Shabu-shabu

Shabu-shabu, sarong Hapones na nabenomo hotpot na pagkakan kan manipis na giniris na karne asin gulay na pinakuloan sa tubig asin isinisirbi na may sawasawan na sarsa. An terminong onomatopoeic, hali sa tanog na "swish swish" na ipinapaluwas kun an mga sangkap hinahalo sa kaldero. An kakanon niluluto kada pidaso kan mga parakakan sa lamesa. An shabu-shabu sa pangkagabusan mas mapait asin bakong gayong mahamis kaysa sa sukiyaki, saro man nin niluoy na pagkakan.

Kasaysayan

An manipis na giniris na karne asin gulay iyo an tipikal na mga sangkap kan shabu-shabu

An Shabu-shabu naimbento sa Japan kan ika-20 siglo kan pagbukas kan kakanan na Suehiro sa Osaka, kun sain an pangaran naimbento. An presidente kan si kakanan, Chūichi Miyake, nirehistro an pangaran bilang tatak kan 1952. An Shabu-shabu naging mas bantog sa rehiyon kan Kansai asin kan 1955 ini man nagdagdag nin lista sa mga restawrant sa Tokyo asin naglakop sa palibot kan Japan.

Igwang duwang karaniwang teorya manungod sa pinunan kan shabu-shabu. An inot ini nag puon hali sa Inner Mongolian hot pot bistado bilang madaliang pakalaga-kaga kan karne nin tupa (shuàn yángròu), kun sain napabisto sa Japan pakatapos kan World War II kan Hapones na nakaistar sa Beijing. An duwang putahe pighahanda sa paagi nin madali g pag-imot kan manipis na giniris kan karne sa nagkakalagakagang sabaw, dangan kinakakan na may sarsa.

An saro pang teorya iyo na an shabu-shabu na naggikan sa Hapones na mizutaki pakalaga-kaga na sarong bantog na klase nin nabemono. An Mizutaki igwa nin manlain-lain na sangkap asin bersyon alagad perming nakabase sa sabaw (dashi) o tubig na mayo nin dagdag na pampanamit.

Kompara sa iba pang Hapones na hot-pot na pagkakan arog kan sukiyaki, an shabu-shabu minsan sana niluluto sa harong sa Japan. Arog pa man kayan, an sukiyaki asin shabu-shabu parehong bantog sa dakol na parte kan Japan, asin iyo man sa Japantown sa mga bansa arog kan United States asin Canada. Ini man bantog sa Taiwan asin South Korea.

Preparasyon

An pagkakan na ini madalas na gibo sa manipis na giris kan karneng bak, pero an ibang bersyon nag gagamit nin karne kan orig, ogama, manok, kambing, o labster. Kahalosan, bistek an ginagamit, pero dae nin gayo malumoy an paka-putol, arog kan top sirloin na pangkahalosan. An pinakamahal na lahi kan baka, iyo an Wagyu, pwede man magamit. Ini minsanan minaserbe na may tokwa asin gulay, kaayon an repolyo kan Chinese, chrysanthemum na dahon, nori (dahon nin dagat na pwedeng kakanon), sibulyas, karots, asin shiitake asin enokitake na kabote.

An kakanon pinipreparar sa paagi ni paglubog sa manipis na giris kan karne o pidaso nin gulay sa kaldero kan nagkakalaga-kagang tubig o dashi (broth) gibo sa konbu (kelp) asin haluon ini. Minsan, an hilaw na karne tig-lulubog sa mainit nin mga pirang segondo, ta ini tig gurot sa kasing nipis kan papel kaya ini madali sanang maluto. An paglaag nin karne sa kaldero nin saroang beses pwedeng mag resulta nin labis na pagkaluto kan karne. An luto nang karne asin gulay tig-lulubog sa ponzu o goma (tulang nin sesam) na sarsa bago kakanon, asin minaserbe kaiba an sarong tasa nin luto na puting bagas.

Giniris na karne na may sarsa asin duwang klase nin sabaw

Giniris na karne

Karne asin gulay na sabaw

Panggabusang surunudan kan pag laag nin sangkap sa palayok

1. "shabu-shabu" an ibang karne (an katas kan karne nagtataong namit sa sabaw)
2. mag dag-dag nin sangkap na nanga-ngaipo nin dakol na oras arog kan, karots, kabote, repolyong Chinese, asin iba pa.
3. mag dag-dag nin sangkap na madaling lutuon aroh kan, tokwa, sibulyas, mizuna, asin repolyong Chinese.

Pag nakakan na an karne/sira asin gulay an sabaw mawawalat sa palayok. An tadang sabaw sa kaldero pwedeng ihalo sa maluto, ramen o urdon asin an nagiging redulta na pagkakan iyo an panghuring kunakakan na inaapod na shime sa Japan.

An pagkakaiba-iba kan maluto inaapod ma na zosui. Pag an karne sinerbe na malipot, inaapod ini nin rei-shabu, na kun sain perming nababakal sa mga tindahan asin market sa Japan.

Mga Sarsa asin Dutdutan

An mangiba-ngibang klase kan mga sarsa pwedeng gamiton pan dutdot sa karne asin gulay, kaayon an sarsang ponzu asin sesame na sarsa. An mga restawrant nagtatao nin tau-yu, dutdutan gibo sa tulang kan sesame, ponzu asin dakol pa man na pilian na pampalasa, arog kan dahon nin sibulyas asin karots na binabad sa suka, nganing makagibo an mga parakakan nin sadiri nindang dutduton hale sa gusto ninda.

Mga pagkakaiba-iba sa Japan

Hilaw na dugong

Karne nin baka o manok an karaniwang ginagamit para sa shabu-shabu, pero igwa man nin nag gagamit nin sira. An gamit na sira iyo an salay-salay (yellowtail), talakitok (greater amberjack), o bakoko (red seamrram). Ginagamit man an pusit asin kasag. Sa mga gulay, letus o giniris na labanos an pwedeng gamiton kaysa sa repolyo kan Chinese.

Rehiyon na sangkap kasali an:

• Tōhoku:Kelp (Wakame no Shabu-shabu)

• Kansai:

Hilingon man

• Listahan kan sabaw asin nilaga kan mga Hapones.

• Oden