Pag-ataman nin Kinkeeping

An pag-andam nin tradisyonal na mga kakanon sa bakasyon, arog kan mga gingerbread men, para sa mga pagtiripon kan pamilya sarong klase nin kinkeeping.

An kinkeeping iyo an gibo nin pagpapadagos asin pagpapabaskog kan mga relasyon sa laog kan pamilya. Sarong klase ini nin emosyonal na trabaho na ginigibo dahil sa obligasyon asin man sa emosyonal na pagkakabit. An sosyolohistang si Carolyn Rosenthal an naggamit nin kahulugan kan termino sa saiyang artikulo kan 1985, na "Kinkeeping in the Familial Division of Labor". Sabi niya, dakula an papel kan mga kinkeeper sa pagpadagos kan pagkasararo asin kontinwidad kan pamilya. An saindang mga paghihingowa dakulang kontribusyon sa inaapod na sosyal na kapital kan pamilya, ta nagpapagibo ini nin emosyonal na suporta asin pagmate nin pagigin kabali sa mga miyembro kan pamilya.

An mga aktibidad nin kinkeeping nakakatabang na magpabisto an mga kamag anakan na yaon sa magkaiba ibang harong, asin nagpapabaskog nin ugnayan sa gabos na henerasyon. Nakatabang ini sa pagbalyo kan mga tradisyon, mga pagpapahalaga, asin kasaysayan kan pamilya hali sa sarong henerasyon pasiring sa kasunod. An mga pamilya na may aktibong mga kinkeepers mas nakakamati nin pagkasararu-saro bilang sarong pamilya.

An mga paagi sa kinkeeping puedeng kaiba an mga pag-apod sa telepono, pagsurat nin mga surat, pagbisita, pagpapadara nin mga regalo, pag-aktong paraataman para sa mga kapamilyang may diperensia o may helang, o pagtao nin pinansyal na tabang. An pagmantenir kan mga tradisyon kan pamilya, arog kan pagpreparar nin partikular na mga kakanon para sa mga piyesta, sarong klase nin kinkeeping.

Mas madalas an mga babae an nagaako kan papel bilang mga kinkeeper kaysa sa mga lalaki, asin parateng nag-oorganisar nin mga pangyayari sa pamilya asin mga pagtiripon. Sa sarong 2006 na surbey sa tolong manlaen-laen na grupo nin mga Amerikano kabali an mga namundag bago an 1930, 1946 – 1964, asin 1965 – 1976 napag-araman na an mga babae mas dakul na pakikipag-ulay sa mga kamag-anakan kaysa sa mga lalaki sa gabos na grupo.

An kinkeeping kadaklan parateng nakakaubos nin oras. An mga kinkeeper tibaad naoogma sa saindang papel, o tibaad namamati ninda iyan na nakakapagabat.