Paragamit:Micasantelices
Emiliano San Andres Saavedra Jr
Si Emiliano San Andres Saavedra Jr., alyas Emiliano Zapata, o bistado sa bansag na Atlas,namundag asin nagdakula sa Tinambac, Camarines Sur, aki ni Emiliano Salvosa Saavedra, Sr saro nin CHED Principal na gikan pa sa Ligao, Albay asin an saiyang ina na si Margarita San Andres saro sa pinakamagayon asin matali sa angkan kan San Andres sa Tinambac. Si Emiliano S. Saavedra Jr., aka “Duyong” sa saiyang pamilya nageskwela sa Ateneo, nagklase ning kolehiyo sa Camarines Sur School of Arts & Trades (CSSAT) sa Naga, asin tanganing mag-adal ning pag-uma nagklase man s’ya ning agrikultura sa Camarines Sur State Agricultural College ( CSSAC) o bistado na ngunyan na Central Bicol State University of Agriculture (CBSUA), dangan nag-eskwela man sa University of Nueva Caceres ning pagtukdo, sa UNC mas nabisto dangan nagsikat bilang saro sa editor in chief kan The Nueva Caceres, na sinasabing saro sa may pinakadakulang school-based community publication sa Bikol kan mga dekada 60 sagkod man kan dekada 70, igde mas nabisto an saiyang orag sa pagsurat ning tataramon sa Ingles, nagi man s'ya nin inspirasyon sa iba pa ning estudyanteng mahilig magsurat asin kan mga babaeng hubenes kan panahon. Sa mga eskwelahan na na ini bako sana ning parasurat o editor an pagkakabisto saiya kundi saro man sa maorag na estudyanteng lider kan eskwelahan.
Kan dekada 7o sagkod dekada 80 nagi man sya nin editor in chief kan dyaryong Bicol Monitor na sadiri ni Cong. Boboy Alfelor. Nagi man sya nin cub reporter kan Bicol Mail. Tigpunan nya gibuhon an grupong Arana Boys, kairiba kan saiyang mga amigos na sinda Shulan Primavera, Ompong Baldemor, Nick Marasigan, Jovito Palo, Pay Pael San Andres, Edgar Tuy asin Ernie Verdadero na may puturo sa pagsurat. Kan makagradwar asin makatapos ning kolehiyo sa pagtukdo imbes na sa Naga o Tinambac mas pinili nya magtukdo sa baanwaan kan Siruma. Igde nagpuon sya sa pagsurat ning mga editorials asin columns sa mga dyaryong lokal, arog kan Bicol Monitor asin Bicol Mail. Nakasurat man sya ning libro pasabot sa buhay kan saiyang iniidolo na si Luis R. Villafuerte.
Nagmukna man sya nin MassCom Arts and Affairs na nagprodusir kan pelikulang The Good and the Bad, ini an mga istorya kan mga gawi-gawi kan deboto ni Inang PenaFrancia. Nagtukaw man sya bilang ex-officio chair kan Kantong Putikon (Part II) sa SM City Naga.
[1]
https://magbikolkita.com/midya-midya/emil-saavedra-editor-asin-parasurat-alyas-atlas/