Reynang byuda
An sarong reynang biyuda o inang reyna (kumpara: prinsesang biyuda o inang prinsesa) iyo an sarong titulo o kamugtakan na pangkagabsan na nanonongod sa sarong byuda nin sarong hade.[1][2] Sa kaso nin byuda nin sarong emperador, ginagamit an titulong byudang emperatris. Malinaw an bilog niyang kahulugan gikan sa duwang katagang binibilog nin: reyna na pinapahiwatig na an indibidwal nagsirbeng reynang konsorte (i.e. agom kan sarong hade), mantang pinapahiwatig nin byuda an sarong babayi na kun saen gadan na an agom (sarong reyna na namamayo sa sadiri niyang karapatan asin bakong huli sa kinasal siya sa sarong hade iyo an sarong reynang reynante).
An sarong inang reyna iyo an sarong byuda na ina nin sarong namamayong monarko. Kaidtong 2019, igwang apat na nabubuhay na reynang byuda: sinda Kesang Choden kan Bhutan (na solamenteng lolang reyna sa bilog na kinaban),[3] Norodom Monineath kan Cambodia (na inang reyna man), Lisa Najeeb Halaby (Noor Al'Hussein) kan Jordan, asin Sirikit Kitiyakara kan Thailand (na inang reyna man). Si Reyna Ratna kan Nepal iyo an reynang byuda sagkod binuwag an monarkiyang Nepales kaidtong 2008.[4]
Toltolan[baguhon | baguhon an source]
- ↑ "Queen dowager". Google Arts & Culture (in English). Archived from the original on 2022-11-14. Retrieved 2021-05-28. Unknown parameter
|url-status=ignored (help) - ↑ "queen dowager". Merriam-Webster Dictionary. Retrieved 2021-05-28.
- ↑ "Octogenarian grandmother of king to visit different holy places in state" (in English). Archived from the original on 2017-11-12. Retrieved 14 Setyembre 2014. Check date values in:
|access-date=(help) - ↑ "South Asia | Vote to abolish Nepal's monarchy" (in en). BBC News. 28 Disyembre 2007. http://news.bbc.co.uk/2/hi/south_asia/7163034.stm.
