Saladino

Si Salah ad-Din Yusuf ibn Ayyub (Arabiko: صلاح الدين يوسف بن أيوب) (mga haros 1138 - Marso 4, 1193), urog na midbid sa Solnopan na kinaban bilang Saladin o Saladino (Arabiko: صلاح الدين الأيوبي), iyo an sarong Kurding Muslim na nagin Sultan kan Ehipto asin Sirya. Pinamayuhan niya an sarong paglaban kan Muslim sa mga Europeong Krusada sa Levant. Sa rurok kan saiyang kapangyarihan, pinamayuhan niya an Ehipto, Sirya, Irak, Hejaz, asin Yemen. Pinamayuhan niya an mga Muslim laban sa mga Krusada asin dai naghaloy kinua giraray an Palestina gikan sa Kahadean kan Herusalem pagkatapos kan matrayumpong Labanan sa Hattin. Huli digdi, saro siyang bantog na pigura sa Arabya, Kurdi, Turko, Taga-Iran asin kulturang Muslim. Maghigpit na tagasunod si Saladin kan Sunni Islam. Tinino kan mga Kristiyanong parasurat an saiyang kagalantihan na kaugalian, urog na an mga nasurat sa pagkubkob kan Kerak sa Moab.