Ronang Schengen

An Ronang Schengen iyo an sarong grupo nin duwampulong (29) nasyon na Europeong naghale nin gabos na mga kontrol o bantay sa saindang mga border o kasagkoran sa pag-ultanan nin lambang saro. Nagpoon ini sa maka-eponimang kasunduan na Schengen na pinirmahan sa maka-Luksemburgong banwaan nin Schengen kaidtong 1985, na naiubay na sa Nagkakasararong Europeo. Gabos na mga kaapil sa EU, apwera sa Republika nin Irlanda kaipohan magpautob nin Schengen. Nagsagibo na kaini an gabos na kaapil na nakikisumaro apwera sa Tsipre. Apat na bakong kaapil na mga estado – an Iceland, Liechtenstein, Norwega, asin Swisa – an nagsakatuparan na man kaini. Bilang siring kaini, sa presenteng nasasakupan na lugar an populasyon nin labi sa 400 milyon na mga tawo asin an ronang 4,312,099 mga kilometro kwadrado (1.664911×106 milya kuwadrado).