Papabile
An papabile (Italian pronunciation: [paˈpaːbile], darakulan: papabili) iyo an sarong bakong opisyal na katagang Italyano na tinugdas asin enot na ginamit kan mga mga Batikanologo (Batikanolohista) asin ginagamit na sa ngunyan sa dakol na mga tataramon sa bilog na kinaban tanganing iladawan an sarong tawo o lalaking Katoliko, na parating sarong kardinal, na pig-iisip bilang sarong mapupwede o posibleng kandidato tanganing magin ma-elihir bilang papa. An literal na traduksyon iyo an "sarong tawo [o lalaki] na mapupwede magin papa".
Sa nagkapirang mga pagkakataon, an mga Kardinal pigpipili kan sarong kandidatong papabile. Kabilang sa mga kardinal na "papabili" na na-elihir bilang papa iyo sinda Eugenio Pacelli (Pio XII), Giovanni Battista Montini (Pablo VI), asin Joseph Ratzinger (Benedicto XVI). Alagad, sa kun minsan, nag-eelihir an Kolehiyo kan mga Kardinal nin sarong lalaki o tawo na dai pigtatratar bilang papabile kan kadaklan sa mga tagapagmatyag kan Batikano. Sa dai pa nahahaloy na mga taon, an mga na-elihir na papa, minsan ngani dai isinaalang-alang bilang "papabili" iyo an kinabibilangan ninda Juan XXIII, Juan Pablo I, asin Juan Pablo II. Igwang sarong kasabihan an mga Batikanologo na "an sarong lalaki [o tawong] luminaog sa konklabe bilang Papa nagluluwas gikan digdi bilang sarong kardinal."
An listahan kan "papabili" nagbabago mantang naggugurang an mga kardinal. Halimbawa na, inisip na si Carlo Maria Martini ay sarong "papabile" sagkod sa magretiro siya gikan sa saiyang sede sa pag-abot niya nin 75 taonan an edad. An listahan kan "papabili" sa konklabeng pampapa kaidtong 2005 nagpahiling nin kun siisay an pigtatratar bilang "papabile" kan magadan si Juan Pablo II. Huli sa si Papa Benedicto XVI iyo an saro sa pinakagurang sa mga lalaki na nasa listahan, kadaklan sa mga lalaking nasa listahan madanay bilang mga posibleng magin karibay niya.
Sa tataramon na Italyano, an katagang papabile piggagamit man sa ibang mga sitwasyon na kinasasangkutan kan pag-elihir o pagtatalaga sa sarong importanteng posisyon. Halimbawa na, si Mario Draghi iyo an nagin nasa lista kan papabili tanganing magin gobernador kan Bangko kan Italya.
