsyon

An mga Omamori kadaklan tinatahoban nin burdado na seda asin may papel o kahoy sa laog na may mga orasyon o pangadyi na sinusurat digdi. Pigtutubodan na ini nagdadara nin swerte sa tawo, lalo na sa espesipikong okasyon, mga gibuhon, o mga pagsubok. An mga Omamori ginagamit man bilang panangga sa malas, asin kadakol an nakikitang nakakabit sa bag, cellphone strap, sa awto, asin iba pa.

An mga Omamori nagbago na sa agi kan mga taon puon sa gibo na kadaklan sa papel asin/kahoy hanggang gibo sa iba’t ibang klase nin materyales (halimbawa: bumper sticker, reflector sa bisikleta, credit card, asin iba pa). An modernong komersyalismo nakaapekto man sa sadit parte kan produksiyon kan Omamori. Nangyayari ini kadaklan pag an mga bantog na shrine asin templo dai na kaya an kadakol na demand para sa mga anting-anting. Kaya nagtatao sinda sa mga pabrika para maggibo nin Omamori. Alagad, an ibang padi nagpapahayag nin reklamo manungod sa kalidad asin pagka-orihinal kan mga produktong hale sa pabrika.

Susog ki Yanagita Kunio (1969):   An mga Hapones siguro pirme nang may nagtubod sa iba-ibang klase nin anting-anting, pero an Printed na modernong mga anting-anting na ngonian pinapanao sa mga shrine asin templo naging popular lang sa panahon nin Tokugawa o pagkatapos pa. An praktis man na magsulot nin paratiti o anting-anting bag-o man lang. Asin ini na kaugalian mas laganap sa mga syudad. An mga Omamori pwedeng magtao nin pangkagabosan na bendisyon asin proteksyon, o kaya may espesipikong layon, siring kan:

Sa kaugalean, omamori dai binubukahan tanganing dai mawara an saindang mga benepisyo sa pagprotehir. Imbes, sinda dinadara sa hawak, o nakabugkos sa sarong bagay arog kan sarong backpack o sarong pitaka. Dai kaipuhan, alagad an mga anting-anting kaugalean na sinasalidahan sarong beses kada taon tanganing malikayan an malas kan nakaaging taon. An mga lumang anting-anting parati ibinabalik sa parehong santuaryo o templo na binakalan kaini tanganing iapon nin tama. An mga anting-anting parateng ibinabalik sa o pagkatapos nin kadikit kan Bagong Taon kan Hapon kaya an bisita igwa nin bagong pagpoon para sa Bagong Taon na may bagong omamori .

An mga gurang omamori sa tradisyon dai dapat iapon, kundi suluon, bilang tanda nin paggalang sa diyos na nagtabang sa tawo sa bilog na taon.

Kun an sarong bisita sa santuaryo o templo dai makakua nin omamori na nakakasimbag sa saindang pangangaipo, puede sindang maghagad nin sarong padi na magpagibo kaiyan. Kun igwa nin igong mga tawong naghahagad para sa parehong klaseng omamori, an templo o santuaryo puwedeng magpoon na magprodusir kaini para sa aroaldaw na pagkakaigwa.

Modernong komersyal na gamit

Igwa nin mga modernong komersyal na bersyon kan omamori na tipikal na bakong espirituwal an naturalesa asin dai ipinaluwas kan sarong santuaryo o templo. Nagin popular para sa mga tindahan sa Hapon na magtampok nin mga generic omamori na may mga popular na karakter arog ni Mickey Mouse, Hello Kitty, Snoopy, Kewpie, asin iba pa.