Si Barbie sa sarong Istorya nin Sirena

Si Barbie sa sarong Istorya nin Sirena sarong 2010 animated adventure film na an direkto iyo si Adam L. Wood saka ini tig paluwas sa Mattel Entertainment kaiba kan Rainmaker Intertainment. Ini tig luwas sa DVD kan Marso 9, 2010, saka niluwas sa telebisyon sa Nickelodeon kan Abril 4, 2010. An ika disesyete na tiglaog sa Barbie film series, na sinundan kan sequel kan 2012, Si Barbie sa sarong Istorya nin Sirena 2. Na nagiikot kay Marliah Summers, na sarong kampeyon sa surfing na naaraman niya na saro siyang kabangang Sirena na pinaduman sa irarom kan kadagatan tangarig isalbar an saiyang Ina na reayna kan kadagatan.

Opisiyal na deskrisyon

Si Barbie an nagbidang Marliah, Sarong kampeon sa surfing sa Malibu. Sarong minuto saro siyang normal na hubin pagkatapos nagulat na sana siya ta naaraman niya an makangangalas na sekreto kan saiyang pamilya. Si Marliah asin an saiyang barkada na si Zuma nagduman sa kairaruman kan kadagatan tangarig isalbar an saiyang Ina na reyna sa Oceana. Sa tabang kan mga bago niyang barkada na sirena man. Naisalbar niya an kahadean kan Oceana. Sa huri, naaraman niya na an pagiging iba puwede palan magiing saimong kakusugan.

Istorya

Si Marliah Summers (na ginanapan ni Barbie) sarong hubin na para-surfing sa Malibu. Habang naglalaban sa kompetisyon, Nawara sa konsentrasyon si Marliah ta narisa niyang nagiging kulay pink an saiyang buhok, na naging kawsa kan saiyang pagkatumba sa tubig. Habang nasa iraramom kan tubig, narisa niyang nakakahangos siya sa irarom kan tubig, saka kinakaulay siya kan sarong kulay pink na bottlenose dolphin na an ngaran Zuma. Nangalas siya sa mga pangyayari, sinabi niya sa saiyang lolo an mga nangyari. Pinaliwanag ni Break na an ina ni Merliah sarong sirena kaya tinao si Marliah kay Break kan siya aki pa tangarig padakulaon ta nahiling ninda na may mga bitis si Merliah. Haros dae makatubod si Merliah.

Pagkatapos niyang sabihon sa mga barkada niya na sinda Fallon saka Hadley, Nagbutwa si Zuma Asin sinabi sainda na totoong kabangang sirena si Merliah. Nagpaliwanag si Zuma kay Merliah na siya an aki ni Calissa na dating reyna kan kahadean kan Oceana. An nakatukaw na reyna ngunyan kan Oceana iyo si Eris na tugang ni Calissa. Sarong tirano na kinua an trono ni Calissa kan siya nawara kan mga nakaaging taon. Naglalaom si Zuma na makua ang trono kay Eris. Habo ni Merliah kaya inapon niya an saiyang kuwentas na sulot niya puon pagkaaki. An naraot na kuwentas nagluwas an imahe ni Calissa, na nagpapahiling na siya buhay pa. Nagtugot si Merliah na magduman sa Oceana na naglalaom na mabalik sa dati si Calissa.

Sa agihan kan Oceana, nag-istorya si Zuma na an kadagatan nagluluya na kawsa kan gibo ni Eris na dae man tatao sa paggibo kan Merillia — sarong gibo na nagpapahiro sa kadagatan. Si Merliah asin si Zuma nakaduman sa Oceana kan Eris festival, Siring si Eris nagpananao nin Merllia na karibay kan paglaom saiya kan mga sirena. Na an totoo si Calissa an naggibo, na ikinulong sa dungeon.

Sa tabang kan mga sirenang si Kayla asin si Xylie, dae narisa na an buntot ni Merliah peke sana, an groupo tig bisita an Destinies, tulong sirena na igwang kapangyarihan, an tulong Destinies sinabihan si Merliah na ikolekta an tulong bagay tangarig makua niya an trono ki Eris: an Celestial Comb, an Dreamfish, asin an Eri's protective necklace. An grupo hinanap an manga gamit, tig-aapudan man ninda si Fallon asin si Hadley sa tabang kan teknolohiya. Nahanap ninda an Celestial Comb sa irarom kan kuweba asin an Dreamfish sa Adenato.

Ta ngarig makua ang kuwentas ni Eris, Si Merliah, Kayla, asin si Xylie kinaulay si Eris asin nagkanta asin nagbayli sinda tangarig dae makarisa si Eris. Kinua ni Merliah an kuwentas ni Eris, kan natanggal an saiyang buntot, na kawsa kan pagkahiling kan saiyang mga bitis. Sa kaanggutan ni Eris guminibo siya ning alimpuyo tangarig mawara si Merliah asin mapaduman sa pinakairarom kan kadagatan. Dae makahali si Merliah sa alimpuyo kaya inapod niya si Dreamfish tangarig matabanga siya. Sinabi niya na puwede niyang tuparon ang kamawotan ni Merliah na magbalik sa Malibu asin matanggal an saiyang pagiging kabangang sirena habang buhay. Dae inako ni Meriah an mawot asin inako niya an saiyang responsibilidad na prensesa kan Oceana, na naging kawsa na makua niya an saiyang tunay na buntot na nagamit niya tangarig makahali siya sa alimpuyo. Naipaluwas ni Merliah an saiyang tunay na identidad sa mga tawo sa Oceana, Iwinagayway ni Merliah an hugay tangarig na patunay. Sinugod ni Eris si Merliah; matapos kan pagdakop, napaduman ni Merliah si Eris sa alimpuyo.

