Pansit na Hapon

Japanese noodles
	Fresh ramen
Klase	Noodles
Ginikanang lugar	Japan
Pangenot na sahog	Flour, water
	Cookbook: Japanese noodles; Media: Japanese noodles;

An pansit sarong panginot na kakanon kan mga Hapon . Pirme ining pighahanda pinalipot na igwang mga sarsa, o kaya sa mga sopas o mainit na mga putahe. Ang mga pansit ipinamidbid sa Hapon hale sa Tsina durante kang Dinastiyang Song sa pag-ultanan kang mga Heian sagkod sa amay na panahon ning Kamakura.

Kasaysayan

An pansit enot na ipinamidbid sa Hapon kang mga 800 AD kang panahon nin Heian (794-1185). Ang putaheng ining kinua sa Tsina.

Durante kang panahon nin Edo, partikularmente sa pag'oltan kang 1661 sagkod sa 1672, ang mga pansit na Soba nagin popular sa mga restawran sa kabiserang siyudad ning Edo (ngonyan Tokyo ). Igwa ning osipon na ini naging popular na gayo huli ta ang soba noodles pwedeng ihanda na malipot, asin sa gabos na kasulo na nangyayari, ang gobyerno naglimitar kang paggamit ning gatong.

Mga klase ning pansit sa Hapon

Ang chūkamen iyo ang mga pansit na ginagamit sa ramen . Ini mga manipis, pansit na nakabase sa trigo na gibo sa harina ning trigo, asin, tubig, asin kansui, sarong klase ning tubig na alkalina. Ang minasa pig-iitaas bago linukot. Ang mga chūkamen igwa ning matagas na pagkadakula asin parati mapusyaw na dilaw ang kolor. Ang mga pansit pwedeng magkaiba-iba ang porma, lakbang, asin laba. Ang mga ini pigsisirbe sa sarong sabaw. Ang mga putaheng ginikanan kang ramen pig-introdusir kang mga imigranteng Intsik kang mga taon 1880. Ang tataramon na ramen sarong pag-utang sa Hapon kang Mandarin na Intsik na lamian (拉麵, 'guyod na pansit'). ^[1] Ang sarong komun na salang paghona iyo na ang ramen sarong Hapon na adaptasyon kang lamian, alagad ang duwang putahe mayo ning direktang relasyon, asin kung pano ang ramen nagkua kang pangaran kaini gikan sa lamian nagdadanay na bakong malinaw. ^[2] Ang Ramen nag-evolve gikan sa mga putaheng pansit kang Tsina sa timog, sa pangenot Cantonese, na kontra sa mga putaheng pansit kang norteng Tsina na pwedeng igwa ning lamian. ^[3] Ang mga halimbawa ning mga putaheng ramen iyo ang shōyu ramen, shio ramen, miso ramen, tonkotsu ramen, asin curry ramen .

Ang Shirataki mga malinaw na pansit na gibo sa konnyaku . Ang mga pansit na ini masiram o garo goma. Ang shirataki ginagamit sa pagdagdag ning texture sa mga putahe arog kang sukiyaki asin oden .

Ang soba sarong pansit na gibo sa bakwit asin harina ning trigo. Ang mga pansit na soba makukua na pinamara o presko. Pwede ini iserbing may mainit na sabaw o malipot na may sarsa ( tsuyu ). Ang mga halimbawa ning mga putaheng soba iyo ang zaru soba (pinalipot), kake soba, tempura soba, kitsune soba, asin tororo soba . Dawa ngani ang popular na putaheng Hapon na yakisoba igwa ning " soba " sa pangaran kaini, ang putahe gibo sa estilong Intsik na pansit ( chūkamen ).

Ang Sōmen noodles sarong mahimpis, puti, pansit na nakabase sa trigo . Ini parati pigsisirbe na malipot sa panahon ning tig-init na may mga sarsa na pansawsaw dawa ngani ini pwedeng gamiton sa mga sopas asin iba pang mainit na putahe. Ang mga pansit na Sōmen kapareho nanggad kang mga pansit na hiyamugi asin udon, alagad mas mahimpis sana ini (mga 1.3mm ang lakbang). Ang Sōmen nangangaipo ning lana sa paggibo kaini. Sa mga bulan ning tig-init ang mga Hapon nagkakakan ning pinalipot na sōmen tanganing magdanay na malipot.

Ang hiyamugi mga pansit na gibo sa harina nin trigo na kapareho kang sōmen asin udon noodles asin nasa pag-ultanan kang duwa sa kadakulaan. Ang mga pansit na ini parati pigsisirbe sa parehong paagi kang sōmen asin udon noodles. Myentras kadaklan puti, igwa ning mga bugkos na may halo na pansit na kolor rosas o kayumanggi.

