Philippine Airlines

An Philippine Airlines (PAL), sarong tatak kan PAL Holdings, Inc. (PSE: PAL), na bistado man sa kasaysayan (sagkod 1970) bilang Philippine Air Lines, iyo an pambanwang kompanyang pang-ere (airline) kan Pilipinas. Itinogdas an kompanyang pang-ere kaidtong 1941 bilang enot asin pinakahaloy na kompanyang pang-ere sa Asya na bistado man giraray sa irarom kan orihinal na pangaran kaini. Sa ngunyan, nakabase an PAL sa PNB Financial Center, an basehan man kan Bangko Nasyonal kan Pilipinas (PNB), sa Syudad nin Pasay sa Metro Manila.

Gikan sa basehan kaini sa Palupadang Pankinaban kan Ninoy Aquino sa Manila, an Palupadang Pankinaban kan Clark sa Angeles, asin an Palupadang Pankinaban kan Mactan-Cebu sa Syudad nin Cebu, nagsisirbe an Philippine Airlines sa 31 na destinasyon sa Pilipinas asin sa 41 na destinasyon sa manlainlain na mga nasyon sa Sur-subangang Asya, Subangang Asya, Tahaw na Subangan, Oseanya, Norteng Amerika asin Europa.