San ribong krin

An Thousand Cranes (千羽鶴, Senbazuru) ay sarong nobela kan Japones na para surat na si Yasunari Kawabata na primerong naipahiling sa tahaw kan taon na mil nuebe syentos kwarenta y nuebe asin mil nuebe syentos cincuenta y Kwatro asin naipublikan kan mil nuebe syentos cincuenta y dos.[1][2]

Estorya

An nobela binubuo nin limang parte, na may titulong "Tousand Cranes", "The Grove in the Evening Sun", "Figured Shino", "Her Mother's Lipstick" asin "Doble Star".

Tungkol ini sa 28-anyos na trabahador sa opisina sa Tokyo na si Kikuji nag-atendir sa leksyon sa seremonya nin tsa ni Miss Chikako Kurimoto, na an saiyang nagadan nang ama kaidto nagkaigwa nin halipot na relasyon. Malinaw pa man giraray niyang nagigirumdoman an sarong dakulang naevus sa saiyang daghan, na nahiling niya kaidto kan siya aki pa. Si Kikuji napahanga sa kagayunan kan saro sa mga estudyante ni Miss Kurimoto, si Yukiko Inamura, na may darang furoshiki na may disenyo kan sangribong krin kan titulo kan nobela. An leksyon sa seremonya nin tsa inatenderan man ni Mrs. Ota, sarong 45-anyos na balo asin haloy nang agom kan saiyang ama, asin kan saiyang aking babae na si Fumiko. Si Miss Kurimoto nagtataram nin may pag-ulog-ulog ki Mrs. Ota, mantang sa parehong paagi naghihingoang pukawon an interes ni Kikuji ki Miss Inamura.

Si Kikuji asin si Mrs. Ota nag-istar nin sarong mapusok na banggi na magkaibanan, asin si Kikuji nag-iisip kun nahihiling ni Mrs. Ota an saiyang ama sa saiya. Kan siya nagbisita giraray saiya pagkatapos nin halawig na pag-ontok, naaraman niya na an saiyang aking babae na si Fumiko nagprobar na pugulan siya na manompongan siya. Sa ibong kan saiyang hararom na pagmati nin kasusupgan, siya nagtuturog giraray ki Kikuji. Kan bangging idto, inapod siya ni Fumiko tanganing sabihan na an saiyang ina nagkomiter nin paggadan. Nag-oyon siyang tabangan si Fumiko na tahuban an pagtangka na paggadan kan saiyang ina tanganing mapanatili an saiyang reputasyon

Si Miss Kurimoto pa orootrong nagpapahiling sa harong ni Kikuji, na nagtataram nin maraot ki Mrs. Ota mantang kasabay kaini ipinapagirumdom saiya si Miss Inamura. Si Kikuji, na naaanggot sa saiyang pagigin mapang-akit, nagsimbag na dai siya interesado sa hoben na babae. Si Fumiko nag pamana saiya nin sarong shino ware na garapon kan saiyang ina, asin kan huri sarong shino tea bowl, na soboot igwa nin dai nahahale na bakas kan lipstick kan saiyang ina. Si Kikuji nagkaigwa nin interes ki Fumiko, na hinahapot an saiyang sadiri kun nahihiling niya an saiyang ina sa saiya.

Kan si Kikuji nagbalik hale sa pagbiyahe pasiring sa Lake Nojiri, ibinurunyag saiya ni Miss Kurimoto na si Miss Inamura asin Fumiko pareho nang nag-agom nin ibang lalaki habang siya nawawara. Naaraman niya na an saiyang istorya sarong kaputikan, kan apodan siya ni Fumiko tanganing sabihon na mapoon na siya nin trabaho asin mabalyo sa sarong flat na mas harayo saiya. Kan banggi, dinalaw siya ni Fumiko asin nag-insistir na an mangko nin tsa kan saiyang ina dai na dapat igibong importante asin raoton na. Ibinugtak ni Kikuji an mangko nin tsa kan saiyang ama sa kataid ni Mrs. Ota, asin pareho sindang nakakaaram na ini an mga mangko na ginamit kan saiyang ama asin ina mantang may relasyon sinda. Sa huri, binari ni Fumiko an mangko kan saiyang ina sa plato nin gapo, asin nagkaibanan sinda ni Kikuji sa banggi.

