Ratak An Ati
Rawitdawit na tinokda' ni Leonor Dy-Liacco, sinapi' sa libro niyang An Bikolana:
RATAK AN ATI
- An ATI an ratak sa satuyang tubig
- Sa salog, sa sulong, sa sapa, burabod sa bukid
- Alagad enoton an ati sa salog
- Ta mayo nang sira sa tubig na libog
- Mayo nang bakagan, maputi, makintab
- Mayo nang kikiro, na may patak-patak
- Mayo na nin bakla na mataba-taba
- Mayo nang otaba na garo na bola
- Kulang na nin bebe sa hababaw mayo
- Kulang na nin boyod, orog nang bigsion
- Yaon na an hito na kadto sa oma
- Igwa na nin kikig nagtataro-tangka
- Nangangalasan pati asusugi ma' na
- Na iyong makakan kan ating ralataw
- Kun ika maglaba an puti malatom
- Maglamutaw ka man yaon an kurikong
- Ano daw punan ta tiponon an ubak
- Kan mga gulayon, bungang kahoy, batag
- Magbobon na kita diyan palapaon
- An gabos na ati na satong inapon
- An ati plastic na dai nalalapa baga
- Sirubon na sana kun dakul hugasan
- Malinig an harong pati natad pangpang
- Sa pangpang haleon bayungan, atian
- Dai ka mag-ati sa salog na gayo
- Ta an ating iyan ratak ta sa tao
- Ilikay an aki sa gabos na helang
- Nganing maheling man gayon kan kinaban.