Pacita Madrigal-Warns

Si Maria Paz Paterno Madrigal (Mayo 4, 1915 – Septiembre 12, 2008), na bisto bilang Pacita Madrigal-Warns (poon 1945 hasta 1956), asin pagkatapos Pacita Warns Gonzales (poon 1956 hasta sa pagkagadan niya), sarong Filipina na parabayle ni ballet, dating beauty queen, asin politiko. Nagserbi siya bilang administrador kan Social Welfare Administration sa irarom kan gabinete ni Ramon Magsaysay poon 1953 hasta 1955, asin nagging sarong Senador kan Pilipinas poon 1955 hanggan 1961 sa panahon kan Ikatulo asin Ikaapat na Kongreso. Siya an ikaduwang babaye na napili bilang Senador kan Pilipinas.

Amay na buhay asin edukasyon

Si Maria Paz Paterno Madrigal namundag kan Mayo 4, 1915, ki Vicente Madrigal López hale sa Albay, sarong Filipino-Spanish na negosyante asin senador poon 1945 hasta 1953, asin Susana Ramos Paterno hale Laguna. Siya an ikaduwang sa pito sa magturugang, asin nagdakula siya sa San Miguel, Manila.

Si Pacita nag-adal sa Philippine Women's University asin nagin Prinsesa kan Edukasyon kan Colegio de San Juan de Letran sa edad na kinse anyos. Naggradwar siya bilang valedictorian sa parehong eskwelahan, asin pagkatapos nag-enrol siya sa Sorbonne University sa Pransya. Nagkua siya nin kurso sa business administration sa Unibersidad kan Santo Tomas kun sain naggradwar siya bilang magna cum laude. Nagkua man siya nin mga patapos na kurso sa Le Collège Féminin de Bouffemont sa Pransya, asin sa Dale Carnegie Course asin Powers School sa New York.

Sa taon 1934, nagpartisipar siya sa Manila Carnival (kapareho kan ngonian na Binibining Pilipinas) sa irarom kan pag-sponsor kan Dee Tees, an nangengenot na publikasyon kan nasyon sa panahon na idto. Nadaog siya kang Clarita Tankiang, sarong Instsik na mestiza, para sa korona.

Kan 1941, si Pacita nasa New York kan panahon na naabot na an Ikaduwang Gerang Pankinaban sa Pilipinas. Sa panahon na idto, naglista siya bilang boluntaryong nars para sa Red Cross asin sa Walter Reed Army Medical Center.

Karera sa politika

Pagkatapos kan gera, nagagom si Pacita kang Herman Warns, sarong executive kan Manila Gas Corporation. Kan 1952, siya nagrepresentar kan Liga kan mga Babaeng Botante sa Triennial Congress kan International Alliance of Women sa Naples, Italy, asin sa UNESCO Seventh General Conference sa Geneva. Poon 1945 hasta 1953, siya nagmamahala kan eskwelahan kan saiyang agom. Kan huri kan taon na idto, itinao niya an administrasyon kan saindang eskwelahan tanganing pamayohan an Women for Magsaysay Movement (WMPM), na nagsuporta sa kandidatura kan kaidto Ramon Magsaysay para sa pagkapresidente. Pagkatapos na nagin presidente si Magsaysay, pinili siya bilang chief kan Social Welfare Administration (SWA) sa 1953. Sa gabos na panahon, binag-o niya an organisasyon kan WMPM hale sa sarong civic organization ngadto sa sarong social welfare society. Nagtukdo man siya kan Samahang Manang Pacita (Manang Pacita Movement) na nagtutokdo sa pag-uswag kan komunidad.

Kan 1955, nagdesisyon siya na magdalagan bilang senador sa irarom kan Nacionalista na partido, kun sain nakua niya an pinakahalangkaw na nakakua nin total na boto na 2,544,716, o 50.4% kan total na mga nagboto. Si Madrigal-Warns nagin ikaduwang babayi na senador sa Pilipinas pagkatapos ni Geronima Pecson. Sa panahon kan saiyang termino, siya an pamayo kan kan Komite kan Senado sa Hustisya Sosyal.  Community Development asin Welfare. Siya man an nag-iisang babayi sa Senado sa panahon kan ika-3(1954–1957) asin ika-4 na Kongreso(1958–1961).

Kan 1956, inagom si Pacita kan abogado na si Gonzalo Wilfrado Gonzales pagkatapos nagadan an saiyang enot na agom na si Herman Warns. Kan 1961, Dai siya nagin mapanggana para sa re-eleksyon pero napirde siya, nagtapos sa ika-11 na pwesto, na siring nagsabi na dahil ini sa mga alegasyon na gin-gamit niya an pampublikong pondo kan 1956.

Karera pagkatapos kan pulitika

Si Pacita Gonzales inakusaran nin malversation, misappropriation, asin maling paggamit kan pampublikong pondo kan Social Welfare Administration sa mga taon na 1954–1955, na pagkatapos na-dismiss kan Korte Suprema kan 1963.

Personal na buhay

Si Pacita Madrigal kinasal kay Herman Warns kan 1945 hasta sa pagkagadn niya kan 1956. Sinda may sarong aki na lalaki na si Vicente Madrigal Warns, na bistado bilang "Bu Madrigal"

Pagkamatay ni Warns, nag-asawa si Pacita kan abogado na si Gonzalo Wilfrado Rafols Gonzalez, anak ni Bienvenido Ma. Gonzalez, sarong edukador asin presidente kan University of the Philippines poon 1939 hanggang 1943 asin 1945 hanggan 1951. Sinda may sarong aki na babae na si Ana Maria Gizela Madrigal Gonzalez.

Si Pacita tiyaon ni Jamby Madrigal, na nagserbi man bilang senador poon 2004 hasta 2010.

Nagadan siya kan Setyembre 12, 2008.

Pamana

• Pacita Madrigal Warns - Mababang Paaralan ng Bagong Silang ( Calatagan, Batangas )