Partido Republikano kan Estados Unidos

Gikan sa Bikol Sentral na Wikipedia, an talingkas na ensiklopedya
An logo kan Partido Republikano
Abraham Lincoln, an pinaka'enot na Republikanong Presidente (1861–1865).

An Partido Republikano kan Estados Unidos iyo an saro sa kontemporaryo asin mayor na partido pulitika sa Estados Unidos na kabali na diyan an Partido Demokrata. Inaapod man na GOP (Grand Old Party, Dakulang Gurangan na Partido), ini tinogdas kan mga aktibistang nagkokontra sa paglakop kan kaoripnan, kan taon 1854. An plataporma kan Partidong ini parati pinanalmingan an konserbatismo kan mga Amerikano sa spectrum kan pulitika sa nasyon na ini. Sinasabing konsiderado ining center-right, o sentro-patoo, bakong arog kan mga Demokrata na mas sentro-pawala.

An Partido Republikano igwang ikaduwang pinakadakul na rehistradong botante na, kan taon 2004, nag'aabot sa 55 milyon, bagay na narepresentar kan saro-katolohan kan elektorado. Sa ika-112 na Kongreso, nabotohan kan 2010, an Partidong ini nakakua kan mayoriyang mga tukawan sa Kamara de Representante (242/435), asin minoriya sa Senado (47/100). An Partido kapot an mas dakul na gobernatura (29/50), asin siring man, kapot an dakul na lehislatura sa mga estado asin an kontrol nin sarong kamara sa limang estado.

Mga panluwas na takod[baguhon | baguhon an source]