Pamalaye

An pamalaye (Ingles: supplication, request) pigsasagibo kapag an babayi asin lalaki nagkasundong magpakasal. Pormal na pighahagad kan lalaki an kamot kan babaye sa magurang kaini mantang kaatubang an sadiri niyang magurang. Sa nagkapirang lugar pig-iiba pa kan lalaki an Punong Barangay o iba pang maimpluwensiyang paryentes o katood tanganing makisumaro sa pagpamalaye. Parating may dakulang bangkete ang magaganap na pagpamalaye. Pig-uulayan digdi an petsa asin lugar kun saen isasagibo an kasal kan magka-ilusyon, magin an nagkapira pang detalye, siring kan magigin ninong asin ninang, an pading makasal, mga abay, lugar kan karakanan, a magin an listahan kan mga bisita.