Ribat kan Zein-o-din

Ribat ka Zein-o-din
رباط زين الدين
Panginot na Impormasyon
Tipo	Ribat, Caravanserai
Istilo nin Pan-arkitektura	estilong Safavid
Kinamumugtakan	Zein-o-din, Yazd, Iran
Istaran	Dalan nin Yazd – Kerman, Dalan nin Seda
Tagboan	31.411653°N 54.706872°E / 31.411653; 54.706872
Pigpúnan an konstruksyon	Ika-16 siglo
Kliyente	Abbas an Dakula
Mga detalyeng teknikal
Bilang kan Salôg	2
UNESCO World Heritage Site
Parte kan	An Caravanserai kan Persya
Krayteriya	Cultural: ii, iii
Toltolan	1668-028
Inskripsyon	2023 (47th Sesyon)

An Ribat kan Zein-o-din o Zein-o-Din Caravanserai namumugtak sa Zein-o-din, Yazd, Iran. An Ribat napetsahan kan ika-16 na siglo asin namumugtak sa suanoy na Dalan nin Seda. Saro ini sa 999 na siring na harong-dagosan na itinogdok durante kan pagreynar ni Abbas an Dakula tanganing magtao nin mga pasilidad sa mga nagbibiyahe. Sa mga ini, an Zein-o-din saro sa duwang caravanserais na itinogdok na may pabilog na mga torre. Pagkatapos kan paghirahay kaini, ini nag-operar bilang sarong inn. An kaparehong itinogdok na caravanserai harani sa Isfahan gaba na.

Heograpiya

An Caravanserai namumugtak sa Dalan nin Seda, sagkod 1500, an panginot na agihan nin negosyo sa pag-oltanan kan Europa asin Asya. An tinampo pasiring sa Yazd minaagi sa Zein-o-din. Kan mga nainot na siglo, ini naabot pakatapos nin duwang aldaw na pagsakay sa kamelyo hale sa habagatan kan Yazd, mga 60 kilometres (37 mi) sa mayor na tinampo pasiring sa Kerman.

Panlikod na impormasyon

An panluwas na tanawon kan caravanserai garo baga sarong "abandonadong kagabaan" dawa ngani an laog kaini marahay an pagka-adorno sa orihinal na porma kaini na ginigibo ining sarong "atmospera asin nakakaakit" na lugar na pag-istaran.

Kasaysayan

An enot na mga caravanserais ibinareta kaidtong 2,500 na taon na an nakaagi, kan an Persya pinamamayuhan kan Imperyo nin Achaemenid. Durante kan Safavid era sa Iran, an mga caravanserai itinogdok sa mga kombenyenteng lugar sa distansya na kada 20 sagkod 30 milya sa mga ruta nin komersyo sa bilog na nasyon. Kadakol kan siring na mga edipisyo an itinogdok sa mga lumang asin bagong mga ruta nin karaban sa irarom kan paghade ni Abbas an Dakula (1587–1629) asin Shah Abbas II (1642–66). An caravanserai saro sa 999 na siring na mga hostel na itinogdok tanganing ipalakop an komersyo.

Sarong bayad sa paglaog an sinisingil kaiba an aroaldaw na bayad para sa sarong 8 ft-square na kwarto. An mga kuwarto igwa nin pugon, asin an mga surugoon igwa nin separadong lugar na madadagusan. An paraataman kan caravanserai legal na awtorisado na magkolekta nin buwis sa benta asin mamamayo sa gabos na transaksyon; minsan sinda may tendensiyang magsingil nin sobra asin magdaya sa mga negosyante. Ini obligasyon kan mga paraataman na magtao nin seguridad sa mga negosyante asin sa saindang mga paninda laban sa paghabon. An pagpadalagan kan mga caravanserai sa Iran pigkonsiderar na kapareho kan mga pinapadalagan sa Imperyo nin Ottoman.

Arkitektura asin mga gamit

An caravanserai sarong duwang eskalon na estruktura, kwadrado an plano, na may 16-gilid na patyo asin sarong pool nin tubig. Duwa sanang caravanserais an itinogdok na may pabilog na mga torre. An saro kaini iyo an Zein-o-din Caravanserai asin an saro pa, na nasa gaba na kamugtakan, harani sa Isfahan. An caravanserai na ini nakatagal sa maraot na panahon nin huli ta ini sa primero marahay an pagkagibo.

An dai pa sana nahahaloy na paghirahay kaini inabot nin tolong taon tanganing matapos, asin kabali an paggamit nin 13,000 na gapong pumice tanganing mahale an mga ati sa mga lanob sa laog. Ibinalik sa haros orihinal na estado, an mga kwarto yaon sa sarong halangkaw na base asin an mga kutson itinatao sa salog, na natatahoban nin mga alpombra. Mayo nin pinto na nagseseparar kan mga kwarto sa pasilyo, na may kurtina sana na nagtatao nin privacy sa mga nakaistar. Alagad, an pasilidad kan komun na kasilyasan marahay an pagkakabit. An edipisyo nag-aako nin 60 sagkod 80 na turista aroaldaw; mga turista hale sa 70 nasyon an pigbabareta na nag-istar digdi.

Mga Tampok

Nin huli ta an caravanserai harayo sa siyudad, an ribok pinakahababa asin an kalangitan sa banggi malinaw asin pano nin mga bitoon. An sarong amateur na astronomo nagkokondukta nin mga lektura sa astronomiya sa atop.

Kaladawanan

• 
• 
• 
• 
• 
• 
• 
• 
• 
• 
• 

Mga toltolan

Bibliograpiya

• Levi, Scott Cameron (January 2002). The Indian Diaspora in Central Asia and Its Trade: 1550 – 1900. BRILL. ISBN 978-90-04-12320-5. 
• Burke, Andrew; Maxwell, Virginia; Shearer, Iain (1 June 2012). Lonely Planet Iran. Lonely Planet. ISBN 978-1-74321-320-9.