Oskar Schindler

Gikan sa Bikol Sentral na Wikipedia, an talingkas na ensiklopedya
Oskar Schindler
Kamundagan(1908-04-28)28 Abril 1908
Zwittau, Moravia, Austria-Hungary
(now Svitavy, Czech Republic)
Kagadanan9 Oktobre 1974(1974-10-09) (edad 66)
Hildesheim, Lower Saxony, West Germany
Lulubngan
Mount Zion Sementeryong Katoliko
Jerusalem, Israel
31°46′13″N 35°13′50″E / 31.770164°N 35.230423°E / 31.770164; 35.230423
TrabahoIndustrialista
Political party
AgomEmilie Schindler (1928–1974)
Mga akiEmily Schlegel, Oskar Jr. Schlegel
Mga magurang
  • Hans Schindler (ama)
  • Franziska Luser (ina)
Websityo
http://www.oskarschindler.com/

Si Oskar Schindler (28 Abril 1908 – 9 Oktobre 1974) sarong Aleman na industrialista asin kaapil sa Partido Nazi. Saiya an kreditong dakula sa pagligtas sa kagadanan kan 1,200 na Hudyo durante kan Holokausto paagi nin pag'empleyo sainda sa saiyang mga pabrika na gibohan mga losang produkto asin mga munisyon. An saiyang mga pabrika namomogtak sa okupadong Polonya asin sa Protektorado nin Bohemia asin Moravia. Siya an nagin laman kan nobelang Schindler's Ark (1982) asin kan pelikulang ipigbatay igdi, an Schindler's List (1993) na nagladawan saiya komo sarong oportunista na benta asin delehensya sana an tuyo alagad kahurihan ipinahiling an pambihirang kusog-boot, hanot-ginhawa, asin higos sa pagligtas sa mga buhay kan saiyang mga empleadong mga Hudyo.[1][2]

An pabrika ni Schindler sa Kraków (2011)

Si Schindler nagdakula sa Zwittau, Moravia, asin yaon sa magkapirang okupasyon bago nagsali sa Sbwehr, an serbisyo intelihensya kan Nazi Alemanya kan 1936. Nagbali siya sa Partido Nazi kan 1939. Bago an pagsakop kan Czechoslovakia kan 1938 kan Alemanya, siya nagkokolekta nin impormasyon sa mga perokaril kan mga hiro-hiro kan mga tropa militar para sa gobyerno Aleman. Siya inaresto kuta kan gobyerno Tseko huli sa pag-espiyang ini alagad pinalibre sa ri'gon kan Pag'oroyon Munich (Munich Agreement). Si Schindler pasige an pagdamot nin impormasyon para sa Nazi, nagtratrabaho sa laog kan Polonya kan 1939 bago ini sinakyada asin sinakop kan Alemanya sa pagpoon kan Ikaduwang Gerang Pankinaban. Kan taon 1939, si Schindler nabakal an sarong pabrika nin mga enamel na produkto sa Kraków, Polonya, na nag'eempleyo nin mga 1,750ng trahabador, na an labing sangribo anas mga Hudyo. An saiyang kuneksyon sa Abwehr napakinabangan na gayo niya sa pagbangga sa mga hiro na ideportar an saiyang mga Hudyong trabahador asin madara sa mga kampo konsentrasyon kan Nazi sa pagpuho' sainda. Sa pag'isog kan panahon, si Schindleer napipiritan nang magsuhol sa mga Nazi'ng opisyal kun ano-anong mamahalon na barakalon, darakulang kantidad na makukua sana sa inapod na black market ngarig ma'irayo niya sana sa disgrasya an saiyang mga trahabador.[3]

An pabrika ni Schindler sa Brünnlitz (2004)

Siya tolong beses inaresto kan SS Aleman asin mga Nazi'ng opisyal huli sa soboot korupsyon asin sa pagtabang na dai-autorisado sa mga Hudyo alagad dai man siya nakasohan.

Pakagera[baguhon | baguhon an source]

Kan matapos an gera, siya asin agom niyang si Emilie nag'estar sa Regensburg, Alemanya. alagad kan 1949 naghubo' sinda sa Argentina. Kan 1957, suway na alagad bako man dibursyado ki Emilie, solong nagbalik si Schindler sa Alemanya kun saen nagadan kan Oktobre 1974, tios asin mayong kwarta asin haros dai na kaboro-bisto. Idtong mga makuapo kan mga nailigtas niyang mga Hudyo pinaglakaw nanggad na mahubo an saiyang restos para sa paglubong sa daga kan Israel.[4]

Mga Pagmidbid[baguhon | baguhon an source]

Kan 1993, an Yad Vashem ginawadan sa Oskar asin Emilie Schindler kan titulong "Mga Matanos sa Pag'oltan kan mga Nasyon" (Righteous Among the Nations) sa pagmidbid kan saindang mga paghingoa durante kan Holokausto sa tahaw kan pagtaya' ninda sa makuring peligro sa buhjay ninda.[5][6]

An United States Holocaust Memorial Council kan taon 1993 ginawadan postuma si Schindler kan Medal of Remembrance kan museo. Bihira sanang igawad ini, an Medalya pigresibi ni Emilie para sa agom niyang si Oskar sa sarong seremonyang ginibo sa Hall of Remembrance kan Museo.[7]

An istorya kan buhay ni Schindler orog na nag'ani nin paayaw-ayaw na atensyon huli sa 1993 pelikula ni Steven Spielberg, an Schindler's List na binase sa nobelang Schindler's Ark, sinurat ni Thomas Feneally kan 1983.

Toltolan[baguhon | baguhon an source]

  1. [1] Archived 2014-08-30 at the Wayback Machine.iskarschindleer.com. Kinua 23-02-18u
  2. [2]www.ushmm.org.Kinua 23-02-18
  3. [3]www.ushmm.org.Kinua 23-02-18
  4. [4]www.ushmm.org.Kinua 23-02-18
  5. Oskar Schindler at Yad Vashem website
  6. [5]www.ushmm.org.Kinua 23-02-18
  7. [6]www.ushmm.org.Kinua 23-02-18