Pagtaraid na mga Isla, Hong Kong
| Pagtaraid na mga Isla, Hong Kong | |||||||||||||
| Tradisyonal na Intsik | 離島 | ||||||||||||
|---|---|---|---|---|---|---|---|---|---|---|---|---|---|
| Pinasimpling Intsik | 离岛 | ||||||||||||
| |||||||||||||
An Pagtaraid na mga Isla o Outlying Islands minatumoy sa gabos na mga isla na minabilog kan teritoryo kan Hong Kong, maliban sa mismong Isla nin Hong Kong. Igwa nin 263ng isla sa Hong Kong, an kadaklan kaini namumugtak sa laog kan Bagong mga Teritoryo asin dakol kaini an namumugtak man sa Distrito nin mga Isla sa sur asin sa sur-sulnopan, Distrito nin Sai Kung sa sur-subangan, asin sa Distrito nin Tai Po asin Norteng Distrito sa norteng subangan. An terminong outlying daing gayong eksakto an pakahulogan asin sa nagkapirang kaso an mga isla na haranihon sa Isla nin Hong Kong asin kadagaan nin Tsina dai digdi kabali.
An masakit na transportasyon digdi nangangahulogan nin huring pag-abot nin pagbabago digdi kompara sa ibang parte kan Hong Kong, asin dakol na mga isla an dai pa napapauswag. Dakol sa pagtaraid na mga isla an daing gayo nin populasyon asin haros yaon sa rural na kamugtakan, alagad igwa nin mahahalagang komunidad asin banwaan na eksistido sa mga isla kan Lantau, Peng Chau, Lamma, asin Cheung Chau.
Alagad, igwa nang pagbabago pasiring sa pagigin urban kan mga isla. Siring kaini an isla kan Tsing Yi na naging parte kan Bagong Banwaan nin Tsuen Wan mga huring dekada 1970, asin ngunyan nakakatakod na sa interong Hong Kong huli kan manlainlain na tinampo asin tuloy na riles. Kan dekada 1980, an Discovery Bay pribadong pinauswag bilang sarong lugar nin residensya sa Lantau, na siniserbisyohan nin sarong marikas na lantsa pasiring sa sentro distrito nin merkado. Kan dekada 1990, an pagtugdok kan bagong Hong Kong Airport, sa norteng baybayon kan Lantau, nagbunga nin paggibo nin sarong takod nin tinampo asin riles sa isla asin pagbabago kan Tung Chung na dating sadit na komunidad pasiring sa sarong bagong banwaan harani sa eropuerto. Bilang resulta kan madaling transportasyon, nagpadagos an kauswagan sa Lantau, kabali digdi an sarong tinampo pasiring sa Discovery Bay, asin an pagkakagibo kan Hong Kong Disneyland Resort.
Kadaklan sa mga rural na isla asin kan mga rural na parte kan Lantau bantog bilang mga pasyaran asin destinasyon kun weekend duman sa mga nakaistar sa teritoryo na igwang gubgob na populasyon.
Serbisyo nin ferry[baguhon | baguhon an source]
An mga ferry o Kai-to na minaserbisyo sa pagtaraid na mga isla pinapadalagan kan minasunod:
- Central pasiring sa Peng Chau, Cheung Chau, Lamma Island, Mui Wo, Discovery Bay asin Park Island (Tsing Yi).
- Sam Ka Tsuen pasiring sa Tung Lung Island
- Aberdeen pasiring sa Lamma Island
- Aberdeen asinStanley pasiring sa Po Toi Island
- Ma Liu Shui pasiring sa Grass Island
- Tuen Mun pasiring sa Tung Chung
- Wong Shek pier pasiring sa Grass Island
- Sha Tau Kok pier pasiring sa Kat O
Hong Kong International Airport[baguhon | baguhon an source]
An Hong Kong International Airport iyo an mayor na aeropwerto sa Hong Kong, tinugdok sa tinambakan na daga nin isla nin Chek Lap Kok. An aeropwerto midbid man na 赤鱲角機場 tanganig mapalaen ini sa sinundan, dating Kai Tak Airport. Nagpuon an operasyon kaini kan 1998, an Chek Lap Kok Airport iyo an importanteng rehiyonal na sentro nin trans-shipment, pampasaherong dinudumanan dangan agihan nin mga destinasyon sa China (igwang 45 na mga destinasyon) asin iba pang parte nin Asya. An aeropwerto an pinakasibot na agihan nin cargo asin saro sa pinakasibot na pampasaherong aeropwerto sa bilong na kinaban[1] Ini man an saro sa pinakadakulang pampasaherong edipisyong terminal (pinakadakula na binuksan).
Toltolan[baguhon | baguhon an source]
- ↑ "About Hong Kong Airport". Retrieved 13 March 2016.
Hilnga man[baguhon | baguhon an source]
- Islands and peninsulas of Hong Kong
- Kai-to