Salapid
.JPG)
An salapid iyo an sarong komplikadong estruktura o pattern na hinaman sa paagi nin pag'oltan kan tolo o mas mga strands nin haluwag na materyal arog kan textile yarn, alambre, o buhok.[1]
An pinakasimple asin pinakakomun na bersyon iyo an sarong patag, solido, tulong strands na estruktura. An urog kakomplikadong mga pattern pwedeng magibo gikan sa arbitraryong numero nin strands tanganing makagibo nin mas mahiwas na sokol nin estruktura (arog kan sarong ikog nin sira na salapid, limang-stranded na salapid, pisi na salapid, sarong Pranses na salapid asin busay na salapid). An estruktura parating halaba asin hayakpit sa lambang komponidong strand na katumbas sa pagzigzag painotan sa paagi kan suruon na masa kan iba. Pwede ining maikumparar sa proseso nin paghabol, na parati may duwang suway na perpendikular na grupo nin mga strands (warp asin weft).
Sa kasaysayan, an mga materyales na ginagamit depende sa tubong tanom asin hayop na makukua sa lokal na lugar. Durante kan Rebolusyon na Industriyal, an kasangkapan na mekanikal sa pagsalapid inimbento tanganing dugangan an produksyon. An pamamaaging pagsalapid iyo an ginagamit sa paggibo nin mga pisi na may natural sagkod sintetikong hibla saka coaxial cables para sa radios gamit an alambreng tanso.[2][3] Sa mas dai pa sana nahahaloy na mga panahon ginamit ini sa paggibo nin fuel pipes sa jet aircraft asin barko (enot gamit an glass fiber, dangan stainless steel asin Kevlar). An mga hose para sa domestikong tubero parateng natatahoban nin stainless steel braid.
Toltolan[baguhon | baguhon an source]
- ↑ Kyosev, Yordan (2014). Braiding technology for textiles. Woodhead Publishing. ISBN 9780857091352.
- ↑ Michael, M.; Kern, C.; Heinze, T. (2016). "Braiding processes for braided ropes". Advances in Braiding Technology. pp. 225–243. doi:10.1016/b978-0-08-100407-4.00009-0. ISBN 9780081009260.
- ↑ Kyosev, Y.; Müller, B. (2016). "Lever arm braiding". Advances in Braiding Technology. pp. 209–222. doi:10.1016/b978-0-08-100407-4.00008-9. ISBN 9780081009260.
