Diyalektong Shikoku

Hapones na Shikoku
Subo sa	Hapon
Rehiyon	Shikoku
Pamilya nin Tataramon	Haponiko Hapones Sulnupan na Hapon Hapones na Shikoku
Mga kodigo nin tataramon
ISO 639-3	–
Glotologo	shik1243
An mapa kun saen nakamugtak an Shikoku.

An mga diyalektong Shikoku (四国方言, Shikoku hōgen) iyo an sarong grupo nin mga diyalektong Hapones na pigtataram sa Shikoku.

Mga diyalekto

An mga diyalektong Shikoku, iyo an:

• Diyalektong Awa (Prepekturang Tokushima, bisto kadto sa Probinsiya nin Awa)
• Diyalektong Sanuki (Prepekturang Kagawa bisto kadto sa Probinsiya nin Sanuki)
• Diyalektong Iyo (Prepekturang Ehime, bisto kadto sa Probinsiya nin Iyo)
• Diyalektong Tosa (Prepekturang Kōchi, bisto kadto sa Probinsiya nin Tosa)
  • Diyalektong Hata (distritong Hata, pinakasulnupan kan Kochi)

Dakol na pinagkapararehas sa lado nin balanghayan an diyalektong Shikoku sa diyalektong Chūgoku. Minagamit nin ken an diyalektong Shikoku para sa "nin huli ta", dangan -yoru sa aspetong progresibo asin -toru o -choru sa perpekto. Piggagamit kan pirang mga tawo sa Prepekturang Kōchi an kin, kini, o ki imbes na ken, -yō (Hata) o -yū (Tosa) imbes na -yoru, asin -chō (Hata) o -chū (Tosa) imbes na -choru.

An pinakadakulang pagkakaiba sa tanga kan diyalektong Shikoku asin diyalektong Chūgoku iyo an pitch accent. Apwera sa habagatang-sulnupan na Ehime dangan sulnupang Kochi, dakol sa mga diyalekto sa Shikoku, minagamit nin Kyoto-Osaka-type accent o mga baryasyon kaini asin pararehas sa diyalektong Kansai, alagad piggagamit kan diyalektong Chūgoku an Tokyo-type accent.