Hinanap asin pinadulag ni Merliah si Calissa. Naging reyna man giraray si Calissa asin nakakagibo asin nakakapaikot na giraray siya nin Merillia na igwang kakusugan, asin nabalik na sa pagiging maugma an Oceana. Nagsabi si Merliah na napupungaw na siya sa pagiging tawo niya, kaya tinawan siya ni Calissa nin kuwentas na nagsisimbolo kan saiyang pagiging tawo asin pagiging sirena. Nagbalik si Merliah sa Isla, asin na nagkahilingan giraray sinda kan saiyang lolo saka siya guminana sa surfing kompetisyon.

Mga karakter

Si Merliah Summers sarong daragita na nakaistar sa Malibu na igwang bansag na "reyna kan manga alon" asin siya sarong kabangang sirena na prensesa sa kairaruman kan kadagatan. An saiyang ama tawo, asin an saiyang Ina reyna kan kairaruman kan kadagatan. An saiyang ama nagadan kan siya aki pa, kaya tinao siya kan saiyang Ina sa saiyang lolo tangarig padakulaon, na sa hiling niya magiging ligtas si Merliah sa Isla kaysa sa kadagatan. Siya sarong matibay asin asin maurag na babayi.
Si Zuma sarong bottlenose dolphin na nagpahiling ki Merliah kan bilog na kahadean kan kadagatan saka tinabangan siya sa pagligtas kay Calissa.
Si Fallon saro sa barkada ni Merliah (ginanapan ni Grace) Malupit siya asin matinaram asin siya matinabang na barkada.
Si Hadley saro pa sa barkada ni Merliah (ginanapan ni Teresa) Mahilig siya sa pangiturugan. Siya mapangirit asin pastidyo. Iyan an saiyang pagkatawo kaya siya an inot na nagtubod na kabangang sirena si Merliah.
Si Kayla asin si Xylie magbarkada asin matibay magbulos na manga sirena. Sinda maykansadiri nin tindahan sa irarom kan kadagatan na kung sain duman inayosan si Merliah ngarig magi siyang sirena.
Si Snouts sarong sea lion na nagtatrabaho kinda Kayla asin Xylie.
Si Calissa an ina ni Merliah. Siya an reyna kan kadagatan, bago an saiyang nguhod na tugang na si Eris, na inikit saiya an trono.
Si Eris an tugang ni Calissa asin an ante ni Merliah. Siya an nag-agaw kan trono kay Calissa asin siya naging maraot na reyna. Gabos sa kahadean takot saiya. An kalaban sa pelikula.
Si Break Summers an lolo ni Merliah asin panugangan ni Calissa. Siya an nagpadakula kay Merliah asin nagsabi manungod sa mga nangyari kadto.
An Destinies iyo an tulong babaying sirena na an manga ngaran Dee, Deanne asin Deandra na igwang kansadiri kan pabulugan asin nakakahiling kan puturo. Sinabi ninda kay Merliah an tulong kaipuhan tangarig madaog si Eris asin mabalik sa dati an Oceana.
Si Remo sarong yellow asin green leafy sea dragon na pirmeng kaiba ni Eris. Siya pirmeng kinukulgan ni Eris, asin siya an nagtukdo kay Merliah kunhaen si Calissa kan nadaog ninda si Eris.

Mga karakter

Kelly Sheridan as the speaking voice of Merliah Summers[7][8]
Melissa Lyons as the singing voice of Merliah
Kathleen Barr as Eris/Snouts
Tabitha St. Germain as Zuma/Deanne
Nakia Burrise as Fallon
Maryke Hendrikse as Hadley
Emma Pierson as Kayla
Ciara Janson as Xylie
Garry Chalk as Break Summers
Nicole Oliver as Calissa
Alistair Abell as Remo/Pufferazzi
Andrea Libman as Dee
Shannon Chan-Kent as Deandra
Alex Ferris as Dreamfish
Ellen Kennedy as Lipstick Fish/Syrenka
Peter Mel as Surf Announcer
Scott McNeil as Syrenka's Pet Fish

Hilingon man

Lista kan manga Barbie na pelikula

Mga Panultulan

1. "Barbie in A Mermaid Tale". Barbie. Retrieved December 9, 2013.

2. "TV Week". Asbury Park Press. April 4, 2010.

3. "Barbie in A Mermaid Tale". Universal Pictures Home Entertainment. March 8, 2015. Archived from the original on November 24, 2022. Retrieved July 24, 2022.

4. Barbie in a Mermaid Tale (Video 2010) – IMDb, archived from the original on July 24, 2022, retrieved July 24, 2022

5. Wood, Adam (March 9, 2010), Barbie in a Mermaid Tale (Animation, Family, Fantasy), Mattel Entertainment, Rainmaker Entertainment, archived from the original on August 14, 2022, retrieved July 24, 2022.

6. Barbie in A Mermaid Tale". Google Play. Archived from the original on July 24, 2022. Retrieved July 24, 2022.

Panluwas na sumpay