Rie Yoshiyuki
Si Rie Yoshiyuki (吉行理恵, Yoshiyuki Rie, 8 Hulyo 1939 – 4 Mayo 2006) sarong Hapon na parasura, nobelista asin pararawitdawit.
Biograpiya
[baguhon | baguhon an source]Namundag si Yoshiyuki sa Tokyo bilang ikatolong aki kan parasurat na si Eisuke Yoshiyuki asin kan saiyang agom na si Aguri, sarong bantog na beautician. Natapos niya an saiyang pag-adal sa departamento nin Literaturang Hapones sa Unibersidad nin Waseda[1]
An enot niyang koleksyon nin rawitdawit na may titulong Aoi Heya ipinublikar kan 1963. Kan 1967, an koleksyon niyang rawitdawit na Yume no naka de na nagtao saiya kan Tamura Toshiko Prize. [1] Kan 1973, ipinublikar niya an saiyang halipot na osipon na Kioku no naka ni manungod sa saiyang ama, na nagadan kan siya sarong taon pa sana. [1] Sinundan ini kan 1975 nin koleksyon nin halipot na mga osipon na may titulong Otoko girai. [1]
An saiyang osipon na pang-aki na Mahōtsukai no kushan neko an nagtao saiya kan Noma Children's Literature Newcomer Award. An iba pa sa saiyang mga obra na nakakua nin parangal iyo an Chiisana Kifujin asin Kiiroi neko . Kadaklan sa saiyang mga osipon piggagamit an ikos bilang mga karakter o naglaladawan ning mga relasyon kan mga ikos asin mga tawo, o nagkukua nin mga memorya kan mga nakaagi. An saro pang paorootrong tema iyo an kun paano an maringis na gawe-gawe nin mga tawo nakakaapektar sa buhay nin iba. [1]
Nagadan si Yoshiyuki sa Tokyo kan ika-4 nin Mayo 2006 huli sa kanser sa thyroid. [2]
Sarong nobelista an saiyang matuang tugang na lalaki na si Junnosuke, asin aktres man ang saiyang matuang tugang na babayi na si Kazuko.
- 1 2 3 4 5 Sachiko Shibata Schierbeck; Marlene R. Edelstein (1994). Japanese Women Novelists in the 20th Century: 104 Biographies, 1900-1993. Museum Tusculanum Press. pp. 247–249. ISBN 978-87-7289-268-9. Error sa pag-cite: Invalid
<ref>tag; name "Sachiko_1994" defined multiple times with different content - ↑ "吉行理恵さん死去／芥川賞作家、詩人 (Rie Yoshiyuki, Akutagawa Prize laureate, writer, poet, dies)" (in ja). Shikoku News. 8 May 2006. http://www.shikoku-np.co.jp/national/culture_entertainment/20060508000003.