Aldaw nin Filipino-Espanyol na Pag-aramigo

Gikan sa Bikol Sentral na Wikipedia, an talingkas na ensiklopedya
España y Filipinas, 1886 oil on canvas, pintura ni Juan Luna

An Philippine–Spanish Friendship Day o Aldaw nin Filipino-Espanyol na Pag-aramigo (Spanish: 'Día de la Amistad Hispano-Filipina') ipigrorokyaw an maimbong na relasyon sa pag'ultan kan Republika nin Filipinas asin kan Kahadean nin Espanya tuyong Hunyo 30 taon-taon. Ini sarong pagromdom kan aldaw na si Heneral Emilio Aguinaldo, presidente kan Enot na Republika nin Filipinas nagpaluwas nin dekreto na ipinagboot na an mga ultimong mga soldados na Espanyol na nagpaili nin haros sarong taon sa simbahan nin Baler, Aurora tratohon bako bilang enemigo asin preso ni gera kundi komo mga katood. Ipigboot man sa dekreto na an mga ini ta'wan nin permisong kaipohan sa pagbalik ninda sa Espanya.

Si Senador Edgardo Angara, an kag'ama kan Kaaldawan , pigladawan an okasyon komo "sarong mamuraway na aldaw sa magkasing nasyon huli ta idtong Pagtalikop sa Baler nagbunga nin mga heroe asin trayumpo para sa duwang partido."[1]

Ngonyan an Kaaldawan simbolo kan lipotok na pagka'aramigo kan duwang nasyon.

Katalikdan[baguhon | baguhon an source]

An Philippine–Spanish Friendship Day Bill naipasar kan Hulyo 22, 2002, na nagbunga kan Akta Republika Nu. 9187 aprobado kan Pebrero 5, 2003, mga lakdang na tuyo ipakusog an relasyon kan duwang nasyon na totoo igwang inagihan na komun na historya, tradisyon asin pagpapahalaga.

Toltolan[baguhon | baguhon an source]

  1. "Baler recuerda a los 'últimos de Filipinas' en Día Amistad Hispano-filipina" [Baler remembers the "Last ones of the Philippines" in Philippine-Spanish Friendship Day] (in Spanish). Spain: Terra Noticias (noticias.terra.es). June 30, 2007. Archived from the original on October 7, 2011. Retrieved July 20, 2010.