An udon iyo ang pinakamahibog sa mga pansit na pigsisirbe sa lutong Hapon. Ang mga udon puti, pansit na gibo sa trigo, na 4-6mm ang lakbang. Ang mga pansit na ini pigsisirbe na pinalipot na may sarsa sa mga bulan ning tig-init, o sa mainit na mga putahe asin sopas kun an temperatura mas malipot. An mga putaheng udon kabali an kitsune udon, Nabeyaki udon, curry udon, asin yaki udon . Alagad, an sara udon ginigibo gamit an ibang klase nin pansit na malutong. Igwa nin tolong nasyonal na midbid na rehiyon sa Hapon na midbid sa saindang udon : Kagawa ( Sanuki udon ), Gunma ( Mizusawa udon ), asin Akita ( Inaniwa udon ). An tolong rehiyon na ini nagkontribwir nin mga pambihirang resipe nin udon, siring man nin manlaen-laen na kasaysayan asin kultural na pinaghalean kan produksyon asin pagkonsumo nin udon. An rehiyon kan Kagawa pigkokonsiderar na "kahadean kan Sanuki udon", na pighihiling na simbolo nin rehiyonal na identidad tanganing buhayon an rehiyonal na industriya nin pagkakan asin tanganing ipalakop an rehiyonal na turismo. Sa rehiyon kan Gunma, huli sa halangkaw na bilang kan mga tindahan nin pansit na nagseserbi nin udon sa mga nakapalibot na syudad (Mizusawa, Kiryu, asin Tatebayashi), an Gunma pigkonsiderar na pinakamarahay na lugar kun saen an mga bisita makakaeksperyensya kan pinakamarahay na lokal na ginibo na udon noodle sa Hapon. ^[4]

Ang Harusame mga pansit na baso na gibo sa almirol ning patatas. Ang mga klaseng ini nin pansit parateng ginagamit sa mga putaheng hotpot asin salad, asin ginagamit sa paggibo ning mga adaptasyon sa Hapon kang mga putaheng pansit na Koreano asin Intsik. Ang mga putaheng Harusame kabali ang harusame salad, na sarong malipot na noodle salad na igwa ning tolong mayor na sangkap na julienned na pipino, hamon, asin karot. Ang ibang mga sangkap pwedeng kabali ang wakame seaweed, ginunting na itlog na omelette, kamatis, bean sprouts, asin iba pa.

An tokoroten garo jelly na mga hiwa na gibo sa kanten, na hale sa gelatin kang tengusa, sarong katutubong seaweed. Ang putaheng ini parati na kakanon sa tig-init ning huli ta ini kompuesto ning mga 98% na tubig. Ang Tokoroten nagpoon pa kang 1658 kang ang sarong kagsadiri ning harong-dagosan nag-apon ning nagkapirang pidaso ning kanten, na namara asin pwedeng ibugtak asin ipreserbar. Ang putahe parati na pigdedekorasyonan ning toyo siring man suka ning bagas.

Nahihiling man

Champon, sarong sopas nin pansit na gikan sa Hapon-Tsina
Pansit na Intsik
Instant noodles
Mga pansit na Koreano
Listahan kan mga putaheng pansit
Listahan kan mga pansit
Sapporo Ichiban
An Yakisoba, sarong popular na putaheng pansit

Mga Reperensya

↑ Kodansha encyclopedia of Japan, Volume 6 (1st ed.). Tokyo: Kodansha. 1983. p. 283. ISBN 978-0-87011-626-1.
↑ Kushner, Barak (2012). Slurp! : a social and culinary history of ramen – Japan's favorite noodle soup. Leiden: Global Oriental. ISBN 978-90-04-22098-0. OCLC 810924622.
↑ Solt, George (2014). The Untold History of Ramen: How Political Crisis in Japan Spawned a Global Food Craze. California Studies in Food and Culture. Berkeley, CA: University of California Press. ISBN 978-0-520-27756-4.
↑ Hall, C. Michael; Gössling, Stefan, eds. (2016-05-26). Food Tourism and Regional Development. Routledge. doi:10.4324/9781315691695. ISBN 978-1-317-43089-6.

[1] Kodansha encyclopedia of Japan, Volume 6 (1st ed.). Tokyo: Kodansha. 1983. p. 283. ISBN 978-0-87011-626-1.

[:02-2] Kushner, Barak (2012). Slurp! : a social and culinary history of ramen – Japan's favorite noodle soup. Leiden: Global Oriental. ISBN 978-90-04-22098-0. OCLC 810924622.

[:6-3] Solt, George (2014). The Untold History of Ramen: How Political Crisis in Japan Spawned a Global Food Craze. California Studies in Food and Culture. Berkeley, CA: University of California Press. ISBN 978-0-520-27756-4.

[4] Hall, C. Michael; Gössling, Stefan, eds. (2016-05-26). Food Tourism and Regional Development. Routledge. doi:10.4324/9781315691695. ISBN 978-1-317-43089-6.

[1]

[2]

[3]

[4]