Risa Wataya

 

Si Risa Wataya, (Risa Wataya; minundag kan Pebrero 1, 1984), sarong babaying nobelista hali sa Kyoto. An saiyang halipot na nobelang Keritai senaka naganahan an premyong Akutagawa asin napabakal nin halos milyon na kopya. Naganahan man ni Wataya an premyong Bungei asin an premyong Kenzaburo Oe. An saiyang gibo na stransleyt na sa German, Italian, French, Thai, Korean, asin English.

Biograpiya

Minundag si Wataya sa Tokyo, Japan. An saiyang ina saro nin Ingles na maestra sa Unibersidad asin an saiyang ama nagtatrabaho sa kompanyan kan mga bado. Sa edad na 17, sinabi niya sa saiyang magurang na nagtrabaho siya kan saiyang eksam sa paglaog sa unibersidad, pero saiya nang sinusurat an saiyang inot na nobela, pinamagatang Insutōru (install). Naganahan kan Insutōru an 38th Bungei Prize kan 2001. Kalaunan ini tig angkop sa pinekula kan 2004 kan parehong pangaran, pinagbidahan ni Aya Ueto.

Paka-gradwar sa Murasakino High School sa Kyoto, si Wataya nag atender sa Unibersidad kan Waseda, kun sain an saiyang papel naka-tutok sa straktura kan Osamu Dazai Hashire merosu. Kan 2004, habang siya secondarya sa Waseda, si Wataya nakua an premyong Akutagawa sa saiyang halipot na nibela Keritai senaka ("The Back You Want to Kick"). Nag parti si Wataya nin premyo ki Hitomi Kanehara, saro man nin babayeng hubin na parasurat. Sa edad nin 19, siya naging pinaka-hubin na parasurat asin iyo sana an ikatulong estudyante na naganahan an premyong Akutagawa. An Ingles na bersyon kan Keritai senaka na publikar 12 taon an nakaagisa irarom kan pamagat na I Want to Kick You in the Back.

Dae tulos nag surat si Wataya nin nobela pakatapos manggana kan premyong Akutagaw, pero nagtrabaho siya nin dakol na trabaho sa Kyoto, kasali an pagtinda nin bado sa departamentong tindahan asin nag-serbi bilang weytres sa hotel. Nagbalik siya sa pag surat sa saiyang 2007 na libro ng Yume wo ataeru (Give Me a Dream), asin kan 2010 na nobela Katte ni furuetero (Tremble All You Want) naging barakalon sa Japan. Kan 2017 an adaptasyon sa pelikula kan Katte ni furueter, pinanginotan ni Akiko Ohku, pinadalan sa Tokyo International Film Festival asin nanggana nin festival's Audience Award.

Buminalik sa Kyoto si Wataya kan taong 2011. Kan 2012, an saiyang nobelang Kawaisou da ne? ("Isn't it a pity?") naganahan an Kenzaburo Oe na premyo. Inanonsiyo ni Wataya an saiyang kasal kan 2014. An saiyang inot na aki na lalake iminundag kan 2015.

Taga-hanga siya kan AKB48.

Estelo sa pagsurat

An inot na gibo ni Wataya nakacsentro sa makusog na mga babayeng protagonista sa high school setting. Mantang an saiyang pagsuray nagtatao nin atensyon sa taoha asin sekswalidad kan mga hubin, an sakop kan medya kan inot na duwang libro ni Wataya igwang tendensya na iladawan si Wataya na mas konserbatibo ki Hitomi Kanehara, an saiyang kontemporaryo asin kaibahan na manggana kan ika-130 Akutagawa na premyo.

Sinabi niya, na sina Junit Diaz, Osamu Dazai, asin Haruki Murakami an nagkapira niyang paboritong mga autor.

Pagbistado

• 2001 38th Bungei Prize

• 2004 130th Akutagawa Prize

• 2012 Kenzaburo Oe Prize.

Pelikula asin iba pang mga adaptasyon

• 2004 Insutōru (Install)

• 2017 Tremble All You Want

• 2021 Unlock Your Heart