Jump to content

Paniking prutas kan Luzon

Gikan sa Bikol Sentral na Wikipedia, an talingkas na ensiklopedya

Paniking prutas kan Luzon
Sayantipiko na klasipikasyon edit
Missing taxonomy template (pakarhayon): Otopteropus
Espesyes:
Template:Taxonomy/OtopteropusO. cartilagonodus
Ngaran binomyal
Template:Taxonomy/OtopteropusOtopteropus cartilagonodus
Kock, 1969
Luzon Fruit Bat range

An Paniking prutas kan Luzon, midbid sa Ingles na Luzon fruit bat (Otopteropus cartilagonodus) sarong espesyes nin megapaniki sa pamilyang Pteropodidae. Ini an solamenteng espesyes sa laog kan genus na Otopteropus[2] asin endemiko sa Luzon, Filipinas. An natural na istaran kaini iyo an subtropikal o tropikal na marang kadlagan.

Deskripsiyon

[baguhon | baguhon an source]

An Paniking prutas kan Luzon, sarong miyembro kan orden Chiroptera, sarong sadit na paniki na lakop sa isla nin Luzon.[3] Ini nagpapahiling nin maitom na kayumanggihon na kolor, na may mas maliwanag na kolor na minalataw sa parte kan tulak, na parati abohon.[2] Ini nokturnal asin igwa nin medyo darakulang mata, orog pa sa sadit niyang langkaw.[2] An mga Paniking prutas kan Luzon nabibisto sa saindang mga talinga, na minarkahan nin mga pulang pahibog.[4]

An mga espesyes nagpapahiling nin sekswal na dimorpismo sa saindang mga karakter sa kalabera, partikularmente an kalabera.[5] An kabilogan na kadakulaan kan kalabera nahihiling na mas dakula sa mga lalaki, alagad an mga babae igwa nin mas halangkaw na hutok.[5] Huli kaini, an mga babae igwa nin mas halawig na total na laba kan hawak, mantang an duwang sekso igwa nin kaparehong laba kan tulang kan pakpak.[5]

Distribusyon asin istaran

[baguhon | baguhon an source]

An mga Islang Filipinas igwa nin mahiwas na pagkakaiba-iba nin mga hayop. Sa irarom kan orden Chiroptera, an isla istaran kan 73 na espesyes, 36 na genera, asin 6 na pamilya.[5] An mga Luzon Fruit Bat saro sa duwang espesyes sa pamilyang Pteropodidae na nag-agi nin radyasyon sa Sur-sirangan na Asya.[5] An Luzon Fruit Bat limitado sa Isla nin Luzon, na manunumpungan sa arkipelago kan Filipinas.[6] Nag-ookupar sinda nin tolong manlaen-laen na rehiyon sa islang ini: an Kabukidan kan Sentral Cordillera, an mga Kabukidan kan Sierra Madre, asin an mga Kabukidan kan Zambales.[7] Igwa nin mga paghohona o hipotesis na an tolong clade na ini nagralain sa lambang saro mga 1.91 milyon na taon na an nakaagi.[3]

An mga Paniking prutas kan Luzon mas abunda sa pangenot na kadlagan sa kabukidan.[4] Alagad sinda naglakop sa mga nagtatalub na segundaryong kagurangan, siring man sa mga hababang lugar, kabukidan, asin mga malumot na kadlagan.[4] An saindang distribusyon makukua sa langkaw na 200 – 2250 metros (Heaney et al. 1998), alagad orog na gusto an mga rehiyon na may tahaw na langkaw.[3] Huli sa saindang halangkaw na lokasyon, sinda nakalista bilang sarong Least Concern.

Ini parakakan nin prutas; an pagkakan kaini kadaklan prutas o nektar.[4] Sa saindang pagkonsumo nin prutas, sinda nagtatabang na makakontribwir sa natural na pagpatalubo nin kadlagan sa paagi nin pagwarak nin mga banhi.[4] Huli sa pagkakaiba sa kadakulaan kan payo, an mga lalaki asin babae may tendensiyang magkaigwa nin manlaen-laen na kagustuhan sa kakanon, base sa kun ano an madali para sa porma kan saindang hawak.[5]

An mga babae igwa nin halabang duplex na matris na hababaw na pinagsararo sa cervix.[2] An mga paniki na ini nagbubunga nin saro o duwang ogbon kada taon.[7] Asin an distribusyon kan embryo sa pag-oltanan kan wala asin toong matris medyo pantay asin mayo nin naobserbaran na kagustuhan.[2] An pagsiyasat nagkonklusyon na an mga babae nag-aagi nin atrasadong implantasyon, dawa ngani an espesipikong lawig kan atraso dai aram.[2]

An mga lalaking miyembro kan orden Chiroptera igwa nin mahiwas na pagkakaiba-iba sa morpolohiya kan mga primerong estrukturang reproduktibo.[8] An mga lalaking Paniking prutas kan Luzon bakong eksepsyon, nin huli ta sinda nagpapahiling nin sarong klase nin mga nagmimigrar na bayag, na kun saen an saindang mga bayag yaon sa tulak.[2] Dugang pa, an mga lalaking paniki na ini igwa nin dikit na spermatozoa sa saindang mga bayag asin epididymis, na nagpapahiling na kadaklan kan mga semilya dai pa lubos na magurang.[2]

Mga Reperensya

[baguhon | baguhon an source]
  1. ↑ Ong, P.; Rosell-Ambal, R.G.B.; Tabaranza, B.; Heaney, L.; Duya, P.; Gonzalez, J.C.; Balete, D.S. (2020). "Otopteropus cartilagonodus". IUCN Red List of Threatened Species 2020. doi:10.2305/IUCN.UK.2020-2.RLTS.T15665A22122206.en. https://www.iucnredlist.org/species/15665/22122206. Retrieved on 16 November 2021.
  2. 1 2 3 4 5 6 7 8 Heideman, Paul D., Jennifer A. Cummings, and Lawrence R. Heaney.
  3. 1 2 3 Roberts, Trina E. Divergence, diversity, distance, and disequilibrium: comparative phylogeography of six Philippine fruit bats (Chiroptera; Pteropodidae).
  4. 1 2 3 4 5 Heaney, Lawrence R. "Synopsis of the mammalian fauna of the Philippine Islands." (1998).
  5. 1 2 3 4 5 6 Rickart, Eric A., Jennifer A. Mercier, and Lawrence R. Heaney.
  6. ↑ Alviola, Phillip A., et al. "Chapter 2: mammalian diversity patterns on Mount Palali, Caraballo Mountains, Luzon." Fieldiana Life and Earth Sciences(2011): 61-74.
  7. 1 2 Ruedas, L. A., J. R. Demboski, and R. V. Sison.
  8. ↑ Beguelini, Mateus R., et al. "Morphological variation of primary reproductive structures in males of five families of neotropical bats." The Anatomical Record 296.1 (2013): 156-167.
Kinua sa "https://bcl.wikipedia.org/w/index.php?title=Paniking_prutas_kan_Luzon&oldid=299253"