Rosa Sevilla
| Rosa Sevilla | |
|---|---|
 Sevilla as a staff of the La Independencia newspaper, c. 1898 | |
| Kamundagan | Rosa Lucia Sevilla y Tolentino 4 Marso 1879 Tondo, Manila, Captaincy General of the Philippines |
| Kagadanan | Error: Need valid death date (first date): year, month, day Quezon City, Philippines |
| Midbid bilang | Women's suffrage in the Philippines |
| Agom | Emilio Alvero |
| Mga aki | 5 |
| Mga magurang | Ambrosio Sevilla Silvina Tolentino y Rafael |
Si Rosa Sevilla de Alvero (namundag na Rosa Lucia Sevilla y Tolentino ; 4 Marso 1879 – 11 Mayo 1954) sarong Filipinong aktibista, edukador, asin peryodista na nag'aadbokasiya para sa pagboto kan mga kababaihan sa Filipinas. [1]
Biograpiya
[baguhon | baguhon an source]Si Sevilla namundag kan Marso 4, 1879, sa Tondo, Manila ki Ambrosio Sevilla, sarong sarhento kan Hokbong Espanyol, asin Silvina Tolentino y Rafael, sarong paryente kan rebolusyonaryo asin dramaturgo na si Aurelio Tolentino. [2] Nagdakula siya kaiba si Tolentino na saiyang tiyaon na parating nag-iimbitar sa mga nasyonalista asin mga intelektwal na nag-aadbokasiya laban sa inaapod nindang "kolonyal na edukasyon" sa saindang harong. [3] Nag-adal siya tanganing magin sarong paratukdo, dangan naggradwar na "maestra superior" sa Assumption College . [4] Kan huri siya an nagin pinakaenot na babaeng Dekano kan Unibersidad kan Santo Tomas, asin nagmukna kan Instituto de Mujeres (ngonyan Rosa Sevilla Memorial School) kan Hulyo 15, 1900.
Si Sevilla parte kan editoryal kan peryodiko ni Antonio Luna, an La Independencia asin nagsurat man nin mga obra sa tataramon na Espanyol arog kan La Mejor, El Sueno del Poeta, asin Prisonera de Amor .
Kan mga enot na taon kan kolonyal na panahon kan Amerika, tinogdas niya an Instituto de Mujeres sa Manila sa edad na 21, na nagin saro sa pinakaenot na eskwelahan para sa mga babae sa Filipinas. An institusyon nagtao nin kurikulum sa mga kababaihan na makakatabang sainda na mag-andam "tanganing maglingkod sa Dios asin sa nasyon" na nagtatao sainda nin alternatibo sa mga eskwelahan na pinapadalagan kan mga Amerikano na kadaklan nagbabawal sa pagtukdo nin relihiyon, siring man sa mga asignatura sa tataramon sa Espanyol asin mga katutubong tataramon.
Kan huri, sa edad na 30 anyos, nangenot siya sa sarong hiron kan 1916 para sa mga kababaihan na Pilipino tanganing maseguro an deretso sa pagboto, na iyo an nagtogdas kan Liga Nacional de Damas Filipinas. Kan 1937 kan an mga babae nakakua nin deretso pagkatapos nin sarong reperendum .
Si Sevilla nagtrabaho man sa larangan nin peryodismo, kun saen siya nagin editor para sa aroaldaw na Espanyol na La Vanguardia, asin nagmukna kan The Woman's Outlook, sarong magasin na ipinublikar kan General Federation of Women's Clubs of the Philippines. [5]
Nagadan siya kan Mayo 11, 1954, sa edad na 75 anyos.
Personal na buhay
[baguhon | baguhon an source]Inagom niya si Emilio Alvero, sarong artista.
Mga Premyo
[baguhon | baguhon an source]
Presidential Medal of Merit: 4 July 1948
Queen Isabella II of Spain Award: 1948
Pag-omaw
[baguhon | baguhon an source]Kan Marso 4, 2021, pigselebrar kan Google an saiyang ika-142 na kumpleanyo sa paagi nin Google Doodle . [6]
Toltolan
[baguhon | baguhon an source]- ↑ "Google fetes Filipina suffragist Rosa Sevilla de Alvero with doodle on 142nd birthday".
- ↑ "Google Doodle celebrates Rosa Sevilla de Alvero, one of the women who fought for Filipina's right to vote". Manila Bulletin. 4 March 2021. https://mb.com.ph/2021/03/04/google-doodle-celebrates-rosa-sevilla-de-alvero-one-of-the-women-who-fought-for-filipinas-right-to-vote/.
- ↑ Co, Ryanne (4 March 2021). "Rosa Sevilla de Alvero: 5 Facts To Know About Today's Google Doodle". Tatler Philippines (in English). Archived from the original on 18 April 2021. Retrieved 3 February 2025.
- ↑ "Because of Rosa Sevilla de Alvero, Pinays can vote. But who is she?". My Pope. 4 March 2021. Archived from the original on 3 March 2021. Retrieved 3 February 2025.
- ↑ "Google doodle features Filipina suffragette". GMA News Online. 4 March 2021.
- ↑ "Rosa Sevilla de Alvero's 142nd Birthday". Google. 4 March 2021.