Kan sunod na aldaw, pig testing ni Kikuji na apodan si Fumiko sa saiyang trabaho, alagad dai siya nag-abot. Nagduman siya tanganing hilingon siya sa saiyang bagong flat, kun saen sinabihan siya na nag-anunsyo siya na magbakasyon kaiba an sarong amigo. Si Kikuji nag-iisip kun baga si Fumiko nagkomiter nin paggadan arog kan saiyang ina.

Mga Karakter

Si Kikuji, an bida
Si Chikako Kurimoto, sarong dating agom kan ama ni Kikuji
Si Mrs. Ota, sarong dating agom kan ama ni Kikuji
Fumiko, an aking babae ni Mrs. Ota
Si Yukiko Inamura, sarong estudyante ni Miss Kurimoto

Mga Tema

Sa saiyang 2015 na pagrepaso para sa The Japan Times, itinukdo ni Stephen Mansfield an "magayon na tataramon, obsesibong sekswalidad, asin pagduhagi sa panahon" kan nobela, pati an paorot na pag-iribahan kan "pangit asin venal" sa mga imahe nin kagayunan. Inapod niya ini bilang "sarong obra na pano nin kapungawan asin pagkadisorient sa pagkabigo kan arit, literatura, asin literatura pa ngani tanganing makagibo nin ideyal na seremonya nin kinaban." Mantang, si Boyd Tonkin kan The Independent nagkomento man sa "mga maribok na hilig" na nagtatrabaho sa likod kan "sarong liriko asin dai nahihiling na ibabaw," kung sain an mga ritwal asin lalagan kan seremonya nin tsa nagpapahiling nin simbolikong representasyon kan "pagkasala, kamunduan, asin paghimuyawot" kan mga bida.

Sa saiyang pag-analisar kan Thousand Cranes, si David Pollack nagdrowing nin mga pagkaka agid sa pag-ultanan ni Kawabata asin kan Pranses na parasurat na si Marguerite Duras, na nakanompong nin "sarong kaparehong pagmati nin mga nakatalaan na kapaladan, nin garo pangaturugan asin inchoate na mga realidad, nin liriko na sa nagkapirang padagos na naglalaog na kapaladan na kun saen [...] an buhay garo baga nagkukua kan pinaka-importanteng kahulugan kaini". Sa pagkomento sa karakter ni Miss Kurimoto, nahihiling niya an seremonya nin tsa sa saiyang mga kamot na nagin "perverted asin grotesque" asin "sarong ritwal nin kapangyarihan asin pagbalos". Para ki Pollack, an negatibong paglaladawan ki Miss Kurimoto ay sarong tanda kan pagkontra ni Kawabata, asin kan kadaklan na mga lalaking parasurat na Hapon, sa ideya nin "sarong babae na may mga interes na 'maskulino' asin an pagigin andam asin kakayahan na humiro susog igdi". [1]

Si Kawabata mismo redyek sa ideya na hilingon an saiyang nobela bilang "sarong pag-apod kan pormal asin espirituwal na kagayunan kan seremonya nin tsa", na nagpapaliwanag, na ini "sarong negatibong obra, asin kapahayagan nin pagduda asin pagirumdom laban sa kabastusan na kun saen nahulog an seremonya nin tsa". [1]

Mga Premyo

An Thousand Cranes saro sa tolong nobela na binanggit kan Nobel Komite sa pagtao ki Yasunari Kawabata kan Nobel Prize para sa Literatura, an duwa pa iyo an Snow Country asin The Old Capital . An nobela napili para sa pagsalin asin paglaog sa UNESCO Collection of Representative Works.

Mga Pag-adaptar

An Thousand Cranes pig-adaptar sa sarong sikat na pelikula kan mil nuebe syentos cincuenta y tres ni Kōzaburō Yoshimura [1] asin kan mil nuebe syentos sisenta y nuebe ni Yasuzo Masumura [2]