Petro Kasui Kibe
Peter Kibe, SJ ( Japanese: ペトロ岐部 ; 1587 – 4 Hulyo 1639), Kibe Si Shigekatsu (岐部 茂勝) an saiyang tunay na pangaran, bistado man sia bilang Petro Kasui Kibe (ペトロ・カスイ岐部). Saro siyang Hapon Heswita asin Kristiyanong martir. Aktibo kan ika-17 siglo AD, si Peter, o Petro asin bistadong tawo sa Portuges, saro sia sa nagkapirang mga Hapon na nagbisita sa mga mayor na syudad sa sulnopan kan saiyang ginikanan na bansang Hapon, arog kan Roma asin Jerusalem.
Mga Amay na Taon
[baguhon | baguhon an source]Namundag si Peter kan 1587, sa Probinsya nin Bungo, sa mga magurang na Kristiyano.
Kan 1614, nadistiero sia sa Portuges na Macau, pagkatapos kan mandato kan emperador na pahalion sa nasyon an mga Kristiyano. Nag-adal sia nin Latin asin teolohiya sa sarong teolohikal na eskwelahan sa Macau. Kundi, aram nia asin kan iba pang Hapon na magigin masakit an magin padi huli sa diskriminasyon sa nasyonalidad, kaya binayaan ninda an eskuelahan tanganing magduman sa Roma.
Nagduman siya sa Portuges Malacca asin Goa sa Portuges Indya sa paagi nin barko, dangan naghale pasiring sa Europa na nagbabaklay sa Persia, an Strait of Hormuz asin Baghdad, saka nagin pinakaenot na Kristiyanong Hapon na nag-abot sa Jerusalem. Pakatapos nin masakit na pagbaklay na naglawig nin tolong taon, nag-abot siya sa Roma pakatapos na maglayag sa Mediterranean Sea.
Hale sa Macau, sarong surat na nagsasabing "An mga Hapon na naghale sa Macau maduman sa Roma, alagad dai makipag-olay sa sainda." an ipinadara sa Roma. Alagad, sa Roma, siniyasat kan mga Heswita si Kibe asin napag-araman na igwa siyang kaaraman asin angay para sa sarong padi. Kan ika-15 nin Nobyembre 1620, nagin siyang pading Heswita sa edad na 32 sa Basilika ni San Juan Laterano .
Pakatapos, sinanay siya sa laog nin duwang taon sa sarong eskwelahan nin pagsasanay kan mga Heswita sa Roma, asin nagkua kan saiyang mga panuga bilang sarong padi na Heswita sa Lisbon. Kan 1623, naghale siya pasiring sa India kaiba an beynteng Heswita. Kan sunod na taon, nag-abot siya sa Goa sa paagi kan Cape of Good Hope .
Pag-uli sa Japan
[baguhon | baguhon an source]Nagdesisyon si Kibe na magbalik sa Japan; sarong peligrosong gibohon huli sa desisyon ni Tokugawa Ieyasu na ipagbawal an Kristiyanismo asin an paglaog kan mga misyonerong Kristiyano, huli sa pighihiling na maluyang gawi kan mga Heswita. Nadepisilan si Kibe sa paghanap nin barko na matugot saiya na makasakay. Naglibot siya sa Sur-subangan na Asya, dangan nakasakay sa sarong barko hale sa Manila pasiring sa Japan kan 1630. Nalunod an barko alagad nakaabot sa Kagoshima sa timog kan Japan. Nagbalik siya sa Japan pakatapos kan labing anom na taon niyang paghali sa saiyang bansa.
Nagtago si Kibe asin nakadulag sa grabeng pan-aapi asin pagkabuyagyag. Nagduman sia sa amihanan-sirangan kan Japan paagi sa Nagasaki asin pinakusog an boot kan mga Kristiano. Kan 1639, nadakop sia kan sia nagtatago sa harong nin sarong Kristiano asin inarestar. Ipinadara sia sa Edo, pinasakitan si Kibe nin grabe, alagad dai nagkombertir, na nag-engganyar sa ibang mga preso na magsayuma man na gibohon ini. Huli kaini, hinale siya kan anggot na mga bantay sa laog asin ginadan siya sa paagi nin 'spearing' o pagsibat.
Pagromdom
[baguhon | baguhon an source]Sa Kibe Kunimi-banwaan nin Kunisaki-syudad nin Oita, yaon an Father Kibe Memorial Park na pigtogdas ni Father Sekki. An estatuwa ni Kibe na gibo ni Yasutake Funakoshi nakatindog sa parke. Kan Mayo 7, 2006, an Roman Curia Congregation for the Causes of Saints nagdesisyon na si Padre Kibe asin an iba pang 187 na mga Kristiyanong Hapon na nagadan bilang martir dapat na ideklarar na paladan.
An beatipikasyon ni Peter Kibe asin 187 iba pang mga martir nangyari kan Nobyembre 24, 2008 sa Nagasaki. Para sa selebrasyong liturhiko sa Nagasaki Stadium, labing 30,000 na mga partisipante an nag-atendir.
Kan Hulyo 1, 2022 an pinakaenot na icon ni Kibe an iniluwas kan mga Heswitang Hapon. Ini an sarong komisyon na ginibo kan artista na si Aleksandr Griaznov.