Pakwan

An Pakwan (Citrullus lanatus (Thunb.), sakop kan pamilyang Cucurbitaceae) sarong tinanom na nagbabalagon, nagkakamang asin nagsasapot. Ini gikan sa habagatan Aprika dati, alagad lakop nang enterong kinàban. An bunga kaini inaapod asin pinipisan kan mga botaniko bilang sarong berry na may mahibog na kiri (exocarp) asin malaman na katahawan (mesocarp asin endocarp). An kiri kaini parating berdeng mairom o pwede man na mapùsaw na giyaw/berde na may koro-kambayang berdeng mairom. An katahawan kaini bunhak, masabaw, mahamis na parati nagkokolor pulang mairom o nagrorosa-rosa pero igwa man na narangha, giyaw o puti man ngane.