Salvacion Lim Higgins
Si Salvacion Lim-Higgins (Enero 28, 1920 – Setyembre 15, 1990), na bistado man sa propesyonal na apod na Slim, sarong Pilipinang paradisenyo nin moda na midbid sa saiyang haute couture . Pigkokonsidera siya kan kadaklan na kritiko kan kulturang Pilipino bilang ina kan modernong terno.
Kan 2022, bago an saiyang kagadanan siya pinangaran bilang sarong National Artist of the Philippines, na iyo an ikaduwang fashion designer na nag-ako kan distinksyon kasunod kan saiyang kontemporanyong Ramon Valera.[1]
Amay na buhay asin edukasyon
[baguhon | baguhon an source]Si Salvacion Lim-Higgins namundag kan Enero 28, 1920,saro sa anom na aki nina Luis Samson Lim Katiam asin Margarita Navera Diaz.[2] An saiyang ama sarong imigranteng Intsik na imbuelto sa industriya nin mga paragibo nin barko mantang an saiyang ina sarong kagharong.
Sarong tubong Legazpi, [1] si Lim nagduman sa Manila tanganing mag-adal nin fine arts sa Unibersidad kan Santo Tomas (UST) asin nagtuyo na magin sarong pintor. Si Botong Francisco an saiyang naging mentor sa UST. [3] An saiyang pag-adal nadisturbo kan Ikaduwang Gerang Pankinaban . [1]
Sa huri, nag-enrol siya sa Traphagen School of Design sa New York bago nagbalik sa Pilipinas kan taon 1952. [1]
An Ikaduwang Gerang Pankinaban naging paagi saiya na magkua nin mas praktikal na karera sa disenyo nin moda. Pagkatapos kan gera, mantang naghahalat na magbalik an eskwelahan, nagpadara siya nin mga debuho o sketch kan saiyang disenyo nin moda sa Manila Times, asin nagpoon na maggamit kan pangaran na "Slim". Kaiba an saiyang matuang tugang na babae na si Purificacion asin an katood kan pamilya na si Consuelo Barberan, si Slim nagbugtak nin sarong tindahan nin disenyo nin moda sa Manila kan 1947 na na yaon na ngonian sa Taft Avenue . [1] Si Slim, naimpluwensiyahan na gayo kan kultura kan Hollywood kan mga taon 1950 asin 1960 asin parateng nagduduman sa Europa asin New York tanganing mag-adal nin mga koleksyon nin moda, makanuod nin mga teknika, asin magbakal nin mga designer clothes tanganing orog pang mapakarhay an saiyang gibo.
Kan taon 1960, si Slim asin Purificacion tinindog an Slim's Fashion and Art school, an pinakaenot na eskwelahan nin moda sa Filipinas. [3][2] [4]
Si Slim madaling nagretiro sa saiyang karera tanganing magin tagapamahala kan saindang harong pagkatapos na magpakasal kan taon 1960 alagad nagluwas sa pagretiro kan kabangaan kan taon 1970. Pigbukahan niya an saiyang ikaduwang tindahan sa may Amorsolo Street .[3]
Helang asin kagadanan
[baguhon | baguhon an source]Si Lim nareparar na may minamating kanser sa saiyang baga sa katahawi kan taon 1980s maski na ngani siya dae man nagsisigarilyo. [3] Siya nagadan kan Setyembre 15, 1990. [2]
Legasiya
[baguhon | baguhon an source]Si Lim nabistado giraray kan saiya nireimbentoan terno. [4] Siya pigmidbid bilang sarong National Artist of the Philippines kan Hunyo 2022. [5]
Personal na buhay
[baguhon | baguhon an source]Naagom ni Lim si Hubert Higgind, sarong Irish expatriate sa Pilipinas, kun sain sinda nagkaugwang duwang aki. Kinasal sinda kan 1960 kan si Lim 40 anyos mantang 47 man si Higgins. [3] [6]
Reperensya
[baguhon | baguhon an source]- 1 2 3 4 5 "Dame of Philippine couture". Varsitarian. January 26, 2010. Archived from the original on March 20, 2025. https://web.archive.org/web/20250320110706/https://varsitarian.net/news/20100126/dame_of_philippine_couture. Retrieved on March 27, 2026.
- 1 2 3 Empty citation (help)
- 1 2 3 4 5 "On her 100th birth year, Salvacion Lim Higgins' legacy lives on". Philippine Daily Inquirer. https://lifestyle.inquirer.net/355952/on-her-100th-birth-year-salvacion-lim-higgins-legacy-lives-on/.
- 1 2 "Millennials Channel Salvacion Lim Higgins Via Slim's". Philippine Daily Inquirer. December 1, 2017. https://www.pressreader.com/philippines/philippine-daily-inquirer-1109/20171201/282488594050931.
- ↑ "Nora Aunor, Ricky Lee, Tony Mabesa among 8 new National Artists". Rappler. June 10, 2022. Retrieved June 12, 2022.
- ↑ Jamora-Garceau, Therese (July 27, 2019). "In the studio with Mark Higgins: Mixing history with fun and vibrant colors". The Philippine Star. Retrieved June 12, 2022.
